Connect with us
Redmi 9C
Advertisement

Astrology

හන්දි රිද්දන සෙනසුරු

Published

on

සෙනසුරා ලැබීම යනු අපලයකි. කලදවස යහපත් නොවෙයි. එය ශාරීරිකවද බලපෑම් ගෙන එයි. ජන්මියකු හට පාදයේ ආබාධ උරුම කරන්නේ සෙනසුරාය. සෙනසුරු අයහපත් වුවහොත් ජන්මියා එක්තැන් කරවන බව ජ්‍යොතිෂයේ කියැවෙයි.

ගමන් කිරීමේ අපහසුව, ඉදිරියට නැමෙන – දිගහැරෙන විට ඇති වන වේදනාව, කොන්දේ වේදනාව මෙන්ම උඩුකුරුව නිදා සිටින විට, සිටගෙන සිටින විට පහසුවක් කෙසේ වත් නොදැනෙන වේදනාව යනාදිය සෙනසුරු වක්‍රාකාරයෙන් උරුම කරගෙන නිසිකල එක්තැන් කරවන රෝග ලක්‍ෂණ ලෙස හැඳින්වෙයි.

කැස්ස, තැටමීම, කිවිසුම් යෑම මගින්ද වේදනාව ඇති වෙයි. තුනටිය ප්‍රදේශයේ සිට පාදයේ යටිපතුල දක්වා පැතිරී යන වේදනාව, පාදයේ හිරිවැටීමක්, විකෘති වීමක් දක්වා වර්ධනය විය හැකිය.

වාත රෝග ඇති කරවීමටද මූලික වන්නේ සෙනසුරාය. වියපත් වූවන් හට සෙනසුරුගේ බලපෑම වැඩිවෙයි. වාත රෝග, කල්පවතින නිදන්ගත රෝග, ඇට බිඳීම් ආදිය සෙනසුරුගේ බලයට අවනතව ජන්මියා පීඩාවට පත්කරවයි.

වාත රෝග අතුරින් කොන්දේ කැක්කුම සුලබ රෝගී තත්ත්වයකි. මෙය රෝගී තත්ත්වයක් නොව රෝගී ලක්‍ෂණයක් ලෙස පිළිගැනෙයි. ආයුර්වේදයත්, ජ්‍යොතිෂයත් එකිනෙකට සබැඳුණු විෂය පථයන් ද්විත්වයකි.

ජ්‍යොතිෂයේ සෙනසුරු බලවතෙකි. ඉහළට ඔසවා තැබීමටත්, නැවැත නොනැඟිටින සේ පොළොවේ ගැසීමටත් හැකියාව ඇත්තේ සෙනසුරුට පමණක් බව ජ්‍යොතිෂ මතයකි.

වාත රෝග ඇතිකරවීමටද, සෙනසුරුගේ මූලිකත්වය යම්සේද, ආයුර්වේදයේදී වා, පිත්, සෙම් අතර වාදයද ප්‍රධාන වෙයි. කොන්දේ වේදනාවෙන් පෙළෙන රෝගීන්ගේ රෝග නිධානය විමසුම් කිරීමේදී එය වාතය කුපිත වීමක් ලෙසද දැක්විය හැකියි.

‘සර්වාභි වෙෂ්ඨා වාතේහ, සප්‍රාණං ප්‍රාණිණං සමෘතඃ’ යනුවෙන් චරක සංහිතාවෙහි දක්වා ඇති ආකාරයට පණ ඇති සියලු සත්වයන් සතු සෑම ක්‍රියාවක්ම වාතය මගින් ඉටුකරයි. එය පණ ඇති සියලු සතුන්ගේ ‘ප්‍රාණයට’ සමානය යනුවෙන් අර්ථ ගැන්වෙයි. ශරීරයක පිත හෝ සෙමටද සප්ත ධාතුන්ටද වාතයේ ආධාරයක් නොමැතිව ක්‍රියා කළ නොහැකිය. පිත් – සෙම් කෝප කිරීමේ බලයද ශරීරයේ සෑම තැනකම පැතිරී ඇති හෙයින්ද කිසිවකුගේ ආධාරයක් නොමැතිව ක්‍රියා කළ හැකි හෙයින්ද වාතය අතිවිශාල රෝග රැසකට හේතුකාරක වන හෙයින්ද, ත්‍රිදෝෂ අතරින් වාතය ප්‍රධාන වෙයි. වාතය මිනිස් ශරීරයේ පස් වැදෑරුම්ව බලපෑම් ගෙනදෙයි.

මිනිස් ශරීරයේ හිස, පපුව, ගෙල, දිව, මුඛය සහ නාසය මූලිකව පුරා වාතය සැරිසරයි. ආශ්වාස – ප්‍රශ්වාසය, ආහාර ගිලීම ආදී කරුණු නිසිලෙස ක්‍රියාත්මක ප්‍රාණ වාතය ගෙල ඉහළ අවයවයන්ගේ ක්‍රියා පාලනය කරවයි.

පපුවෙහි ස්ථානගත වන උදාන වාතය කතාව, උනන්දුව සහ කාය ශක්තිය, මතක තබාගැනීමේ ශක්තිය වර්ධනය කරවයි. නාසය, නාභියද මෙයට ඇතුළත්ය.

හෘදය ප්‍රදේශයේ සිට ව්‍යාත වාතය සම්පූර්ණ ශරීරයම පාලනය කරයි. අත්-පා දිගහැරීම, ගමන් කිරීම, ඇස් ඇරීම, පියවීම ආදී ක්‍රියාවන් එළිදැක්වීමට ව්‍යාත වාතය හේතු වෙයි.

සමාන වාතය අග්නිය හෙවත් ගින්න ලෙසද හැඳින්විය හැකිය. උදරය, ආමාශය ඇසුරුකර ගනිමින් ආහාර ආමාශයට ගැනීම ආහාර දිරවීම දිරවූ ආහාරයෙන් අවැසි කොටස් හා මල කොටස් වෙන් කිරීම, මල කොටස් පිටකිරීම ආදියට සමාන වාතය ඉවහල් වෙයි.

අපාත වාතය ගමන් කරන්නේ තුනටිය, ගුදය, ලිංගය, මුත්‍රාශය, කලවා ආදී ස්ථාන මූලික කරගෙනය. මල, මුත්‍ර, ශුක්‍ර පහකිරීම ගර්භාෂයෙන් කළලය පිටකිරීම ආදිය පාලනයෙන් සිදුවන්නේ අපාත වාතය අනුවය.

මේ අනුව අපාත වාතයේ බලපෑම කොන්දේ වේදනාව, පාද ආබාධ සහ වාත වේදනාවලට ගොනු වූවා විය හැකියි. එහි නිදානය සොයාගත යුතු කටී කශේරුකා අතර ඇති කශේරුකා බිම්බ ඉදිරියට නෙරා ඒම හෝ තෙරපීම, බර ඉසිලීම හෝ එබඳු ඉරියව්වකින් බිම පතිත වීම, කොන්ද සහ පාද ආශ්‍රිත වේදනාවට මූලික වූවා විය හැකිය. කොඳුඇට පෙළ ඇඹරී, කොඳුඇට පෙළට පහරක් වැදීමද ගැටලුවකි. රෝග ඉතිහාසය විමසුම් කිරීමේදී උළුක්කුවක්, පහර වැදීමක් හෝ ඇදවැටීමක් ලෙසද අනාවරණය විය හැකිය.

සෙනසුරු ග්‍රහයාගේ පීඩාව සහ වාත කෝපයේ ලක්‍ෂණ නිසිව හැදුණු රෝගයට නිසි ප්‍රතිකාර කිරීමෙන් සුවය අත්වෙයි. තුනටිය සම්බන්ධ රෝගයට සතියකින්, දෙකකින් සුවයක් අපේක්‍ෂා කළ නොහැකිය. තෙල්, ගුළි, චූර්ණ, කසාය, තැවිලි, පත්තු ආදියෙන් ක්‍රමයෙන් සුවය ලබාගත හැකිය. ඒ සඳහා ක්‍රමවත් ප්‍රතිකාර පෙළක් අවශ්‍ය වෙයි.

සුවය සඳහා වෛiවරයා රෝගය අවබෝධ කරගත යුතුය. එයට පෙර අවබෝධයෙන් වෛiවරයා වෙත යා යුතුය.
ඔබේ කොන්දේ සහ පාදයේ වේදනාව පිළිබඳව ඔබ දැනුවත්ද?
ජ්‍යොතිෂවේදී මතුගම ජයනෙත්ති

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive7 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology10 months ago

2020 ලග්න පලාපල ඔබට කොහොමද?

Astrology11 months ago

ඔබේ සහකරු ඉන්න තැන මෙන්න

Mahawanshaya1 year ago

ගම්දනාව බියවද්දමින් උලමා හොයන දේ

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive6 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)