Connect with us
Redmi 9C
Advertisement

Astrology

ලස්සන නිවෙසක අසුන්දර කතාව

Published

on

අවුරුදු පහකට පමණ පෙර පැරැණි සේවාදායකයකුගේ ඉල්ලීමට නිවෙසක වාස්තු පරීක්‍ෂා කිරීමට මා එහි ගියා. මාගේ සේවාදායකයා එම නිවෙසේ හතර වැනි අයිතිකරු. ඔහු එම නිවෙස මිලදීගෙන තිබුණේ තම ව්‍යාපාරික කටයුතු සඳහා කාර්යාලයක් ලෙස භාවිත කිරීමට. නිවෙසේ මුල් අයිතිකරු රටම දන්න කලාකරුවෙක්. ඔහු 1990 ගණන්වල මෙම නිවෙස ගොඩනඟා තිබුණා. නිවෙසේ පදිංචිවී වසර කිහිපයක් යනතුරු ඔහුට කිරි ඉතිරී තිබුණේ දේපොළ, ඉඩකඩම්, යාන-වාහන, ධනය, බලය සෑම දෙයක්ම හිමිකර දෙමින්. නමුත් ඔවුන්ගේ ජීවිතවලට හිටි හැටියේ කණකොකා හඬන්නට වුණා. නිවෙසේ පදිංචියට එන විට නිවෙස අංගසම්පූර්ණයෙන් සාදා නිමකර පැමිණියත් කලාකරුවා සැරින්සැරේ නිවෙසට නව කොටස් එකතු කොට වෙනස්කම් කර තිබුණා. අවසානයේ පවුල් ජීවිතද සුනුවිසුනු වී ගොස් දරුවන් හිතුවක්කාර වී නොමඟ ගොස් තිබුණා. රජෙක් වගේ හිටිය කලාකරුවා හැමදේම නැතිකරගෙන කාත් කවුරුත් නැති අසරණයෙක් වගේ තමයි ගේ විකුණලා දාලා ගිහින් තිබුණේ. දෙවැනි අයිතිකරු බරපතළ ලෙස අසනීප වී අකාලයේ මියගොස් තිබුණා. තෙවැනි අයිතිකරු බංකොලොත් වී විවාහ ජීවිතයද කඩාකප්පල් කරගෙන ලෝක ණයකාරයෙක් වෙලා තමයි ගේ විකුණලා ගිහින් තිබුණේ. නිවෙසේ සහ ඉඩමේ වාස්තු පරීක්‍ෂා කිරීමේදී පෙර අයිතිකරුවන්ගේ ජීවිත සුනුවිසුනු කළ වාස්තු දෝෂ මාහට සොයා ගැනීමට හැකිවුණා. පැවැති වාස්තු දෝෂ සහ දෝෂ ඉවත් කිරීමට මා උපදෙස් ලබාදුන්නේ මෙසේය.
බ්‍රහ්මපාදයයි, ගිනිකතිරයයි අතිපිහිත වීම
යම් නිවෙසක නිවෙසේ හරි මැද වූ බ්‍රහ්ම පාදයත්, ඉඩමේ හරි මැද වූ ගිනිකතිරයත් එකට පිහිටා තිබුණහොත් නැතහොත් අතිපිහිත වුවහොත් එය බරපතළ වාස්තු දෝෂයකි. මෙම නිවෙසේ බ්‍රහ්ම පාදය සහ ගිනිකතිරය අතිපිහිතවී තිබුණි. මෙලෙස පිහිටියහොත් පවුල් ජීවිත සීසීකඩයෑම, බංකොලොත්භාවයට පැමිණීම අකල් මරණ, බරපතළ රෝගාබාධ හෝ වෙනයම් හේතුවක් නිසාවෙන් නිවැසියන්ට නිවාස හැරදමා යෑමට සිදුවෙයි. වරින්වර පදිංචිකරුවන් වෙනස් වෙයි. නිවෙසේ රැඳීමට සිත් නොදේ. නිවෙසට නව කොටසක් එකතු කිරීමෙන් දෝෂය ඉවත් කළාය.
නිර්ධන පාදයේ දොර
සාම්ප්‍රදායික න, භ, ජ, රි, පු චක්‍රය මෙන් නොව ඉන්දියානු ගුරුකුලවාදී නිවෙසක ප්‍රධාන දොරටු තැබීමේදී ධන සහ නිර්ධන ලෙස දිග – පළල ගණනය කිරීමෙන් සුබ – අසුබ පාද සොයාගත හැකිය. මෙම නිවෙසේ ප්‍රධාන දොර පැවැතියේ නිර්ධන පාදයේ කොටසක් වූ යාචක පාදයේය. එය නිවෙසක ධන වාසනාව හා සෞභාග්‍යය විනාශ වී හිඟමනට ඇදදමන පිහිටීමකි. නිවෙසෙට එකතු කළ නව කොටසත් සමඟ නිර්ධන දෝෂය ඉවත් විය.
බේස්මන්ට් එක තුළ අපජල වළ
මෙම නිවෙසේ එක් කොටසක බේස්මන්ට් එකක් සාදා තිබුණි. නාන කාමරවල අපජලය දැමීමට අපජල වළක් එම බේස්මන්ට් එක තුළ පිහිටා තිබුණා. මෙලෙස පිහිටි විට නිවැසියන්ගේ ජීවිත කායික, මානසිකව පිරිහේ. එනම් කිසිදු දියුණුවක් නොමැතිව එකතැන පල්වෙන ජීවිත නිර්මාණය වෙයි. බේස්මන්ට් එක තුළ වූ අපජල වළ ඉවත් කිරීමට උපදෙස් ලබාදුණි.
පැවැති වාස්තු දෝෂ නිරාකරණයෙන් පසු මාගේ සේවාදායකයා මෙම නිවෙසේ සාර්ථකව ව්‍යාපාරික කටයුතු සිදුකරගෙන යයි.
ජ්‍යොතිෂවේදී අමාලි අගස්පතිරණ

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive7 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology10 months ago

2020 ලග්න පලාපල ඔබට කොහොමද?

Astrology11 months ago

ඔබේ සහකරු ඉන්න තැන මෙන්න

Mahawanshaya1 year ago

ගම්දනාව බියවද්දමින් උලමා හොයන දේ

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive6 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)