Connect with us
Advertisement

Astrology

ගැබිනි සමයේ ගෙයක් හැදුවොත් මොකද වෙන්නේ

Published

on

නිවාස ඉදිකිරීම සම්බන්ධයෙන් විවිධ ජන විශ්වාසයන් වගේම විවිධාකාර මතවාදයනුත් සමාජයේ මුල්බැසගෙන තිබෙනවා. මේවා හරයකින් තොර යැයි කියා ඉවත දැමීම එතරම් සුදුසු ක්‍රියාවක් නොවන අතර එවැනි විශ්වාසයන් තුළ ගැබ්වූ විශේෂිත හේතු සාධකද ඇති බව බොහෝමයක් ජ්‍යොතිෂවේදීහුද අවිවාදයෙන් පිළිගනිති.

මෙවැනි මතවාද අතර ඉදිරියෙන්ම කියැවෙන මතයක් තමයි ගැබිනි සමයේ නිවාස ඉදිකිරීම හොඳද, නරකද කියන කාරණය. මෙහිදී සැලකිල්ලට ගතයුතු කාරණා විශාල ප්‍රමාණයක් තිබෙනවා. උදාහරණයක් විදිහට ගතහොත් කුරුල්ලන් කූඩුවක් තනන්නේද ඉතාමත් සූක්ෂ්මව ආරක්ෂිතව සහ ඊටම ගැළපෙන පරිසරයකයි. එහිදී ඕනෑම කුරුල්ලකු තමාගේත් තම පැටවුන්ගේත් ආරක්ෂාව සියයට සියයකින් සපිරෙන තැනක කූඩුව සැකසීමට උනන්දු වෙනවා. ඊළඟට එම කුරුල්ලන් කූඩුවක් තනන්නේ කොයි කාලයේද යන්නත් සිතා බැලිය යුතු කාරණයක්.
විශේෂයෙන්ම ඕනෑම කුරුල්ලකු හෝ කුරුලු ජෝඩුවක කූඩුව සකසනු ලබන්නේ කිරිල්ලිය බිත්තර දමන්නට සූදානම්ව සිටින අවදියෙහිය. ඔවුන්ද සිය අනාගතය පිළිබඳව බරපතළව සිතනු ඇත්තේ එම කාලයේය. එහෙයින් එම අවධියේ කූඩු තැනුවා කියා කුරුල්ලන්ට කූඩුවෙන් දෝෂයක් සිදුවූවා යැයි කියා සිතීමට අවස්ථාවක් නැත. එසේ නම් මිනිසාටද එය එසේම පොදු විය යුතුය. එහෙයින් ගැබිනි සමයේ නිවාස ඉදිකිරීම, අලුත්වැඩියාව ආදිය සුදුසු නැතැයි කීම එතරම්ම සාර්ථක මතවාදයක් නොවන බව පැහැදිලිවේ. මන්ද නිවාස ඉදිකිරීම හා ගැබිනි සමය අතර අසුබවාදී සම්බන්ධයන් තිබිය නොහැකි බැවිනි.

කෙසේ නමුත් අද වන විට බහුතරයක් දෙනාගේ මතය වී ඇත්තේ ගැබිනි සමයේ නිවාස කටයුතු කිරීම අතිශය අසුබ බවත්, එය උපදින්නට සිටින දරුවාට නුසුදුසු බවත්ය. එහෙත් එවැන්නක් වාස්තු විද්‍යානුකූලව ඔප්පු කළ හැකිද යන්න සැක සහිතය. එසේම වාස්තු විද්‍යාවට ස්ත්‍රියකගේ ගැබිනි බව කෙසේ සම්බන්ධ වී ඇද්ද යන්නත් දෙවරක් සිතා බැලීම වටී.

එමෙන්ම වර්තමානයට මේ තත්ත්වය මඟහැරීම ගැටලුසහගත නොවුණද අතීතයේ සිටි වැඩිහිටියන් ගැන සිතා බැලුවහොත් ගැබිනි සමයන් මඟහැර නිවසක් හදන්නට සිතීම කිසිදා ගෙයක් නොසාදා ඉන්නට කදිම උපක්‍රමයක් සේ පෙන්වා දිය හැක. මන්ද එවකට එක් පවුලක දරුවන් හයක් හතක් වරදින්නේ නැත.

කෙසේ නමුත් ජ්‍යොතිෂයටත් වාස්තු විද්‍යාවටත් අනුව නිවෙසක් ඉදිකිරීමට පෙර සිදුකළ යුතු සියලු කාරණා අඩුවකින් තොරව සපිරීම වැදගත් වේ. එනිසා ගෘහණියගේ ගැබිනි බව ගැන සිතනවාට වඩා තමා හදන්නට සූදානම් වන නිවෙසේ නිසි ප්‍රමිතිය සහ වාස්තු සිද්ධාන්තවලට අනුකූල වන තත්ත්වය ඉතා උසස් අයුරින් පවත්වා ගන්නට කළයුතු කිරීම වැදගත් වේ.

එමෙන්ම ඔබ ගැබිනි සමයක නිවෙසේ කටයුතු අඹනවා නම් පහත සඳහන් කාරණා කිරීමෙන් තත්ත්වය සමබර කරගන්නට හැකියාව ඇත. ඒ අනුව නිවාස ඉදිකරන බිමෙහි ඊශාන දිශාව ඉතා වැදගත් මෙන්ම බටහිර දිශාව ඔබගේ සියලු කාරණා සඳහා තදින්ම බලපාන දිසාවයි. එහෙයින් ඊසාන දිශාවේ කොහොඹ පැළයක් සිටුවා ඉන්පසු බටහිර දිශාවට බරව අඹ පැළයක් හෝ බෙලි පැළයක් සිටුවා විශ්වයෙන් ලැබෙන ශක්ති කිරණ සමතුලිත කරගත හැක. යම් අයහපතක් සුළුවෙන් හෝ වේ නම් එමගින් අයහපත් තත්ත්වය සමනය වී යහපත උදාවනු ඇත.
මීළඟට තවත් කාරණා කිහිපයක් වැදගත් වේ. නිවෙසේ ගෘහ පිණ්ඩය පරම මෛත්‍රි හෝ මෛත්‍රි නැකැත්වල පිහිටුවා ගැනීම, රවි බලවත් නැකතක නිවෙසේ මුල්ගල් තැබීම, ඊසාන, නිරිත සහ බටහිර හිස් නොකිරීම, බ්‍රහ්ම පාදය නොපෑගෙන සේ ගෘහය සැකසීම ඒ අතර සුවිශේෂී කාරණාවන්ය.

කෙසේ නමුත් ඔබ ආවට ගියාට නිවෙස ඉදිකිරීම කළහොත් වාස්තු දෝෂ හේතුවෙන් සිදුවන හානිය එලෙසින්ම සිදුවේ. බොහෝදෙනෙක් කරන්නේ එවැනි දෝෂ සහිතව නිවෙස සකසාගෙන පසුව එහි අසුබතාවලින් හිත නිදහස් කර ගැනීමට විවිධාකාරයේ නිදහසට කරුණු සෙවීමය. එසේ කරුණු සෙවීමේදී ගැබිනි බවද ඊට ඈඳා ගැනීමට බහුතරයක් දෙනා ක්‍රියා කරනු දැකිය හැක.

එනිසා අවශ්‍ය වන්නේ සුදුසු දේ සුදුසු ආකාරයෙන් සහ නිවැරැදි ආකාරයෙන් කිරීම මිස දෝෂ සහිතව යමක් කර නිදහසට කරුණු සෙවීම නොවේ.
ප්‍රවීණ ජ්‍යොතිෂවේදී සහ අංගලක්ෂණවේදී ජයශ්‍රී නන්ද කුමාර

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive4 months ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive2 years ago

මහේෂ්ට ජනපතිවරණයට ආරාධනාවක්

Mahawanshaya1 year ago

ගම්දනාව බියවද්දමින් උලමා හොයන දේ

Exclusive2 years ago

මහින්දගෙන් ‌ගෝඨාට නියෝගයක්

Astrology1 year ago

2020 ලග්න පලාපල ඔබට කොහොමද?

Astrology1 year ago

ඔබේ සහකරු ඉන්න තැන මෙන්න

Exclusive2 years ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Astrology1 year ago

නිවෙසේ උපකරණ සඳහා සුබම දිශාව

Exclusive11 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive2 years ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive10 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive10 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive1 year ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive11 months ago

රනිල්ගේ UNP එකයි සජිත්ගේ UNP එකයි