Connect with us

Astrology

2020 බලගතුම කේන්දරය කාගෙද?

Published

on

මහින්ද රාජපක්‍ෂ
1945 නොවැම්බර 18 උපත ලබා ඇත. කන්‍යා ලග්නයෙන් උපන් මෙතුමා මේ කාලය තුළ ගෙවන්නේ 4 සහ 7 අයත් ගුරු මහ දශාවයි. ගුරු කන්‍යා ලග්න හිමි අයට බාධා කරන අයෙකි. ගුරු ලග්නගතවීම තුළ ඉදිරි දැක්මක් ඇතිව කටයුතු කරයි. නමුත් ගුරු ගමන් කර ඇත්තේ කුජගේ නැකැතේයි. පෙර පින් මතුකරන 5 වැන්න අධිපති සෙනසුරු සමඟ කුජ 11 වැන්නේ ශනි මංගල දෝෂ දැකීම එතරම් යහපත් එකක් නොවේ.

මිත්‍ර සම්බන්ධතා පලුදු වීම ඇති කරයි. නමුත් මහජන ප්‍රසාදයට පත්වීම කතාවෙන් ඕනෑම අයෙක් තමන්ගේ පැත්තට හරවා ගැනීම, ප්‍රසන්න ගතිය සිකුරු 2 වැන්නේ බැවින් ඇති වෙයි. මෙය දේශපාලන නායකත්වයට යහපත්ම දෙයකි.
දැනට තදබල අපල නැත. 2021 මුල් භාගය දක්වා ගෙවන දශාව යහපත් බැවින් ජයග්‍රහණය කිරීමේ වාසනාව ඇත. නමුත් බාධා පවතියි. රාහු 10 වැන්නේ ගෝචර වන බැවින් උසස් නිලතල බලය ලබන අතරම සුළු ජාතීන්ගේ ආදර ගෞරවය ලබයි. මෙම කාලය ජයග්‍රහණයට සුදුසුම කාලයකි. මහජන ප්‍රසාදය අඩුවක් නැතිව ලබයි.

ගෙවන ගුරු මහ දශාව තරමක් බාධා ඇති කරනවා වගේම සෙනසුරු 4 වැන්නේ ගෝචර වීමත් තරමක් වැඩකටයුතුවලට බාධා ඇති කරයි. කෙසේ නමුත් පසුගිය කාලය තුළ පැවති අපල ගතිය අවම වී ඇත. ඒරාෂ්ටක අපල කාලයක් නොමැත. ඉවසීමෙන් කලබල නොවී ඉදිරි දැක්මක් ඇතිව කටයුතු කළොත් ජයග්‍රාහී ගමනක් යෑමට හොඳම කාලයක් පවතී.
මෛත්‍රීපාල සිරිසේන (ජනාධිපති)

තුලා ලග්නයෙන් උපන් මෙතුමා මේ කාලය තුළ ගෙවන්නේ තුලා ලග්නයට යෝගකාරක සෙනසුරු මහ දශාවයි. එය 2023 මැද භාගය දක්වා පවතියි. යහපත්ය. දැනට සෙනසුරු මහ දශාවේ රාහු අතුරු දශාව ගෙවයි. 2020 අවසානය දක්වා පවතියි.
ගෝචර පල බැලීමේදී සෙනසුරු 3 වැන්නේත්, ගුරු 2 වැන්නේත්, රාහු 9 වැන්නේත් ගෙවන මෙම කාලය යහපත්ය.
සෙනසුරුගෙ රාහු අතුරු දශාව ගෙවන බැවින් ඉවසීමේ සීමාව අවමය. කේන්ති යන ගතිය, කලබලකාරිත්වය පවතී.
කෙසේ නමුත් බලවත් කේන්දරයකි. පාලනය කිරීමේදී නැති ප්‍රශ්න ඇති වුවත් දක්‍ෂ පාලකයෙක් විදියට කටයුතු කරන අයෙකි. කුජ 10 වැන්නේ තැන්පත් වීම තුළ තදගතිය ඇත. කියන දේ මූණටම කියන කොන්දක් ඇතිව කටයුතු කළ හැකි නායකත්වයට සුදුසුම අයෙකි. ජයග්‍රාහී ගමනක් යෑමට වාසනා ගුණය කේන්දරය තුළ පවතී.
දැනට සෙනසුරු මහ දශාවේ රාහු අතුරු දශාව ගෙවන බැවින් සුළු ජාතීන්ගේ සහ පොඩි මිනිසාගේ ගෞරවය ලබන අයෙකි. සෙනසුරු මහ දශාව වගේම ගෙවන රාහු අතුරු දශාව මෙතුමාට යහපත්ය. වාසනාව පෑදෙන කාලයකි. ඕනෙම ප්‍රධාන පක්‍ෂයකින් ජනාධිපති තරගයට ඉදිරිපත් වුවොත් අනිවාර්යයෙන්ම බාධාවක් නැතිව ජයග්‍රහණය ලබන අයෙකි.
රාජ යෝග පවතින මෙතුමාට කිසි දිනෙක වරදින්නේ නැත.
දුර්වලකම වශයෙන් තද ගතිය, කලබලකාරිත්වය ඕනෑවට වඩා ළඟ ඉන්න අය විශ්වාස කරන අයෙකි. මෙම දුර්වලකම් කේන්දරය තුළින් මනා ලෙස පැහැදිලි වෙයි. මෙය තේරුම්ගෙන ඉදිරියේ සැලසුමක් ඇතිව කටයුතු කළොත් හොඳ ගමනක් යෑමේ වාසනාව ඇත.
මෙම කේන්දරයේ රවි බලවත් වීමත් තුළ කාටවත් යටත් නොවන අයෙකි. නමුත් ඕනෑම අයෙක් තම ග්‍රහණයට ආකර්ෂණය කරගැනීමට උපන් හපනෙකි. එසේම කාටවත් නැති දුරදක්නා නුවණක් පවතියි. 2 සහ 7 අධිපති කුජ 10 වැනේ තැන්පත්ය. තරමක් තද ගති අයෙකි. නමුත් කාර්ය තුළ නැති ප්‍රශ්න ඇති කරන පිහිටීම් ඇත.
රාහු 9 වැන්නේ ගෝචර වීම තුළ හදිසි ලාභ ප්‍රයෝජන ලැබෙන කාලයක් වගේම පෙර පින් මතු කරන කාලයක් බව සඳහන් කළ යුතුය.

කරු ජයසූරිය
1940 සැප්තැම්බර් මස 29 වැනි ඉරිදා ඉපදී ඇත. ලග්නය තුලා ලග්නයයි. කේතුට අයත් මා නැකැතේ ඉපදී ඇත. උපතේ සිට ඉදිරියට කේතු මහ දශාව වර්ෂ 3කට ආසන්න කාලයක් පවතී.
බුද්ධිමත්ය. දුරදිග බලා කටයුතු කරන අයෙකි. ආගම දහමට ළැදිය, ගුණගරුකය. ඉවසීම ඉහළ මට්ටමින් පවතී. කලබලකාරී චරිතයක් නොවේ. ඕනැම කටයුත්තක් පිළිවෙළට, ලස්සනට කරන අයෙකි.
ඕනැම අයකුගේ ගෞරවය ලබන අයෙකි. වස්තුව ගලා එයි. ඉහළම නිලයකට සුදුසු අයෙකි. පෙර සූදානමක් ඇතිව ඕනැම දෙයක් කරන අවංක චරිතයකි. කලබල නොවේ. අඩියෙන් අඩිය ඉදිරියට යන ගති පැවතුම් ඇත.
තුලා ලග්නයට යෝග කාරක සෙනසුරු නීචය. නමුත් නවාංශකයේ බලවත් වීම තුළ සෙනසුරු බාධා නොකරයි. නායකත්වයට සුදුසුම පුද්ගලයෙකි. කොන්ද කෙළින් තියාගෙන කටයුතු කරන හරි හෝ වැරදි බලා කෙළින් තීරණ ගන්නා අයෙකි. පොඩි මිනිසා මෙන්ම උගත්, බුද්ධිමත් අය ආදරය කරන නායකයෙකි.
දැනට ගුරු මහ දශාවේ අවසන් කොටස රාහු අතුරු දශාව ගෙවයි. මෙම කාලය 2020 මැද භාගය දක්වා පවතියි. හදිසි තනතුරු, ඉහළ නිලතල ලැබෙන කාලයකි. කෙසේ නමුත් 2020 මැද භාගයෙන් පසු ලබන සෙනසුරු මහ දශාව තුළ තරමක් ප්‍රවේශම් විය යුතුය. නායකත්වයට යහපත්ම අයෙකි.

රනිල් වික්‍රමසිංහ
මීන ලග්නයෙන් උපත ලබා ඇත. 11 සහ 12 අයත් සෙනසුරු මහ දශාව ගෙවයි. ඔක්තෝබර් අවසානය දක්වා පවතියි. සැප්තැම්බර්වලින් පසු 4 සහ 7 අධිපති බුධ මහ දශාව ලබයි.
මෙම කාලය තුළ සෙනසුරු දශාව අවසන් කොටස සහ ගුරු අතුරු දශාව ගෙවයි. ජනවාරි දක්වා කාලය යහපත් වුවත් 2020 ජනවාරිවලින් පසු වර්ෂ 2 1/2ක් පවතින පංච ඒරාෂ්ටක අපල කාලයක් ලබයි. මෙම කාලය තුළ මීන ලග්නයට බාධක බුධ මහ දශාව ගෙවන නිසාත්, ඒරාෂ්ටක අපල කාලයක් ලබන නිසාත් නැති කරදර බාධකවලට මුහුණ දීමට සිදුවෙයි.
හවුල් කටයුතු අවුල් කරයි. දේශපාලන කටයුතුවලින් පවා ඉවත්වීමට සිදුවනවා වගේම තනතුරුවලින් පවා ඉවත් වීමට සිදු වන කාලයකි. ළඟින් ඇසුරු කරන අය පවා දුරස්වන කාලයකි. එනිසා සතුරු කරදර බාධක ඇති කරයි. ලග්නය බලවත්ය. ර, තු, ශු ලග්නගතව ඇත. මාලවි යෝගය පවතියි. රවි, කුජ ලග්න ගතවීම තුළ කාටවත් යටත් නොවන තම මතයේම කටයුතු කරන අයෙකි. උගත්, බුද්ධිමත් අයගේ ආදරය, ගෞරවය ලබයි. නමුත් පොඩි මිනිසාගේ ගෞරවය නොලබන අයෙකි. එසේම පොඩි මිනිසා ගැන නොසිතන තරමක අහංකාර ගතිය පවතියි.
ගෝචර පල බැලීමේදී සෙනසුරු 10 වැන්නේ ගෝචර වීම, රැකියාව සම්බන්ධ තරමක බාධා ඇති කරයි. ගුරු ලග්නයෙහි 9 වැන්නේ ගෝචර වීම යහපත්ය. එසේම රාහු 10 වැන්නේ ගෝචර වීම තුළ තරමක බාධා ඇති කරයි. මෙම පසුබිම තුළ ඒරාෂ්ටක අපල කාලය ලබන බැවින් ජනවාරිවලින් පසු නැති කරදර බාධක, තනතුරු හැරයෑමේ කාලයක් උදාවෙයි.

ගෝඨාභය රාජපක්‍ෂ
1949 ජුනි මස 19 වැනි ඉරිදා උපත ලබා ඇත. වෘශ්චික ලග්නයෙන් උත්‍රපුටුප නැකැත හිමිව උපන් බැවින් සෙනසුරු මහ දශාව වර්ෂ 2කට ආසන්න කාලයක් පැවතිනි.
මෙම කාලය තුළ වර්ෂ 18ක් පවතින රාහු මහ දශාව ගෙවයි. දැනට රාහු මහ දශාවේ රාහු අතුරු දශාව ගෙවයි. ඉදිරියට 2021 මුල් භාගය දක්වා පවතී.
උත්පත්ති කේන්දරය ගැන සැලකීමේදී ලග්නාධිපති කුජ 8 සහ 11 අධිපති බුධ සමඟ සංයෝගව 7 වැන්නේය. එය යහපත්ය. කාර්ය ශූරව උද්‍යෝගිමත්ව පිළිවෙළකට කටයුතු කිරීමේ හැකියාව ඇත.
ලග්නය සහ 5 වැන්න, 9 වැන්න යන ත්‍රිත්වය ගැන සැලකීමේදී ලග්නය බලවත්ය. නමුත් 5 වැන්න අධිපති ගුරු 3 වැන්නේ නීච වීමත්, 9 වැන්න අධිපති සඳු රාහුගෙන් පීඩාවට පත්ව පෙර පින් මතුකරන 5 වැන්නේ තැන්පත්ය. එසේම වික්‍රමස්ථාන අධිපති සෙනසුරු 10 වැන්නේ තැන්පත් වගේම සෙනසුරු කේතුට අයත් නැකැතක ගමන් කර ඇත. මේ සියලු කරුණු සැලකීමේදී ලග්නය බලවත් වුවත් පුණ්‍යස්ථානය සහ භාග්‍යස්ථානය දුර්වල වීමත් එම අධිපතියන් දුර්වල වීමත් තුළ පෙර පින් වගේම වාසනාව ගිලිහෙන බව නම් පෙන්වයි.
එසේම ගෝචර පල බැලීමේදී දැනට ගෙවන මහ දශා අධිපති රාහු 8 වැන්නේය. රාහු ස්වභාවයෙන් 8 වැන්නට අයහපත්ය. එසේම සුළු ජාතීන් රාහු නියෝජනය කරයි. දේශපාලනය කිරීමේදී සුළු ජාතීන්ගේ සහයෝගය වඩාත් වැදගත්ය.
කෙසේ නමුත් ගුරු වික්‍රමස්ථානව නීච වීම තුළ චරිත ඝාතන, නින්දා අපහාස, අපකීර්ති ඇති වීම වැළැක්විය නොහැක. මුදල් ඉපයීමට යහපත්ය. ඒ තුළ ආර්ථික මට්ටම යහපත් වෙයි.
ක්‍රියාශූරත්වය, පිළිවෙළකට කටයුතු කිරීම යහපත් වුවත් මිත්‍ර සම්බන්ධතාවලදී නම් ප්‍රශ්න ඇතිවීම ඒ තුළින් මිත්‍රයන් දුරස්වීම පෙන්වයි.
නායකත්වයට නම් මේ කේන්දරය එතරම් යහපත් නොවේ. නමුත් නාකයෙක් යටතේ කටයුතු කරන්නේ නම් ඉහළ හැකියාවන්, දක්‍ෂතා දක්වයි.
කවුරු හෝ මොනයම් බලවේගයකින් නායකත්වයට පත්වුවත් වැඩිකල් නොගොස් නැති ප්‍රශ්න මතුවිය හැකිය.
මේ අනුව මෙතුමාට මෙම ගෙවන මහ දශා අතුරු දශා තුළ වගේම ගෝචර පල බැලීමේදීද යහපතට වඩා අයහපත් ප්‍රතිඵල ඇතිවීමේ වැඩි ප්‍රවණතාවක් පවතී.
නායකත්වයක් යටතේ මෙතුමාට ඕනෑම කටයුත්තක් කිරීමේ හැකියාව උපරිමයෙන් පවතී.

සජිත් ප්‍රේමදාස
1967 ජනවාරි 12 වැනි බ්‍රහස්පතින්දා මිථුන ලග්නයෙන් තුලා නවාංශකය ඇතිව උපත ලබා ඇත. සජිත් ප්‍රේමදාස සුවණ නැකැතින් උපන් බැවින් 2 අධිපති සඳු මහ දශාව වර්ෂ 4කට ආසන්න කාලයක් පැවතිණි.
7 සහ 10 අධිපති ගුරු ධනස්ථානගතවීමත්, ලග්නාධිපති බුධ වික්‍රමස්ථාන අධිපති රවි සමඟ 7 වැන්නේ යෝග වීමත් යහපත්ය. 5 වැන්න අධිපති, 2 වැන්න අධිපති, සමඟ 8 වැන්නේ සංයෝගව උපතේදී සිටීම තරමක් අයහපත්ය.
මෙම කේන්දරයේ ශනි මංගල දෝෂය දෘෂ්ටිමය වශයෙන් පවතී. එය තරමක් හවුල් කටයුතුවලදී ප්‍රශ්න ඇති වීමට හේතුවක් වෙයි. මිත්‍ර සමාගම් වැඩි කලක් ගෙන යෑමේ නොහැකියාව ඇත.
තරමක් තද, නීතියට කටයුතු කරන, කාටවත් කතාවෙන් හිත් නොරිදවන, හොඳ කථිකත්වය ඇති අයෙකි. 9 අධිපති, 10 වැන්නේ වියෝවීම රැකියාව තුළින් සෑහෙන වෙහෙසක් කිරීමට සිදුවන අයෙකි.
මෙම කේන්දරයේ පෙර පින් පෙන්වන පස්වැන්න පීඩාවට පත්වුවත් ලග්නය සහ භාග්‍යස්ථානද පෙන්වන 9 වැන්න බලවත් වී ඇත.
2020 ජනවාරි අවසානය දක්වා සෙනසුරු 7 වැන්නේ ගෝචර වෙයි. එසේම රාහු ලග්නගතවීම තුළ තරමක් කලබල වීම ඉක්මන් වීම ඇති කරයි. බොහෝ විට දුරදිග නොබලා කටයුතු කළොත් තීරණ ගතහොත් එය නිවැරැදි වීමේ ප්‍රවණතාව අවමය.
රාජ යෝග පවතී. ගමනක් යා හැකිය. ඇසුරු කරන අය ගැන සැලකිලිමත් වන්න. යහපතට වඩා අයහපත් දේවල් සිදුවිය හැකිය.
කෙසේ නමුත් 2020 ජනවාරි සිට එකවර ඒරාෂ්ඨක දෙකක් ලබන බැවින් ප්‍රවේශම් වන්න.
ආර්ථික මට්ටම යහපත් වුවත් දේශපාලන කටයුතුවලදී නොසිතන බාධක, සතුරු කරදර ඇති විය හැකිය.
කලබල නොවී ඉවසීමෙන් ස්ථිර ප්‍රතිපත්තියක් ඇතිව බුද්ධිමත්ව කටයුතු කළොත් හොඳ ගමනක් යාහැකි කේන්දරයකි. සුළු පක්‍ෂ, සුළු ජාතීන් ළඟාකර ගැනීම, පොඩි මිනිසාගේ හිත දිනා ගැනීමේ උපන් හැකියාවක් ඇත. එය මෙතුමාගේ දේශපාලන ගමනට ආශීර්වාදයකි. රාහු 11 වැන්නේ උපතේදී තැන්පත් වීම එම කටයුතුවලට හේතු වන කරුණු යෙදේ.

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive1 hour ago

ඇඳිරි නීතිය ගැන අලුත්ම නිවේදනය ‌මෙන්න

Exclusive1 hour ago

මමත් ‌ගෙදර…. (VIDEO)

News3 hours ago

චීන ආණ්ඩුව ගැන ජනතා විශ්වාසය බිඳවැටේ

Exclusive3 hours ago

කොරෝනාවෙන් මව්රට මුදා‌ගෙන ජන්දෙට යන්නද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive15 hours ago

පළමු මරණය වාර්තා ‌වෙයි: කොරෝනා මරණ ‌ලයිස්තුවට ලංකාවත් එකතු ‌වෙයි

Exclusive16 hours ago

කොරෝනා මධ්‍යමටත් ඇතුලු ‌වෙයි

Exclusive17 hours ago

සමෘද්ධිලාභීන්ට 5000ක්: විශ්‍රාම සහ වැඩිහිටි දීමනා ‌ගෙදරටම: ආබාධිත අයටත් දීමනාවක්

Exclusive17 hours ago

තැපෑලෙන් ‌බෙහෙත් එවන්න බළකාය ලෑස්තියි

Exclusive19 hours ago

මෙන්න විශේෂ නිවේදනයක්: ‌කොරෝනා ගැන ‌වෛද්‍ය ජාසිංහ කියන ‌දේ විතරක් අහන්න

Exclusive20 hours ago

මරික්කාර් ‌හොරෙන්ම බෙදන්න පටන් අරන් (VIDEO & PHOTOS)

Exclusive7 months ago

මහේෂ්ට ජනපතිවරණයට ආරාධනාවක්

Exclusive7 months ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive7 months ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive7 months ago

මහින්දගෙන් ‌ගෝඨාට නියෝගයක්

Exclusive5 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive1 week ago

රනිල්ගේ UNP එකයි සජිත්ගේ UNP එකයි

Exclusive3 months ago

සංගාගේ බිරිය ගැන අමුතු කතාවක් එළියට එයි

Exclusive6 months ago

මහරාජා අතින් ‌මේ මිනිසා ඉවර විය යුතුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Gurudawa7 months ago

යූඑන්පී අපේක්ෂකයා ‌තෝරන්නේ ‌මෙහෙමෙයි… (උපුල් ‌ජෝෂප් ප්‍රනාන්දුගේ ගුරුදා විග්‍රහය)

Exclusive5 months ago

රණසිංහ ‌ප්‍රේමදාස නැගිටියි (උපුල් ‌‌ජෝශප් ප්‍රනාන්දුගේ ගුරුදා විග්‍රහය)