Connect with us
Advertisement Redmi Note 9

Astrology

නරකයි කියන කුජ ඔබට හොඳයිද

Published

on

‘කුජ’ කියූ සැණින් යම් තිගැස්මක් ඇති වීම ජ්‍යොතිෂය ගැන දන්නා, නොදන්නා සියලු දෙනාටම පොදු කාරණයකි. නිතරම අසුබයෙක් ලෙසම කුජව දකින්නට අප හුරු වීම එයට ප්‍රධාන හේතුව වුවත් කුජ යනු සියල්ලන්ටම අසුබ පමණක් දෙන ග්‍රහයකු නොවන බව වටහාගත යුතුය. එහිදී වැදගත් වනුයේ ඒ ඒ ලග්න හිමියන්ටත් ඒ ඒ කේන්දරවලට අනුවත් කුජගෙන් ලැබෙන ප්‍රතිඵලය කුමක්ද යන්න දැනගැනීමය.

මන්ද කුජ යනු නරකට සමානවම හොඳ සහ සුබ ප්‍රතිඵල සහ ලැබීම් දෙන ග්‍රහයකු බැවින් ඒ අනුව ඔබේ උත්පත්ති කේන්දරයේ කුජගේ පිහිටීම කෙබඳුදැයි බලා පහත සඳහන් තොරතුරු අනුව කුජගෙන් ඔබට ලැබෙන ප්‍රතිඵල කෙබඳුවේ දැයි හරියටම දැනගන්න.

පංච මහා පුරුෂ යෝග අතරින් ප්‍රබලම යෝගයක් වන රුචක යෝගය උදාකරනු ලබන්නේ කුජ හෙවත් අඟහරු ග්‍රහයා විසිනි. මෙම ග්‍රහයා තේජෝ බලයෙන් යුතු ග්‍රහ මඬුල්ලේ සිටින සෙන්පති ග්‍රහයා වශයෙන්ද ජ්‍යොතිෂයේදී හඳුන්වන මුත් කුජ ප්‍රබල ලෙස බලවත් වන්නේ මකර රාශියේ බැවින්ද දෙවැනුවට මේෂ හා වෘශ්චික රාශියන්හි බලවත් වනු ඇත. යමකුගේ කේන්දරයේ 01, 04, 07, 10 යන ස්ථානයන්හි බලවත් වූ විට එම අයට කාර්යශූර, එඩිතර බවක් සහජයෙන්ම පිහිටීම මෙම යෝගය ඉවහල් වනු ඇත.

ඉහත රාශියක් ලග්නය වී එහි කුජ සිටියේ නම් එම අයට උපතින්ම බලපුළුවන්කාරකම් පිහිටා ක්‍රමක්‍රමයෙන් වැඩිදියුණු වනු ඇත.

ලග්නයෙහි දෙවැන්නේ කුජ බලවත් වූ විට තරාතිරම නොබලාම කියන්න තිබෙන දේ මුහුණටම කියන අයකු වෙයි. ධනය ලැබීමේ වාසනාව මෙන්ම විනාශ කිරීමටද මෙහිදී රුසියකු වෙයි.
ලග්නයෙහි තුන් වැන්නේ කුජ බලවත් වූ විට තමා දන්නා කියන ශිල්ප ශාස්ත්‍රයෙන් ප්‍රවීණයෙක් වීමේ හා ප්‍රසිද්ධියට පත්වන මුත් තම පිරිමි සහෝදරයන්ට එතරම් සුබදායක තත්ත්වයක් පෙන්නුම් නොකෙරේ.

ලග්නහෙි හතර වැන්නේ කුජ බලවත් වූ විට කෙසේ හෝ දේපොළ, ඉඩකඩම්, භූමි ලාභ ලැබීමට වාසනා ගුණය ලැබෙන අතර, දැඩි අහංකාර, ආඩම්බර ගති පැවැතුම්වලින් අඩුවක් නොවෙන අයකු වෙයි.

ලග්නයෙහි 5 වැන්නේ කුජ බලවත් වූ විට ඉන්ජිනේරු, කාර්මික තාක්‍ෂණය තුළින් විවිධ ක්‍රියාවන් කිරීමට දක්‍ෂ අයකු වන මුත් ප්‍රේම සම්බන්ධතාවන් කිහිපයක් පවත්වාගෙන යෑමට සමතකු වන අතර, දරු සම්පත්වල අඩුපාඩුවක් ඇති වනු ඇත.

ලග්නයෙහි 6 වැන්නේ කුජ බලවත් වූ විට උෂ්ණාධික රෝගාබාධයන්ට නිරතුරුවම භාජන වන මුත් තම විරුද්ධවාදීන්ට බලයක් පෙන්වා මර්දනය කිරීමේ හැකියාව සහජයෙන්ම පිහිටනු ඇත.
ලග්නයෙහි 7 වැන්නේ කුජ බලවත් වූ විට හවුල් ව්‍යාපාර තුළින් තමාට වාසිසහගත තත්ත්වයන් උදාවෙයි. විවාහය සම්බන්ධව මෙය හොඳ – නරක දෙකම පලවිපාක දෙන පිහිටීමකි.

ලග්නයෙහි 8 වැන්නේ කුජ බලවත් වූ විට හොඳින් හෝ නරකින් තම දියුණුව පමණක් ලබා ගැනීමට උත්සාහ දරන අයෙකි. මෙහිදී කුජ බලවත් වීමෙන් දීර්ඝායුෂ ලැබීමටද හදිසි ධන ලාභයන්ට හිමිකම් කීමේ වාසනාවද ලැබෙනු ඇත.

ලග්නයෙහි 9 වැන්නේ කුජ බලවත් වූ විට පව්, පින්, හොඳ, නරක පසෙක තබා තමාගේ ලෞකික සැප සම්පත් කෙරෙහි දැඩි ඇල්මක් දක්වයි. කුඩා කල සිටම තම පියාගෙන් ඈත් වී සිටීමට, එම අයට හේතු කාරණා යෙදෙයි.

ලග්නයෙහි දහ වැන්නේ කුජ බලවත් වූ විට තමා කරන කියන රැකීරක්‍ෂා තුළ උසස් දියුණුවක් නිලතල දැරීමට කදිම අවස්ථාවක් උදාවෙයි. මෙම අයට රටේ තොටේ ප්‍රබල ස්ථානයකට ඒමට මෙම පිහිටීම ඉතාම යෝග්‍ය වනු ඇත.

ලග්නයෙහි 11 වැන්නේ කුජ බලවත් වූ විට කෙසේ හෝ තමා කරන කියන විවිධ ක්‍රම උපායන් තුළින් ධනය උපයා ගැනීමට දක්‍ෂයකු වන අතර තම සහකරුගේ සහකාරියගේ පැත්තෙන් විශාල දායාදයකට හිමිකම් කීමේ භාග්‍යය උදාවෙයි.

ලග්නයෙහි 12 වැන්නේ කුජ බලවත් වූ විට තමා නොසිතූ, නොපැතූ අයුරින් දියුණුවේ මාර්ග අඩපණවීමට හේතු සාධක ගෙන දෙන මුත් නඩුහබ වැනි නීතිමය ගැටලුවලට පවා මුහුණ දීමට මෙම අයට සිදුවෙයි.

මෙම ඉහත සඳහන් පලාපල කුජගේ මහ දශා, අතුරු දශාවලදී තරාතිරම කුමක් වුවත් එහි පලවිපාක බල පවතින අතර අසුබ පල වැඩි නම් රතන යන්ත්‍රය හෝ ස්කන්ධ කුමාර යන්ත්‍රය පැලැඳ ගැනීම වඩාත් සුදුසු වෙයි.
ජේ.එම්. ජයන්ත ඒකනායක

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive7 months ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Mahawanshaya2 years ago

ගම්දනාව බියවද්දමින් උලමා හොයන දේ

Exclusive2 years ago

මහින්දගෙන් ‌ගෝඨාට නියෝගයක්

Astrology1 year ago

ඔබේ සහකරු ඉන්න තැන මෙන්න

Exclusive2 years ago

මහේෂ්ට ජනපතිවරණයට ආරාධනාවක්

Astrology2 years ago

නිවෙසේ උපකරණ සඳහා සුබම දිශාව

Astrology1 year ago

2020 ලග්න පලාපල ඔබට කොහොමද?

Exclusive2 years ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Astrology2 years ago

විෂ්ණු දෙවියන්ගේ පිහිට ගෙනන පූජාවක්

Exclusive1 year ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive2 years ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive1 year ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive1 year ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive2 years ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive1 year ago

රනිල්ගේ UNP එකයි සජිත්ගේ UNP එකයි