සරසවි සිසුන්ගේගේ නව අදහස් ලබාගෙන
හරිත වැඩසටහන් සහ දේශීය අමුද්‍රව්‍ය ඇසුරින් පෝෂණීය නිෂ්පාදන
දේශීය නවෝත්පාදන බලගැන්වීමේ අරමුණින් කැලණිය, ශ්‍රී ජයවර්ධනපුර, කොළඹ සහ මොරටුව යන විශ්වවිද්‍යාල සමඟ නව සහයෝගීතාවකට එළඹෙමින් මෙරට සරසවි සිසුන්ට නව අභියෝගයක් ලබාදීමට නෙස්ලේ ලංකා සමාගම පසුගියදා පියවර ගත්තේය. දේශීය අමුද්‍රව්‍ය යොදාගනිමින් නිෂ්පාදනය කෙරෙන පෝෂණීය නිෂ්පාදන සහ විවිධ මුලපිරීම් තුළින් නෙස්ලේ සමාගමේ පාරිසරික තිරසාර බව වර්ධනය කිරීම වෙනුවෙන් නව අදහස් ජනනය කිරීම ඉන් අපේක්ෂා කෙරේ. මෙම වැඩසටහනට 200කට ආසන්න සරසවි සිසුන් ප්‍රමාණයක් තම අදහස් ලබාදෙනු ඇතැයි අපේක්ෂා කෙරේ.
මේ පිළිබඳ අදහස් දක්වමින් නෙස්ලේ ලංකා කළමනාකාර අධ්‍යක්ෂ ෆැබ්රිස් කැවාලින් මහතා ප්‍රකාශ කළේ, නෙස්ලේ සමාගම සෑමවිටම නවෝත්පාදන කෙරෙහි ප්‍රමුඛතාවක් ලබා දී ක්‍රියාකරන බවය. “වර්තමාන පාරිභෝගික හැසිරීම් රටාවේ විශාල වෙනසක් අපට දකින්න ලැබෙනවා. එම නිසා අපේ බලාපොරොත්තුව, දේශීය නවෝත්පාදනය සඳහා සහාය වෙමින් අපගේ පාරිභෝගිකයින්ට ලබාදෙන නිෂ්පාදන වැඩිදියුණු කිරීමට එම නවෝත්පාදන යොදාගැනීමයි. ඒ වගේම තිරසාරභාවය හා පෝෂණ ගුණය සහතික කළ නිෂ්පාදන පිරිනැමීමට අපි ප්‍රමුඛතාව ලබාදෙනවා. අපට අවශ්‍ය පාරිභෝගිකයින්ට වගේම පරිසරයටත් හිතකර නිෂ්පාදන පිළිගැන්වීමයි”, ඔහු වැඩිදුරටත් පැවසීය.
