Connect with us
Add

Astrology

නිවෙසේ උපකරණ සඳහා සුබම දිශාව

Published

on

විශාල මුදලක් වියපැහැදම් කර පරම්පරා ගණනක් වාසය කිරීමට තනන නිවෙස වාස්තු විද්‍යානුකූලව සෑදිය යුතුයි. වාස්තු විද්‍යානුකූලව සෑදූ නිවෙසකට ශ්‍රියාකාන්තාවගේ බැල්ම නිරතුරු ලැබී එහි නිවැසියන් දිනෙන් දින දියුණු වනු ඇත. නිවෙස වාස්තු විද්‍යානුකූලව සුබ දිශාවකට සාදා ගන්නවා සේම නිවෙස තුළ තබන බඩු බාහිරාදියද නියමිත ස්ථානවලට, දිශාගත කළ යුතුය. අදාළ භාණ්ඩය නිවෙස තුළ එම භාණ්ඩයට සුබ දිශාවට ස්ථානගත කිරීමෙන් එම භාණ්ඩය පරිහරණය කරන නිවැසියන්ට බොහෝ සුබපල අත්වනු ඇත.

නිවෙසක් ගත්විට එය කොටස් කිහිපයකට බෙදිය හැකිය. ඒ, සාලය, නිදන කාමර, මුළුතැන්ගෙය හා වැසිකිළිය ලෙසය. මෙම එක් එක් අංගය තුළ තැබිය යුතු භාණ්ඩ නියමිත ස්ථානවලට දිශාගත කළ යුතුය.
නිවෙසක සාලය දකුණු දිශාවට දිශාගත විය යුතු අතර, ටෙලිෆෝනය නැඟෙනහිර දිශාවට වන්නට තැබිය යුතු අතර, සෝෆා සෙට් එක සාලයේ තැබූ විට එහි ඉඳගන්නා කෙනා උතුරට හෝ නැඟෙනහිරට මුහුණ ලා සිටිය යුතුයි. ටී.වී. එකට සවි කරන ඇන්ටනාව ගිනිකොන දශාවේ විය යුතුයි. උඩ තට්ටුවට නඟින පඩිපෙළ නිරිත දිශාවේ විය යුතු අතර, පඩි සංඛ්‍යාව ඔත්තේ විය යුතුයි. බිත්ති ඔරලෝසුව දකුණු දිශාව හැර වෙනත් ඕනෑම දිශාවක තැබිය හැකිය. නිදන කාමරයේ තබන ඇඳ නිරිත දිශාවේ තැබිය යුතුයි. අල්මාරිය බටහිර හෝ දකුණු දිශාවේද, කණ්ණාඩි මේසය උතුරු හෝ බටහිර දිශාවේද තබයි. අල්මාරිය දකුණු දිශාවට තැබුවද පියන දකුණට විවෘත නොවන ලෙස විය යුතුයි. ඡායාරූප නිරිත දිශාවේ තබන අතර ලියන මේසය ඊසාන දිශාවේ තැබිය යුතුයි. ලිපිගොනු තබන කබඞ් එක නිරිත දිශාවේ තැබිය යුතුය.
මුළුතැන්ගෙයි ඇති සිංක් එක ඊසාන දිශාව හෝ නැඟෙනහිර දිශාව හෝ උතුරු දිශාවේ විය යුතුයි. ශීතකරණය බටහිර දිශාවේද, වතුර ටැංකිය දකුණු හෝ බටහිර දිශාවේද තැබිය යුතුයි. බෙහෙත් පෙට්ටිය ඊසාන දිශාවේද, අටුව නිරිත දිශාවේද, කුණු කූඩය නිරිත දිශාවේද තැබිය යුතුයි. මීට අමතරව සත්ව කූඩු නිවෙසින් පිට නිරිත හෝ වයඹ දිශාවට වන්නට තැබිය යුතු අතර, මුරකුටිය වයඹ දිශාවේද, සේවක කාමරය ගිනිකොන හෝ වයඹ දිශාවේද සෑදිය යුතුයි. වාහනය නැවැතීමට තනන ගරාජය ගිනිකොන හෝ නිරිත දිශාවේ විය යුතුයි.

වැසිකිළියේ කොමෝඞ් එක නිරිත හෝ දකුණු දිශාවෙ තැබිය යුතුයි. රෙදි සෝදන යන්ත්‍රය, වායුසමීකරණ යන්ත්‍රය නැඟෙනහිර දිශාවේ විය යුතුයි. මීට අමතරව පොළොව යට කාමරයක් සාදන්නේ නම් එය ඊසාන දිශාවේ සෑදිය යුතුයි. විවෘත ආලින්දයක් නිවෙසට එක් කරන්නේ නම් එය ඊසාන දිශාවේ හෝ උතුරු දිශාවේ හෝ නැඟෙනහිර දිශාවේ සෑදිය යුතුයි. නිවෙසේ ඉදිකරන සක්මන් මළුව හෙවත් ටෙරස් එක උතුරු හෝ නැඟෙනහිර දිශාවේ විය යුතුයි. නිවෙස තුළ රෝගියෙක් සිටී නම් ඔහු හෝ ඇය වෙනුවෙන් වෙන් කරන කාමරය නිරිත දිශාවේ හෝ වයඹ දිශාවේ සෑදිය යුතුයි. නිවෙසට ඇනෙක්ස් එකක් ඈඳා සාදන්නේ නම් නිවෙසේ නැඟෙනහිර බිත්තිය හා උතුරු බිත්තිය හැර අනෙක් බිත්තියකට ඈඳා ඇනෙක්ස් එක සෑදිය යුතුය.

ලියන මේසය ඊසාන දිශාවට තැබුවද එහි පුටුවක් තබා වාඩි වූ විට දොර දෙසට වාඩි වන්නාගේ මුහුණ යොමුවිය යුතුයි. එම මුහුණ දෙන දිශාව අනුව පලාපල පුරාණ පොත පතේ සඳහන් වෙයි. මුහුණ නැඟෙනහිර දිශාවේ වුණි නම් අදාළ ජන්මියාට සාමකාමී සිතුවිලි ඇති වන අතර, ගිනිකොන දිශාවට වුණි නම් අලස සිතුවිලි ඇති වෙයි. දකුණු දිශාවට මුහුණ යොමු වූ විට එම පුද්ගලයා තුළ වැරැදි ආකල්ප, වැරැදි කල්පනා ඇති කරවයි. බටහිර දිශාවට මුහුණ යොමු වුණි නම් ක්‍රියාකාරකම් ඉහළ යන අතර, වයඹ දිශාවේ නම් ආවේගශීලී වෙයි. උතුරු දිශාවට මුහුණ යොමු වුණි නම් ආධ්‍යාත්ම සංවර්ධනය ඇති වෙයි. ඊසාන දිශාවට මුහුණ යොමු වුණි නම් අසුබ සිතුවිලි ඇතිවෙයි.

නිවෙස තුළ ඇති භාණ්ඩ සුබ දිශාගත කරනවා සේම නිවෙසේ ඇති අංගද සුබ දිශාගත කළ යුතු අතර, ගබඩා කාමරය, සේප්පුව සවිකරන කාමරය උතුරු දිශාවේ සෑදිය යුතුයි. නාන කාමරය නැඟෙනහිර දිශාවේද, මුළුතැන්ගෙය ගිනිකොන දිශාවේද, නිදන කාමරය දකුණු දිශාවේද, උදලු, ගල්ඉණි, කැති, පිහි තබන ආයුධ ගෙය නිරිත දිශාවේද ඉදිකරයි. කෑම කාමරය, ශාස්ත්‍රීය කටයුතු සඳහා යොදාගන්නා කාමරය හා කාර්යාල කාමරය බස්නාහිර දිශාවේ සාදා ගතයුතුයි. වැසිකිළිය නිරිත දිශාවේද, විසිත්ත කාමරය වයඹ දිශාවේද ඉදිකළ යුතුයි.

උතුර හා ඊසාන දිශාව අතර ඖෂධ ගෙයද ඊසාන හා නැඟෙනහිර දිශාව අතර සියලු සුබ කටයුතු සඳහා සාදන කාමරයද, නිරිත හා බටහිර දිශා අතර පුස්තකාලයද, බටහිර හා වයඹ දිශා අතර මෘත ශරීරයක් තබන ශෝක ගෙයද, වයඹ හා උතුරු දිශාව අතර නව විවාහක යුවලකට නිදාගැනීමට සාදන රති ගෙයද නිර්මාණය කළ යුතුයි.
ආහාර ගැනීම, නිදාගැනීම් ආදී කාර්යයන් සිදුකිරීමේදී ද නියමිත සුබ දිශාවට මුහුණ යොමු කර සිදුකිරීම තුළින් බොහෝ සුබ ප්‍රතිඵල ගෙන දෙනු ඇත. එමෙන්ම අදාළ කාර්යයට අසුබ දිශා අරබයා මුහුණ යොමුකිරීම හෝ හිස තැබීම තුළින් නොයෙකුත් අසුබ ප්‍රතිඵල ඇති වන බව ඍෂි මතයයි.

ඒ අනුව උතුරට හිස ලා නිදාගැනීම තුළින් දූදරුවෝ රෝගී වන අතර, තම කුල පරම්පරාවට නින්දා, අපහාස ලැබෙනු ඇත. බටහිරට හිස ලා නිදාගැනීම තුළින් විකාර සිතුවිලි ඇතිවීම, නපුරු සිහින පෙනීම, ආයුෂ කෙටිවීම ආදිය සිදුවෙයි. නැඟෙනහිරට හා දකුණට හිසලා නිදාගැනීම තුළින් සතුට, සමඟිය මෙන්ම සියලු යසඉසුරු ලැබෙන බවද ඍෂි මතයයි. එමෙන්ම නැඟෙනහිරට මුහුණලා ආහාර ගැනීම තුළින් ආයුෂ වැඩිවන බවත්, දකුණ බලා ආහාර ගැනීම තුළින් ධනවත් වන බවත්, බටහිර බලා ආහාර ගැනීම තුළින් යසඉසුරු ලැබෙන බවත්, උතුරු දිශාව බලා ආහාර ගැනීම තුළින් දුක්පීඩා ඇති වන බවත් ඍෂි මතයයි. ඊට අමතරව පාඩම් කිරීම, ලියුම් කියුම් කටයුතු, මුදල් ගනුදෙනු ආදිය කාමරයේ දොරට මුහුණලා සිදුකිරීම ඉතා සුබය.

මෙලෙස ඔබත් ඔබේ නිවෙස තුළ සාදන ගෘහාංග එම ගෘහය තුළ තබන බඩුබාහිරාදිය හා ගෘහය තුළ සිදුකරන ක්‍රියාකාරකම් ආදියට සුබ දිශාව සංකුවක් හෙවත් මාලිමාවක් ආධාරයෙන් සොයා සිදුකරන්න. එවිට ඔබත්, ඔබේ පවුලේ අයත් සැපෙන්, සතුටෙන් නිරෝගීව සිටිනු නොඅනුමානය. මෙලෙස ඍෂි මතයට අනුව සුබ දිශා ගතකළ ගෘහයකට දේව බැල්ම, ශ්‍රියාකාන්තාවගේ බැල්ම ආදිය නොඅඩුව ලැබී දිනෙන් දින දියුණු වී සශ්‍රීක වනු ඇත.

ජ්‍යොතිර්වේදිනා, දේශබන්දු මංජුලා පුෂ්පරාංගනී

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive15 mins ago

මහින්ද-සජිත් ගැටුම උත්සන්න වෙයි

Exclusive5 hours ago

ගෝඨා පොලොන්නරුවේ ජන්ද සටනට එක්වෙයි: ගොවීන්ගෙන් ඉල්ලීම් ගොඩක්

Exclusive9 hours ago

අල්ලන කුඩු විකිණිල්ල ‘මව්රට’ හෙළි කළේ ගිය අප්‍රේල් මාසයේ

Exclusive9 hours ago

පොලිස් ‘නාකොටික්’ එකේ රෙදි ගැලවුණේ ඩුබායි මොරිල් ගහපු ගේමකින්ද?

Exclusive12 hours ago

ක්‍රිකට් ක්‍රීඩකයන්ට අපලයක්: මෙන්ඩිස් අත්අඩංගුවට

Exclusive15 hours ago

පාතාලයට අවිආයුධ ගියේ ගිනිගත් අවි ගබඩාවකින්?

Exclusive15 hours ago

නීතිපති පොලිසියට කනේ ඇඟිලි ගහගන්න දෙයි: පොලිස්පති නැඟිට යයි

Exclusive18 hours ago

ජනපති තන්තිරිමල පුදබිමේ ඖෂධ පූජාවක (PHOTOS)

Exclusive18 hours ago

දිනවිය යුතු අපේක්ෂකයන් ගැන අගමැති ලේකම්ගෙන් ප්‍රකාශයක්

Business23 hours ago

හේමාස් රෝහල් සමූහය සංචාරක ක්ෂේත්‍රය ප්‍රවර්ධනය කරයි

Exclusive11 months ago

මහේෂ්ට ජනපතිවරණයට ආරාධනාවක්

Exclusive11 months ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive11 months ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive3 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive11 months ago

මහින්දගෙන් ‌ගෝඨාට නියෝගයක්

Astrology6 months ago

2020 ලග්න පලාපල ඔබට කොහොමද?

Exclusive2 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive2 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive4 months ago

රනිල්ගේ UNP එකයි සජිත්ගේ UNP එකයි

Exclusive8 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)