Connect with us
Advertisement

Astrology

කේන්දරේ පාප ග්‍රහයන්ට සුබම ස්ථාන

Published

on

ජන්ම කේන්දරයක භාව දොළහෙන් 3, 6, 10, 11 යන ස්ථානයන් උපචය ස්ථාන ලෙසින් හඳුන්වන අතර, මෙම ස්ථානවල හිමිවන්නේද විශේෂිත තැනකි. එහිදී පාප ග්‍රහයන්ට මෙම උපචය ස්ථාන වඩාත් ගැළපෙන බවත් එම ස්ථානවලදී එම ග්‍රහයන් සුබපල ලබා දෙන බවත් ජ්‍යොතිෂයේ සඳහන් වෙයි. ඒ අනුව ඒ ඒ උපචය ස්ථානවලට පාප ග්‍රහයන්ගේ පිහිටීම සුබවන්නේ මෙලෙසිනි

03 වැන්න
ජන්ම කේන්දරයක වික්‍රමස්ථානය සහෝදර ස්ථානය, වීර්යය බලය ආදිය තුන් වැන්නෙන් කියැවෙයි. ඒ අනුව රවි තුන් වැන්නේ සිටීමෙන් වඩාත් හොඳ සුබපල ලබාදෙයි. රටට, ජාතියට වැඩදායී කටයුතු කරන්නකු නිර්මාණය කරයි. ඕනෑම අභියෝගයක් ජයගත හැකි වික්‍රමාන්විත පුද්ගලයකුද වෙයි. කුජද තුන් වැන්නේදී ගුණ දෙන සුබ කාරක ග්‍රහයෙකි. එඩිතර ගති ඇතිකර පසුනොබසින පුද්ගලයන් බිහිකරන්නට තුන් වැන්නේ කුජ කටයුතු කරයි. කාර්මික කටයුතු මෙන්ම ගණිතයටද දක්‍ෂ වෙයි. ඕනෑම අභියා්ගයකට මුහුණ දීමට හැකියාව ලැබෙයි. ශනි ග්‍රහයා තුන් වැන්නේ සිටීමෙන් සතුරන් පරදා ජය ලබයි. සිංහ ලග්න හිමියන්ට 3 වැන්නේ ශනි පිහිටීම දේශපාලනයට සුබ පෙරනිමිත්තකි.
එසේම රාහු ග්‍රහයාද තුන් වැන්නට ඉතාමත් සුබ ග්‍රහයෙකි. සිතන දෙය කරන්නෙක් වෙයි. අකීකරුද නැත. තමා උපන් ප්‍රදේශයට වඩා පිටස්තර ප්‍රදේශයකින් ජය අත්කර ගතහැකි වෙයි. දියුණුවද ලබයි.

06 වැන්න
හය වැන්නෙන් සතුරන් මෙහෙකරුවන් සහ ලෙඩ රෝග ගැන කියැවෙයි. රවි හයේ නම් ලෙඩ රෝග අඩුය. ශරීරය ශක්තිමත්ය. විරුද්ධවාදීන් මැඩපවත්වාගෙන ඉදිරියට යන්නට හැකියාවක් ලබයි. ආයතන ප්‍රධානියකුට මෙය ඉතා හොඳ පිහිටීමකි. මෙහෙකරුවන්ද හොඳින් වැඩ කරයි. සොරසතුරු කරදර නැත. සැප සම්පත් සපිරි ජීවිතයකට වාසනාව ඇත. කුජ හයේ නම් සතුරන්ට බය නැත. අලසකමින් තොරව වැඩ කරයි. දේපොළ ආරක්‍ෂා කර ගැනීමට සමත් වෙයි. ශනි හයේ නම් සතුරන් මැඩපවත්වාගෙන සිටීමේ දක්‍ෂයෙකි. බලය ලබා ප්‍රසිද්ධ අයෙක් වීමට හැකියාව ඇත. කඩිසරව කටයුතු කරන්නකු ලෙසද කැපී පෙනෙයි. රාහුද හය වැන්නට ඉතාම සුබ ග්‍රහයෙකි. රාහුගේ වේගය නිසාම මේ අයද එක තැන නොසිටියි. ආයතන ප්‍රධානියකු වුවද නිතරම තම සේවකයන් ගැන සොයා බලා කටයුතු කරයි. සොර සතුරන් ළං නොවෙයි. තම වස්තුව රැක ගැනීමට අපහසු නැත.

10 වැන්න
10 වැන්න යනු සතර කේන්දර ස්ථානවලට අයිති ස්ථානයකි. දස වැන්න කර්මස්ථානයකටද අයිතිය. ගෞරවය, ප්‍රසිද්ධිය, බලය, ජයග්‍රහණය වගකීම වැනි දේ මෙයින් නියෝජනය වෙයි. 10 වැන්න රවිටත්, කුජටත් දිග්බල ස්ථාන වෙයි. රවි 10 වැන්නේ නම් පියාට සුබයි. පියාගෙන් අමතර උපකාර ලබයි. වැඩකටයුතුවලට දක්‍ෂ අයකු වෙයි. ඕනෑම කටයුත්තක් ඉතා හොඳින් පිළිවෙළට කිරීමේ හැකියාව නිසා ඉන් සාර්ථක විය හැකිය. ඉහළ පිළිගැනීමක් ලබන අතරම, රාජ්‍ය අංශයේ පිළිගැනීමකටද හිමිකම් කීමට වාසනාව ඇත. කුජ ග්‍රහයාද 10 සුබපල දෙන ග්‍රහයෙකි. දහ වැන්නට කුජ පිහිටීම දිග්බල නිසාද යහපත්ය. එක තැනක රැඳී සිටි සුළු සුළු ආදායම් ලබන්නට සිත් නොදෙයි. නිතරම වැඩි ආදායමක් ලබා ගැනීමට කටයුතු කරයි. මෙය හොඳ ව්‍යාපාරිකයකුටද සුබ පිහිටීමකි. නිතරම මහන්සි වී වැඩ කිරීමට පෙලඹෙයි. එයින් දියුණුව ලබාගත හැකිය.
එසේම දහ වැන්නට රාහුද ඉතාමත් සුබය. ප්‍රසිද්ධියටද හේතු යෙදෙයි. වෙළෙඳ ව්‍යාපාරිකයන්ට සුබ පිහිටීමක් මෙන්ම කාර්යය ශූර පුද්ගලයන් බිහිකරයි. විවිධ ප්‍රදේශවල යමින් කරන රැකියා මේ අයට ඉතාමත් හොඳින් ගැළපෙයි.
11 වැන්න
11 වැන්න යනු අයස්ථානය ලෙසින්ද සැලකෙයි. ධනය ලැබීම පෙන්වන ස්ථානයකි. ආදායම මාසිකව වැනි දේද 11 වැන්නෙන් පෙන්වයි.

රවි 11 නම් ආණ්ඩුව සමඟ සම්බන්ධව කටයුතු කරන්නටත්, ඉන් ජයග්‍රහණ ලබන්නටත් වාසනාව ලබා දෙයි. වැඩිහිටි අයගෙන්ද, ස්වාමි පක්‍ෂයෙන් ආධාර, උපකාර ලබාගනී. උfiාගයෙන් කටයුතු කරන්නෙකි. උසස් අය ආශ්‍රයට ලැබේ. තම දක්‍ෂකම නිසාම ප්‍රසිද්ධ වීමට වාසනාව ලැබේ. ආඩම්බරකාරයකු වෙයි. කුජ 11 නම් වෙහෙස මහන්සි වී ආදායම් ලබයි. පොළොවෙන් ආදායම් ලබයි. මැණික් ව්‍යාපාර කරන, පතල් කපන අයට හොඳින්ම ගැළපෙයි. කුජ 11 සිටීමෙන් හොඳින් හෝ නරකින් මුදල් උපයයි. සුබ දේවල්වලින් සෑහීමකට පත්නොවීමේ තත්ත්වයක් ඇත.
ශනි 11 සිටීම දේශපාලනයට ඉතාමත් සුබ පිහිටීමකි. වතුපිටි දේපොළ ලබයි. බලාපොරොත්තු අත්නොහැර කටයුතු කිරීමෙන් ජය ලබයි. ගුණ යහපත් අයකු ලෙස ප්‍රසිද්ධිය ලබයි. රාහු 11 සිටීමෙන් මුදල් ඉපැයීමේ දක්‍ෂයකු බිහිකරයි.
ප්‍රවීණ ජ්‍යොතිෂවේදී ජයශ්‍රී නන්දකුමාර

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive1 year ago

මහින්දගෙන් ‌ගෝඨාට නියෝගයක්

Astrology9 months ago

2020 ලග්න පලාපල ඔබට කොහොමද?

Exclusive4 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ