Connect with us
Redmi 9C
Advertisement

Astrology

කුජ වයස 28ට වැඩි අයව අත්හරිනවද

Published

on

විවාහය ගැන කතා කරද්දී කුජ ගැන කොතරම් කතා කළද අවසානයක් දක්වා කතා කළ නොහැකි තරමට කුජත් විවාහයත් අතර ඇත්තේ ප්‍රබල සම්බන්ධයකි. විවිධ තැන්වලදී කසාදයට පෙර කුජ ඉස්සර කරගන්නා තැන් අනන්තවත් තිබේ. එයාට කුජ දෝෂ, මෙයාගේ කුජ හතේ වැනි මත ප්‍රකාශ කරමින් විවාහයන් පස්සට දමන තැන්ද අනන්තය, අප්‍රමාණය. එහෙත් ඒ බහුතරයක් දෙනාට ඇත්තේ කොහෙන් හෝ ඔළුවට දමාගත් මතවාදයක් මිස මුහුකුරා ගිය ජ්‍යොතිෂමය දැනුමක් හෝ ජෝ‍යාතිෂමය තර්ක විතර්ක නොවේ. එනිසා කසාදයක හැම අඩුවක් පාඩුවක්ම කුජ පිටින් දමා ගැලවී සිටින්නට උත්සාහ කිරීම අපරාධයකි.

කුජ දෝෂ දක්වන්නේ එක, දෙක, හතර, හත, දොළහ ස්ථානවල සිටියදීය. ඉහත සඳහන් කළ ස්ථානයක සිටින කුජගේ එකම රාජකාරිය විවාහ කඩාබිඳ දැමීමත්, මංගල කටයුතු කඩාකප්පල් කිරීමත් ලෙස සිතන්නන් වැඩිය. එහෙත් වඩාත් හොඳින් අවබෝධ කරගත යුත්තේ කුජගේ එකම කාරණය විවාහ කඩාකප්පල් කිරීම පමණක්ද යන්නයි.

කුජ යනු ශක්තියට මුල්තැන දෙන්නාය. තේජවන්තකමට, එඩිතරකමට, හිතුවක්කාරකමට මෙන්ම සල්ලාලකමටද අධිපතිත්වය දරන ග්‍රහයාය.

සැඟවීමකින් තොරව කරන දේ එළිපිට කිරීමට තරම් බලයක් ඇති කුජ ග්‍රහයාට ඕනෑම දෙයක් ක්‍ෂණිකව කඩාබිඳ දැමීමේ බලයක්ද වෙයි. මේ හේතු නිසාම විවාහයේදී සෑම කෙනෙක්ම කුජ ගැන බිය වන්නේ බිය නොවී බැරිකමටය.

එහෙත් යම් කේන්දරයක කුජ බලවත් වී සිටීනම් එම ජන්මියා එඩිතර ගති ඇති ශක්තිමත් තැනැත්තකු වෙයි. හෙතෙම එඩිතර තද හිතක් ඇති අයකු නිසාම ක්‍රියාවේ දක්‍ෂයකුද වෙයි. ඔහු කිසිවකින් පසුබට නොවන අතර, ඕනෑම අභියෝගයක් හමුවේ ඉදිරියටම යන්නකු ලෙසද ප්‍රකට වෙයි. යම් කෙනකුගේ කුජ ලග්නයේ සිටීනම් ඔහු සැමවිටම එඩිතරව ක්‍රියා කළද විවාහය නමැති මාතෘකාවේදී කුජ ගැන බැලිය යුත්තේ ඊට ගැළපෙන අයුරිනි. එසේ බලද්දී කුජගේ ඉවසීමේ ගුණය, අඩුනම් ඉක්මනින් කෝප වීම වැනි කාරණා මූලිකත්වයට පැමිණේ.

විවාහයකදී සිදුවන්නේ දෙදෙනකු එක්ව ගමනක් යෑමය. අදහස්, උදහස් කොතරම් සම වුවද සිත් දෙකක් එක්ව ගමනක් යෑම යනු මතගැටුම් වාද, බේද ඇති වීමේ ප්‍රවණතාවය වැඩිය. එනිසා විවාහයේදී ඉවසීම අංක එකට සැලකෙයි. කුජගේ ස්වභාවය එහි අනෙක් පැත්ත නිසා කුජ විවාහයට බාධා කරන්නෙක් ලෙස ප්‍රකට වෙයි. කුජ ඉවසීම වෙනුවට ඉක්මන් වෙයි. සාමය වෙනුවට රණ්ඩුවට බර වෙයි. එනිසා කුජ 7 වැන්නට නොගැළපෙයි. ඒ හේතුවෙන් 7 වැන්නේ කුජ දෝෂයක් ලෙස සැලකීම එක පැත්තකින් සර්ව සාධාරණය. කෙසේ වුවද කුජ ග්‍රහයා ආවට ගියාට අතහැරිය හැකි ග්‍රහයකුත් නොවේ. පිරිමියකුගේ සහකාරිය නිවේදනය කරන්නේ සිකුරු වුවද කාන්තාවකගේ සහකරු නිවේදනය කරන්නේ කුජය. යම් ස්ත්‍රියකගේ කේන්දරයේ මකර, මේෂ, වෘශ්චික යන රාශියක කුජ සිටීනම් එම කාන්තාවට හිමිවන සහකරුව ක්‍රියාශීලී පුද්ගලයකු වන බව පැවසෙයි. ඔහු කඩවසම් ආකර්ෂණීය අයකුද වෙයි. එවැනි තත්ත්වයක වුවද කුජ 7 වැන්නේ සිටීම සුබ නැත. කුජ නිතරම බලන්නේ 7 වැන්නට බාධා ගෙන දීමටය. 7 වැන්නට කාරක ග්‍රහයා සිකුරය. සිකුරුගේ වැඬේ කරන්නට සතුරු කුජට හැකියාවක්ද නොමැත.

කුජ 7 බලවත්ව සිටීමට වඩා කුජ 7 නීච වීම නරක බව වටහාගත යුතුය. එය වඩාත් දෝෂ සහිත වෙයි. මකර ලග්න පුරුෂයකුගේ කුජ 7 නම් ඔහුගේ සහකාරියට අපල ඇති කිරීමට සමත්වෙයි. එවැනි ස්ත්‍රියකගේ නම් ඇය ලබන පුරුෂයා. දුර්වල අයකු වෙයි. එසේ නොමැති විට දෙදෙනාගෙන් කෙනකු අනෙකාව ප්‍රතික්‍ෂේප කිරීම අනිවාර්යයෙන් සිදුවෙයි.

කුජ 7 අධිපති සමඟ සංයෝග වීමද විවාහයට බාධා ගෙන දෙන පිහිටීමකි. එහිදී අනෙක් ග්‍රහයන් ගැනත් සැලකිලිමත් විය යුතුය. විශේෂයෙන් ගුරුගේ තත්ත්වය බලා තීරණයකට එළැඹිය හැකිය. කෙසේ නමුත් මේ සියල්ල සමඟ වඩාත් ආන්දෝලනාත්මක මතයක්ද තිබේ. එනම් කුජගේ දෝෂය ප්‍රබලව බලපෑම් කරනු ලබන්නේ හිරිමල් තාරුණ්‍යයට යන ප්‍රකාශයයි. එනම් වයස අවුරුදු විසි ගණන්වලදී සහ ඊට පෙරයි. (වයස 28 පෙර) මෙලෙස වයස 28ට පෙර තරුණ තරුණියන්ගේ විවාහයන්ට කුජ ප්‍රබලව බලපෑවද 28 පසුවී විවාහ වීමේදී කුජගේ දෝෂය ප්‍රබල බලපෑමක් නොමැති බවටද මතයක් පවතී. මේ තත්ත්වය වඩාත් උනන්දුවෙන් අධීක්‍ෂණයෙන් තීරණය කළ යුතු තත්ත්වයකි. මෙවැනි කාරණා ගැන ආවට ගියාට තීරණ නොගත යුතුය. එවැනි විවාහයන් මෙන්ම එවැනි කේන්දර ගැනද ඉතා සුපරීක්‍ෂාකාරීව තෝරා බේරාගෙන අධීක්‍ෂණය කළ යුතුය. එවිට සත්‍ය අවබෝධ කරගැනීමට පහසුවෙයි.

කෙසේ නමුත් විවාහයකදී සියල්ල කුජ පිටම පටවා නිදහස් වීමට නොහැකිය. මන්ද කුජ යනු විවාහයේ එකම සතුරා නොවන නිසාය. ඊට තවත් කරුණු කාරණා ගණනාවක් බලපාන්නේය. ඒ ගැනත් ඉතා අවධානයෙන් සිතා බලා තීරණ ගැනීම සුදුසුවෙයි.
ජ්‍යොතිෂවේදී ජයශ්‍රී නන්ද කුමාර

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Mahawanshaya1 year ago

ගම්දනාව බියවද්දමින් උලමා හොයන දේ

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)