Connect with us

Astrology

2020 ලග්න පලාපල ඔබට කොහොමද?

Published

on

එළැඹෙන 2020 වර්ෂය තමන්ට කෙලෙස බලපාවිද, තමන්ගේ ආර්ථිකයට, රැකියාවට, පවුලට, අධ්‍යාපනයට මෙන්ම මෙකී නොකී බොහෝ කාරණා සම්බන්ධව කිනම් තත්ත්වයක් උදාවේවිද යන්න සියලුමදෙනා සිටින්නේ කුතුහලයෙන් සහ උනන්දුවෙන්. ඉතින් එම උනන්දුව නිසාම ජ්‍යොතිෂමය වශයෙන් ඒ ඒ ලග්න සඳහා ඉදිරි වසරේ සුබපල සහ අසුබපල ලැබෙන්නේ කෙසේද යන්න මේ දිනවල කතිකාවට ගැනෙන අතර මේ කාරණය සම්බන්ධව ‘විශ්වකර්ම’ යූටියුබ් නාලිකාව හරහා ඉදිරිපත් කර තිබූ පලාපල විග්‍රහයන් දෙකකට අවස්ථා ලබාදෙමින් ‘කේන්දරේ’ විශේෂ කලාපයට එකතු කරන්නට අප සිතුවා. ඒ අනුව ප්‍රවීණ ටොලමියානු ජ්‍යොතිෂවේදී කේ.සී.ජේ. රත්නායක මහතාත්, ප්‍රවීණ ජ්‍යොතිෂවේදී රුක්ෂාන් ජයසේකර මහතාත් ඉදිරිපත් කරන 2020 පලාපල විග්‍රහයට අනුව නව වසර ඔබට කෙසේ බලපාවිදැයි දැනගන්න.
මේෂ
2020 වසරේදී මේෂ ලග්න හිමියන් තම පෞද්ගලික ජීවිතයේ ඇති කායික සහ මානසික වේගයන් පාලනය කරගත යුතු වසරකි. මෙය වේගවත් සිතුවිලි හටගන්න වසරකි. එම වේගවත් සිතුවිලි නිසි ඉලක්කයකට යොමුකර ගතහොත් හොඳ පල ලැබිය හැකියි. නවීනත්වයට යොමු වීමේ ගුණයක් ඔබ තුළ හටගන්නා අතර, එය ප්‍රයෝජනවත් අයුරින් භාවිත කර දිගුකාලීන පලයක් ලබන්නට අවස්ථාව ඇත. පසුගිය වසරේ ගුරු 8 වැන්නේ සිට ඔබට ලබා දුන් නරක ප්‍රතිඵල වෙනස් කරමින් ගුරු 9 වැන්නට එයි. විදේශ ශිෂ්‍යත්ව ලැබිය හැකිය. ප්‍රභූවරුන්ගේ ආදර, උපකාර ලැබේ. අලුත් විෂයන් ඉගෙනීමට උනන්දුව ඇති වෙයි. ආත්ම ශක්තිය වැඩි වෙයි. සෙනසුරු 10 වැන්නට පැමිණීම නිසා පහසුවෙන් රැකියා ලබාගන්නට අවස්ථාව ලැබේ. ව්‍යාපාර ආරම්භයටත් හොඳම කාලයකි.
වෘෂභ
ඔබ ග්‍රහචාරය එතරම් හිතකර නැතත්, අහිතකරම යැයි සඳහන් කිරීමටද නොහැකිය. පසුගිය කාලයේ විඳින්න සිදුවූ පීඩාවන් අවසන් වීමට පටන්ගෙන ඇත. ඔබ දැනට කරන රැකියාවේ හෝ ව්‍යාපාරයේ යම් වෙනසක් කිරීමට සිදුවේවි. ඔබ තුළ තිබූ කලබලකාරී ගති අඩු වෙයි. එහෙත් රාහුගේ දෙවැනි ගමන එතරම් සුබ නොවේ. ඔබේ වචන ඔබටම එරෙහි වීමට ඉඩකඩ ඇත. වකුගඩුවල, අක්මාවේ රෝග ඇති වීමේ ඉඩකඩ තිබෙන නිසා ප්‍රවේසම් විය යුතුය. බැංකු ණය, රක්‍ෂණ වන්දි, රැකියාවේ වරප්‍රසාද ආදිය ලබා ගැනීමට හොඳ කාලයකි. ගුප්ත විද්‍යාවන් ඉගෙනීමට හොඳ කාලයකි. පිපිරෙන ද්‍රව්‍ය, රසායන ද්‍රව්‍ය භාවිතයේදී ප්‍රවේසම් වීමද වැදගත්. 2020 මැයි මාසයෙන් පසුව තත්ත්වය සුබ අතට හැරෙයි.
මිථුන
ඔබේ ජීවිතයේ නරක ප්‍රතිඵල දෙමින් සිටි ගුරු ග්‍රහයා කේන්දරයේ 7 වැන්නට පිවිසීම තුළ ඔබට විශේෂ වරප්‍රසාද හිමිවෙයි. හවුල් ව්‍යාපාර ආරම්භයට, ගෘහ ජීවිතය සාර්ථක කරගන්නට හොඳ අවස්ථාවකි. දේශපාලන ක්‍ෂේත්‍රයේ නියුතු මිථුන ලග්න හිමියන්ට ව්‍යාපාරිකයන්ට, කලා ක්‍ෂේත්‍රයේ නියුතු වූවන්ට, හවුල් ව්‍යාපාරිකයන්ට මෙය වරප්‍රසාද ලැබෙන කාලයකි. සෙනසුරු 8 වැන්නට පිවිසීම නිසා චිත්ත පීඩා ඇති විය හැකි බැවින් ඒ සම්බන්ධව අවධානය යොමු කර එවැනි දෙයින් වැළකී සිටීම වඩාත් සුබ වෙයි. මෙතෙක් ලබා ගන්නට නොහැකි වූ රැකියා ලබාගත හැකි කාලයකි. වසරේ මුල් කාලය තරමක් පීඩාකාරී වුවද අග භාගය ජයග්‍රාහී කාල සීමාවක් බවට පත්වනු ඇත.
කටක
කටක ලග්නයට මේ කාලය එතරම් හිතකර නොවේ. මේ කාලයේ ඔබේ කේන්දරයේ 6 වැන්නේ ගුරු 7 වැන්නේ, සෙනසුරු ගමන් කිරීමට නියමිතයි. රාහු 12 වැන්නේ ගමන් කරන මේ ඉදිරි කාලයේ ඔබ සතු දේ අත්හැරීමට සිදුවන කාලයකි. නීතිමය ගැටලු ඇති විය හැකි කාලයකි. සාමකාමීව ප්‍රශ්න විසඳා ගැනීමට උනන්දු වෙන්න. අලුත් ආයෝජනවලට නොයා සිටීම වඩාත් සුදුසුය. ගුරු 6 වැන්නට පැමිණීම නිසා පරම්පරාගත රෝග ආදියෙන් ප්‍රවේසම් වීම වටී. ආහාරපාන ආදියෙන් ප්‍රවේසම් වීමද වැදගත්ය. බලවත් පුද්ගලයන් සමඟ ආරවුල් ඇතිකර ගැනීමෙන් වැළකී සිටින්න. එසේම 2020 වසරේදී කිසිම ග්‍රහයකු ඔබේ ජීවිතයට අමතර ශක්තියක් ලබා නොදෙන නිසා කල්පනාකාරීව ජීවිතයට මුහුණදීම සුදුසුයි.
සිංහ
කලාතුරකින් පිහිටන හොඳම ග්‍රහචාරයක් සිංහ ලග්න හිමියන්ට උදාවී තිබෙන අතර, පසුගිය කාලයේ ජීවිතයේ පහළට ගමන් කළ ඔබ ඉහළට ගමන් කරන්නට පටන්ගෙන ඇත. රැකියාවේ සුබදායී වෙනස්කම් ඇති වන කාලයකි. මෙතෙක් කල් දරුණු පීඩා ගෙනදුන් සෙනසුරු එයින් මිදී ඔබට සියලු වරප්‍රසාද ලබා දීමට කටයුතු කරන කාලයකි. දේශපාලනයේ නියැළෙන, ව්‍යාපාරික කටයුතුවල නියුතු, සිනමාවේ, කලාවේ, සමාජ කටයුතුවල නියුතු සිංහ ලග්න හිමියන්ට වැඩි වරප්‍රසාද තත්ත්වයන් ලැබෙන කාලයකි. මෙම වසර දෙකහමාරක කාලයේදී ඔබගේ අතීත ජීවිතයේදී අතහැරුණු දේ ලබා ගැනීමටත්, අනාගත ජීවිතයට අවශ්‍ය අඩිතාලම සකස්කර ගැනීමට උනන්දු විය යුතුයි. එසේම දරු පලද ලබාදෙන කාලයකි. මේ කාලයේ රාහු 11 වැන්නේ සිට ලබාදෙන දේ ආරක්‍ෂා කරගැනීමට කටයුතු කරන්නේ නම් අනාගතය සුබදායී වනු ඇත.
කන්‍යා
කන්‍යා ලග්න හිමියන්ට පසුගිය කාලයේ විඳින්නට සිදුවූ නින්දා, අපහාස සහ නොලැබී යෑම් වැනි පීඩන කාලය අවසන්ව හොඳ කාලයක් උදාකරමින් ගුරු 4 වැන්නට පැමිණ සිටී. මෙම වසරේදී ඔබට කැපී පෙනීමේ අවස්ථාව උදාවනු ඇත. රැකියාවේ උසස්වීම් ලැබේ. ඇසුරු කරන්නන් අතර ප්‍රසාදයට පත්වේවි. එසේම රැකියාවේ යම් වෙනසක් සිදුවිය හැකි අතර, එය යහපත් වෙනසකි. එසේම රාහුගේ 10 වැන්නේ ගමන ඔබට රාජ යෝග තත්ත්වයකි. ඔබ ජන ආකර්ෂණයට ලක්වෙයි. දේශපාලනය, ව්‍යාපාර ක්‍ෂේත්‍රයේ, කලාවේ නියුතු අයට හොඳම කාලයකි. හදවත සම්බන්ධ රෝග ඇති අය ප්‍රවේසම් වීමද වැදගත් වෙයි. සෞඛ්‍ය තත්ත්වයේ ගැටලු තිබුණද අනෙක් අංගයන්ගෙන් කන්‍යා ලග්න හිමියන්ට සුබපල ගෙනදෙයි.
තුලා
මෙතෙක් කලක් බලවත් ස්ථානවල ගමන් කළ ගුරු සහ සෙනසුරු නිසා තුලා ලග්න හිමියන්ට පසුගිය නොවැම්බර් 05ට පෙර ඉතාමත් හොඳ සුබ කාලයක් ගතවූ අතර, එම කාලයේ ධනය, බලය දෙකම ලැබීමට ඔවුන් වාසනාවන්ත විය. එහෙත් එම තත්ත්වය ගිලිහී යමින් 2020 වසරේ බලතල අඩු වීමක් දක්නට ලැබෙයි. එය වටහාගෙන කටයුතු කිරීම සුබදායකය. රාහුගේ 9 වැන්නේ ගමනද හිතකර නොවේ. 4 වැන්නට පැමිණි සෙනසුරු දරා ගැනීමේ හැකියාව ලබාදෙනු ඇත. බලය අඩු වුවද කරගෙන ආ කටයුතු අතහරින්නට සිදු නොවේ. කශේරුකාවේ, ස්නායු තෙරපුම් ඇති විය හැකිය. ගුප්ත විද්‍යාවත් ඉගෙනීමට හොඳ කාලයකි.
වෘශ්චික
වෘශ්චික ලග්න හිමියන් ෆීනික්ස් කුරුල්ලකුටමෙන් අළු මතින් නැඟීසිටින්නට කාලය උදාවී තිබේ. පසුගිය කාලයේ ගුරු, සෙනසුරු හා රාහු ගෙනදුන් අහිතකර ප්‍රතිඵල වෙනස් වෙමින් තිබේ. 2 වැන්නේ ගුරු බලවත්ව වික්‍රමස්ථානයේ සෙනසුරු බලවත්ව සිටින මේ කාලය ජීවිතයේ ලැබෙන විශේෂ අවස්ථාවකි. අලුත් දේ පටන් ගැනීමට වඩාත් යෝග්‍ය වෙයි. ඉදිරි වසර නිහඬ අඩිතාලම දමාගන්නට හොඳම කාලය උදාවී ඇත. එහෙත් චිත්ත පීඩා ඇතිවිය හැකිය. අසාත්මිකතාවලට ඉඩ ඇත. ගෑස්, ගින්දර, විදුලිය, රසායන ද්‍රව්‍ය වැනි දේ පාවිච්චියේදී කල්පනාකාරී විය යුතුය. වෘශ්චික ලග්න හිමියන්ට මේ වසර අතිශයින්ම සුබදායකය.
ධනු
ගුරු ග්‍රහයා ඔබේ ලග්නය මත තැන්පත්ව ඇති මේ කාලය ඔබට යම් පීඩනයක් ගෙන දෙන කාලයක් වුවද පසුගිය කාලයේ සිදුවූ අත්වැරැදීම් හදාගන්නට හොඳම කාලයකි. අලුත් විෂයන් ඉගෙන ගැනීමත්, අවස්ථාව ලැබී ඇත. අලුත් ජීවිතයකට හැඩගැසීමටත් මෙම කාලය ඉතාමත් හොඳයි. ලග්නය මත සිටින ගුරු ග්‍රහයා කේන්දරයේ ස්ථාන තුනක් උත්තේජනය කරයි. ලග්නයේ සිටින ගුරු ග්‍රහයා නිසා ප්‍රියමනාප පෙනුමක් ගෙන දෙනු ඇත. සමාජයෙන් වරප්‍රසාද ලැබීමට අවස්ථාව උදාවෙයි. විනෝදාස්වාදයට විදෙස් අධ්‍යාපනයට හොඳ කාලයකි. ජීවිතයට නව පණක් ලැබෙනු ඇත. මෙය ලෞකික මෙන්ම ලෝකෝත්තර ජීවිතයේ දියුණුවක් ඇතිකර ගන්නට හොඳම කාලයකි.
මකර
මෙම 2020 වසරේ සුබපල හිමිකම් තියෙන තවත් වාසනාවන්ත ලග්නයක් ලෙස මකර ලග්නය හඳුන්වා දිය හැකිය. පසුගිය කාලයේ විවිධ හැලහැප්පීම්වලට මුහුණ දුන් ඔබට හොඳ කාලයක් උදාවෙයි. 12 වැන්නට පැමිණ සිටින ගුරු – මකර ලග්න හිමියන්ට වෙනදාට වඩා ආධ්‍යාත්මික ශක්තියක් ලබාදෙයි. සමාජයේ හොඳ හිත දිනාගන්නට අවස්ථාව යෙදේ. විදේශ අධ්‍යාපනයට විදෙස් සබඳතා සඳහා වැඩි අවස්ථා උදාවෙයි. එසේම ලග්නය මතට පැමිණෙන සෙනසුරු මකර ලග්න හිමියන්ට නරකක් ඇති නොකරන අතරම වෙනදාට වඩා තැන්පත් බවක් ඔහු තුළ ඇති කරාවි. දේශපාලනය සහ වෙළෙඳ ව්‍යාපාර අංශවලින් ප්‍රයෝජන ගන්නට මකර ලග්න හිමියාට හොඳම කාලයක් උදාවෙයි.
කුම්භ
පසුගිය කාලයේ කුම්භ ලග්න හිමියන්ටද මුහුණ දෙන්නට සිදුවූ අහිතකර භාවය වසරේදී වෙනස් වෙයි. ආදායම් මාර්ග තරවීම සිදුවනු ඇත. කරගෙන ආ රැකියාව හෝ ව්‍යාපාරය නවීකරණය කර සාර්ථක ප්‍රතිඵල ලබාගන්නට අවස්ථාව ලැබෙනු ඇත. එසේම ආදායම් මාර්ග කිහිපයක් පවත්වාගෙන යෑමේ අවස්ථාවද කුම්භ ලග්න හිමියන්ට උදාකර දෙනු ඇත. එය පාදා ගැනීමට කටයුතු කිරීම ඔබ සතු හපන්කමකි. අවස්ථාවෙන් ප්‍රයෝජන ගන්න. කුම්භ ලග්න හිමියන්ට ඉදිරි වසර 12ක කාලයට ගැළපෙන ලෙස ආදායම ලබාගත හැකිය. මේ 12 වැන්නේ සිටින සෙනසුරු නිසා කුම්භ ලග්න හිමියාටද ආධ්‍යාත්මික සහ ලෞකික යන දෙපැත්තෙන්ම ජය ලැබිය හැකි කාලයකි. ධනය සම්බන්ධ අලුත් සිතිවිලි ඇති වේවි. මේ කුම්භ ලග්න හිමියන්ට කලකට පසු විජයග්‍රහණ ලැබිය හැකි කාලවකවානුවකි.
මීන
මේ උදාවී ඇත්තේ මීන ලග්න හිමියන්ගේ විජයග්‍රාහී කාලයකි. 10 වැන්නාධිපති ග්‍රහයා ලග්නාධිපතිටත් වඩා සුබපල දීමේ ගෝචර තත්ත්වයක් දක්වන බැවින් මේ වසරේදී 10 වැන්නාධිපති මෙන්ම ලග්නාධිපතිත් වන ගුරු 10 වැන්නේ බලවත්වීම තුළ ත්‍රිත්ව බලයක් ලැබීමෙන් තමයි 2020 වසර ආරම්භ කරන්නේ. එසේම තමාගේම දේ ආරම්භ කිරීමට හොඳම කාලයකි. වෙළෙඳ ව්‍යාපාර ආරම්භයටද ඉතාමත් යෝග්‍ය වෙයි. මෙය වසර දොළහකට පසු ලැබෙන බලවත්ම අවස්ථාවකි. 11 වැන්නේ සෙනසුරු ඔබට අලුත් ආදායම් මාර්ග පාදාගන්නට අවස්ථාව උදාකර දේවි. රාහුගේ වේගය ප්‍රයෝජනයට ගෙන ගුරුගේ බලය භාවිත කර කළයුතුදේ කළොත්, ඉදිරි කාලය සුබකර ගැනීම අපහසු නැත.
ජ්‍යොතිෂවේදී කේ.සී.ජේ. රත්නායක

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive9 months ago

මහේෂ්ට ජනපතිවරණයට ආරාධනාවක්

Exclusive9 months ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive9 months ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive9 months ago

මහින්දගෙන් ‌ගෝඨාට නියෝගයක්

Exclusive2 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive3 weeks ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology5 months ago

2020 ලග්න පලාපල ඔබට කොහොමද?

Exclusive3 weeks ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive2 months ago

රනිල්ගේ UNP එකයි සජිත්ගේ UNP එකයි

Exclusive7 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)