Connect with us
Advertisement

Astrology

සෙනසුරුගේ වාහනය වෙන්න කපුටාට බලය ලැබුණු හැටි

Published

on

එදා ගමේ පැරැන්නන් පවසන්නේ ගණ දෙවියන් කපුටාට නුවණ දී ඇති බවය.
හොඳ හෝ නරක හෝ කරන්නට අවස්ථාව පැමිණි විට සිදුකිරීම සෙනසුරුගේ ස්වභාවයයි. ගණ දෙවියන් හට සෙනසුරුගේ අපල කාලය උදාවී තිබේ. විෂ්ණු දෙවියන්ටද අපල කාලයේදී සෙනසුරු විසින් බටකොළ කැවූ බව කියැවෙයි.ඔසවා ගැනීම හෝ පොළොවේ ගැසීම සිදුකරන සෙනසුරු ගණදෙවියන්ගේ අපල කාලය හඳුනාගත්තේය. එය සැලකිරීමට සෙනසුරා පැමිණීමට පෙරම ගණ දෙවියන් තම අපලය වටහා ගත්තේය. උපන් බුද්ධිය මතුකරගත් ගණදෙවියන් සෙනසුරු පැමිණීමට පෙර තම උදරයේ ‘සෙනසුරු අපලය අද නොවේ හෙට’ යනුවෙන් අඟුරු කැබැල්ලකින් සටහන් කර ගත්තේය.

මෙය දුටුවේ කපුටා පමණකි. කපුටා කාක් – කාක් යනුවෙන් කෑ ගැසුවේ උදරයෙ ලියා ඇති වැකියේ අරුත මම දන්නවා. මම සෙනසුරු දෙවියන්ට විස්තරේ කියන්නම්’ යනාදී උපහාසාත්මක ස්වරූපයෙනි.

කපුටා සෙනසුරුගේ වාහනය වුවද, නිතර කුසගිනි දැල්වෙන පක්‍ෂියෙකි. නුවණ පහළ කළ ගණ දෙවියන් කපුටා වෙත එළඟිතෙල් මිශ්‍ර බත් ගුළි කිහිපයක් දී ඇත. එළඟිතෙල් මිශ්‍ර බත් ගුළි ගිලීමෙන් වෙනදාට දැනෙන කුසගින්න කපුටාගෙන් දුරුවී ඇත. කපුටා රහස සෙනසුරුගෙන් සඟවා ගත්තේය.

සෙනසුරු පැමිණ තමන්ගේ දිනය හෙට යැයි කියාගෙන ආපසු යෑමට පුරුදු වී ගණදෙවි නුවණට හසුවී තිබේ.

ගණ දෙවියන්ගේ රහස රැකීම නිසා කපුටා වෙතද ගණදෙවි පිහිට හිමිවී ඇත. කපුටා වෙත තැනට සුදුසු නුවණ පහළ වී ඇත.

කපටි මොළකාරයකු ලෙස හැඳින්වෙන කපුටා සෙනසුරුගේ වාහනය ලෙස පිළිගැනීමට ලක්වන්නේ ඇයි? කපුටා අසුබ ගණයේ පක්‍ෂියෙක්ද?

අවේලාවේ කපුටා හැඬීමද නුසුදුසු ස්ථානයක සිට කපුටා හැඬීමද අසුබ ලෙස බොහෝ දෙනා තුළ මතයක් පවතී. මහලු වියට එළැඹි උදවිය කපුටු හැඬීමට ප්‍රියතාවයක් නොදක්වයි. එයට හේතුවක් ඇත. කපුටාගේ ඉව නොවරදින අනාවැකි පැවසීමක් ලෙසද හැඟවෙයි. මරණයට ආසන්න වන ජීවියකුගේ ප්‍රශ්වාස වායුව මඟින් මරණයේ පණිවුඩය හඳුනා ගැනීමේ, පැවැසීමේ හැකියාව මෙම පක්‍ෂියාට හිමි බව එයට හේතුවෙයි.

අතීතයේ මළමිනි මිහිදන් කිරීමක් නොවූ අතර, මළකඳ වනයට ගෙනගොස් දැමීමක් පමණක් සිදුවිය. වනසතුන් මළමිනි ආහාරයට ගත් අතර, කපුටාද මෙයට හවුල් විය.

ජරාව, කැතකුණු යනුවෙන් හැඳින්වෙන කවර නම් දෙයක් වුවද ගිල දැමීම කපුටාට අරුමයක් නොවේ. එය ජීර්ණකර ගැනීම දරා ගැනීමද මෙම පක්‍ෂියාට උරුම වී ඇත.

ග්‍රහ මණ්ඩලයේ සිටින අපිරිසුදුම ග්‍රහයා සෙනසුරුයි. සෙනසුරු හට කවර නම් දුක්කරදරයක් වුවද විඳදරා ගැනීමේ ශක්තියක් ඇති බව කියැවෙයි. දරුණු වේදනා විඳදරාගෙන ඉදිරියට යයි. සෙනසුරු බලවත්ව පිහිටි ජන්මියනට බාධක විඳදරාගෙන තම අරමුණු කරා ගමන් කිරීමට ශක්තිය උදාවෙයි. සෙනසුරු දුබල වූ විට ජන්මියා කල් පවතින නිදන්ගත රෝග හොරි, දද, පාද ආබාධ ආදියෙන් පීඩාවට පත්කර එක්තැන්කොට දුක්ඛිත මරණයට පමුණුවයි.

සෙනසුරු කලකිරීම්, කරදර ආදියෙන් ඉවත් වන ග්‍රහයෙක් නොවේ. කපුටා හටද කරදර, බාධක, කුසගින්න කොතරම් බලවත් වුවද ඒ සියල්ලටම ඔරොත්තු දීමේ ශක්තිය හිමි පක්‍ෂියෙකි.
ජ්‍යොතිෂයේ 7 වැන්න දිග්බල ස්ථානයකි. 7 වැන්නට හිමි ශාරීරික කොටස් ලෙස නිවේදනය වන්නේ තුනටිය ප්‍රදේශය හා ඊට අදාළ ශාරීරික ඉන්ද්‍රියයන්ය. මෙම ප්‍රදේශය ශරීරයේ අපිරිසුදුම ස්ථාන ලෙස පිළිගැනෙයි. 7 වැන්න සෙනසුරුට දිග්බල වීම මත 7 වැන්නේ සෙනසුරු විවාහයට හොඳින්ම ගැළපෙන බව සනාථ වීමකි. ජීවිතයක විවාහය, ගෘහ ජීවිතය, කරදර-කම්කටොලු, කල්පවතින රෝගාබාධ, සාමූහික ක්‍රියාකාරකම් සෙනසුරුට හිමිවෙයි. සෙනසුරුගේ කපුටාගේ පීඩන දරා ගැනීමේ ශක්තිය 7 වැන්නෙන් උරුමකරගත් ජන්මියා සාර්ථක යුගදිවියක් ගතකරයි.
හතේ සෙනසුරු විවාහයට අයහපත් වන්නේ විවාහ ජීවිතයේ මුල් කාලයේ ප්‍රශ්නකාරී චංචල ස්වභාවයක් මතුවීමයි. යුග දිවියේ අග කොටස සාර්ථකව යහපත් වන්නේ දුක දෙවා සැප ලබා දීමේ පිළිවෙත ක්‍රමවත්ව සෙනසුරු අනුගමනය කරන නිසාය. සෙනසුරු පාප ග්‍රහයෙක් බැවින් ඔහුගේ වාහනය ලෙස කපුටා තෝරා ගැනීම අර්ථාන්විතය. පව්කාරයකු යා යුත්තේ පව්කාරයකුගේ පිට උඩය. ජන්මියකු හට පව් පළදෙන්නේ සෙනසුරු අසුබ වූ විටය. කල්ගත රෝගාබාධවලට ගොදුරු වූවනට, මහලු ආබාධිතයනට පිහිට වීම කපුටන් හට ගිතෙල් මිශ්‍ර කිරිබත් දන්දීම සෙනසුරු අපලය දුරුකරවන පිළිවෙත්ය.

නිතර බඩගින්නෙන් පෙළෙන කපුටා හට ගිතෙල් මිශ්‍ර කිරිබත් පිදීම යහපත් වුවද ගිතෙලෙහි පෙඟවූ පහන් තිර, බත්ගුළි තුළට බහා කපුටන් හට ගිල්ලවීම යහපත් නැත. ජීර්ණයට අපහසු රෙදි, තිර ගිලීමෙන් කපුටාහට අපහසුතාවයක්, අවැඩක් සිදුවිය හැකිය. එය කපුටා හට පීඩාවකි. පුදන්නාට අකුසලයකි.

ලෝකෝත්තර දියුණුවට හිතකර සෙනසුරුගේ ස්වභාවය හඳුනා කපුටාට සැලකීම දෙලොව දියුණුවට හේතු වන පිළිවෙතකි. 7 වැන්නෙන් නිවේදනය වන මෙලොව ඇති දෙලොව යුග දිවියයි.
එය නිවැරැදිව හඳුනාගැනීම දෙලොවටම කෙතරම් අගනේද?
ජ්‍යොතිෂවේදී මතුගම ජයනෙත්ති

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive4 months ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive2 years ago

මහේෂ්ට ජනපතිවරණයට ආරාධනාවක්

Mahawanshaya1 year ago

ගම්දනාව බියවද්දමින් උලමා හොයන දේ

Exclusive2 years ago

මහින්දගෙන් ‌ගෝඨාට නියෝගයක්

Astrology1 year ago

2020 ලග්න පලාපල ඔබට කොහොමද?

Astrology1 year ago

ඔබේ සහකරු ඉන්න තැන මෙන්න

Exclusive2 years ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Astrology1 year ago

නිවෙසේ උපකරණ සඳහා සුබම දිශාව

Exclusive11 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive2 years ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive10 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive10 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive1 year ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive11 months ago

රනිල්ගේ UNP එකයි සජිත්ගේ UNP එකයි