Connect with us
Advertisement

Astrology

බුධ නිසා නොමග යන දේශපාලකයන්

Published

on

මිනිසකුගේ බැබලීමත් බැසයෑමත් තීරණය කරනු ලබන්නේ ඔහුගේ බුද්ධිය එසේම සමාජය තුළින් ඔහුව ඉස්මතු කරගන්නට ඔහුටම ආවේණික කුමක් හෝ ක්‍රමයක් පාදාදීමද බුද්ධිය විසින් සිදුකරයි. ඇතැම් විට කපටිකම හෝ උප්පරවැට්ටි ලෙස කෙනකුට එය පෙනෙනවා වන්නටත් බැරි නැත. කෙසේ වෙතත් මේ සියල්ලට බුධ ග්‍රහයා සම්බන්ධ බව ඒ පිළිබඳව පූර්ණ අවධානය යොමුකිරීමේදී පෙනීයයි. කපටිකම් උප්පර වැට්ටි ආදී දේ ගැන කියද්දී ඕනෑම කෙනකුට මුලින්ම මතකයට නැඟෙන්නේ දේශපාලනයට සම්බන්ධ වූවන්ය. පොදු මතය අනුව බැලුවද දේශපාලකයන් බහුතරයක් සටකපටය. මේ තත්ත්වයටද යම් ආකාරයේ බුධගේ දායකත්වයක් නැත්තේම නොවේ.

කෙසේ නමුත් එකිනෙකාගේ බුද්ධියට අනුව ඒ ඒ අය තමන්ට ආවේණික තැන් සකසා ගන්නේය. එහිදී පිරිසක් උසස් තැන්වල වැජබෙද්දී තවත් පිරිසක් කොතරම් බලය, ධනය ලැබුණද කීර්තිය පසුපසට අත්කරගන්නට අපොහොසත් වෙති. ඒ සඳහාත් ප්‍රබලව බුධගේ බලපෑම දායක වෙයි.
යමකු උපත ලැබූ විට එම වෙලාව අනුව සකස් කළ නිවැරැදි කේන්දර සටහන ඔහුගේ හෝ ඇයගේ පෙර කුසල් අකුසල් ගැන පවසන ජන්ම පත්‍රයයි.

ඔහු උපන් මොහොතේ සූර්යා වටා ග්‍රහයන් ගමන් කරමින් තිබූ ආකාරය සැලකිල්ලට ගනිමින් මෙය නිවැරැදි ක්‍රමවේදයකට අනුව සකස් කරයි. මිනිසකුගේ උපතේ සිට මරණය දක්වාම නැවරැදිව හඳුනාගත හැකි නිවැරැදි සිද්ධාන්ත කේන්දර සටහනක අන්තර්ගත වෙයි. කේන්දරය ගැන විවිධ අය විවිධ මතවාද දැරුවද නුවණින් එය භාවිත කරන්නෝ ඉන් උපරිම පල නෙළාගන්නා බව රහසක් නොවේ. එසේම කේන්දර සටහනක භාව දොළහේ මිනිසාගේ ජීවිතයේ සියලුම තොරතුරු හඳුනාගත හැකිය. මෙහිදී ග්‍රහ මණ්ඩලයේ දායකත්වයද සුලුපටු නොවන අතර ඒ ඒ ග්‍රහයන් දෙනු ලබන සහ මිනිසාට කරන බලපෑම විවිධාකාරය. ඒ අතර හොඳ නරක සම සමව ඇති අතර ඒ බෙදී යන කාලසීමාවන් ඉතා සූක්ෂ්මව වටහාගත යුතුය.

මෙහිදී බුධ ග්‍රහයාටද විශේෂ තැනක් හිමිවෙයි. කේන්දර සටහනක බුධ ග්‍රහයාගේ බලපෑම පිරික්සීමෙන්, ජන්මියාගේ බුද්ධිය මෙන්ම මානසික ස්වභාවයත්, ඔහු හෝ ඇය තීන්දු තීරණ ගන්නා ආකාරයත් වටහාගත හැකිය. මිනිසාට අයහපත උදාකර දෙන්නේත් යහපතට මඟ අවහිර කරන්නේත් ආත්මාර්ථකාමී බවයි. ඊර්ෂ්‍යාව, ක්‍රෝධය, වෛරය ආදී දුර්ගුණයන්ට මූලික වන්නේත් තමා ගැනම පමණක් සිතන ආත්මාර්ථකාමීත්වයමය. තමන්ගේ වාසියට අනුන් ගැන නොසිතා කටයුතු කරන්නා ආත්මාර්ථකාමියකු ලෙස හැඳින්වේ. එසේ ආත්මාර්ථකාමියකු බිහි කරන්නට බුධ ග්‍රහයා ප්‍රබලව දායක වෙන බව ජ්‍යොතිෂයේ සඳහන්වේ. ජන්මියකුගේ කේන්දරයේ බුධ ග්‍රහයා සිටින ස්ථානය හඳුනා ගැනීමෙන් මෙම තත්ත්වයන් ඉතා පැහැදිලිව වටහාගත හැකිය. එසේම සැඟවුණු බුද්ධියට ගැඹුරු විෂයකට අවශ්‍ය මානසික පසුබිම සකස් කර ගැනීමට ශක්තිය ලොවට කියාපාන්නේ සෙනසුරුය.

බුධ ග්‍රහයා යම් කේන්දරයක කටක රාශිගතව සිටිනවා නම් තම වාසිය ගැන පමණක්ම සිතන ඒ වෙනුවෙන්ම ක්‍රියා කරන්නකු බිහිකරයි. තම යහපත තකා ක්ෂණිකව පිල් මාරු කරන්නේ මෙවැන්නන්ය. එය දේශපාලනයේදී තදින්ම ක්‍රියාත්මක වන අයුරු කාටත් පැහැදිලිව දැකගත හැක. බුධ, කටක රාශිගත පුද්ගලයා අසත්‍ය සත්‍ය ලෙස පෙන්වා මිනිසුන් මුළා කිරීමේ සමතෙකි. ජන්මියාගේ දැඩි ආත්මාර්ථකාමී අදහස් එයට මූලික වෙයි. වර්තමානය ගැන බලද්දී දේශපාලකයාට වැඩි නැඹුරුවක් දක්වන්නට එවැන්නන්ට අවස්ථාව ඇත.
බුධ, මකර රාශිගත වීමද තවත් එවැනිම තත්ත්වයක් නිර්මාණය කරවයි. නමුත් ඔවුන් සකසුරුවමට දක්ෂය. අනුන්ගේ ශ්‍රමය මෙන්ම මුදල්ද තම අවශ්‍යතා උදෙසා වියදම් කිරීමට දක්ෂය. බුධ, තුලා රාශිගත පුද්ගලයා පිරිසුදු ගුණවත්, ඥානවන්ත අයෙකි. තීන්දු තීරණ ගැනීමේදී අපක්ෂපාතීව යුක්තිගරුකව කටයුතු කරයි.

බුධ කුම්භයේදී දූරදර්ශීව කටයුතු කරයි. විශ්වාසවන්ත අයෙකි. සානුකම්පිත සිතුවිලි ඇත. අසරණ අයට පිහිටවීමට දෙවරක් නොසිතයි. අන් සතු දෙය වියදම් කරන්න අනුන්ගෙන් යැපෙන්නට මැලිවෙයි.

ගුණකාරක වන බුධ කේන්දර සටහනක විසිදෙවැනි දෙර්කාණාධිපති වීම කවර නම් රාශියක වුවද යහපත් නැත. එසේ වූ විට කවර කටයුත්තකදී වුවද බුද්ධිය හීන කරවීමට බුධ කටයුතු කරයි. බුද්ධියෙන් නිසි ප්‍රතිඵල ලබා ගැනීමට නොහැකි වෙයි. අන්‍යයන් සමඟ කතාබහේදී තමන් වෙත අප්‍රසන්නතා යොමුවීමට හේතුවෙයි. බුද්ධියට ගෝචර නොවන අදහස් තමා තුළ ඉස්මතු කරවයි. ඥානකාරක දුබල වීම වදන් දුබල කරවීමට හේතුවෙයි. නිම වීමක් නැති නිෂ්ඵල කතාව ජන්මියා තුළ ඇති වෙන්නේ බුධ ග්‍රහයාගේ හීන බලය හේතුවෙනි.

මේ ආකාරයට බුධ ග්‍රහයාගේ අසීමිත බලපෑම බුද්ධියෙන්ම වටහාගත යුතුය. ඒ බව සිය පවුලේ ජ්‍යොතිෂවේදියා හමුවී තොරතුරු පවසා කේන්දර පරීක්ෂාවක් කරගෙන අවබෝධ කරගත හැකිය. එවැනි තත්ත්වයක් ඇතොත් එය වඩාත් සුබදායී කෙලෙසද යන්න විමසා ඊට අනුගතව කටයුතු කිරීමට ජන්මියා සිතට ගත යුතුය.
ජ්‍යොතිෂවේදී ජයශ්‍රී නන්ද කුමාර

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive1 year ago

මහින්දගෙන් ‌ගෝඨාට නියෝගයක්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive4 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ