බ්‍රවුන්ස් ටැෆේ ට්‍රැක් ටෙක් කෑම්ප් වගකීම් කාලයෙන් පසුවත් රත්තරන් සේවාව

ශ්‍රී ලාංකේය ගොවි ජනතාවගේ හදගැස්ම හඳුනාගත් බ්‍රවුන්ස් කෘෂි අංශය තම නිරන්තර සේවා දායකත්වය හෘදයාංගම ලෙස පාරිභෝගික ප්‍රජාව වෙනුවෙන් ඉටුකරලීමට ‘බ්‍රවුන්ස් ටැෆේ ට්‍රැක්ටෙක් කෑම්ප්’ නොමිලේ සේවා කඳවුරු මාලාව මෙවරත් දිවයින පුරා අතිසාර්ථක ලෙස නොකඩවා පවත්වාගෙන යනු ලබන අතර මේ වන විට 250කට අධික සේවා කඳවුරු ප්‍රමාණයක් බ්‍රවුන්ස් කෘෂි අංශය විසින් ක්‍රියාත්මක කර ඇත.

පිබිදෙන නැවුම් යුගයක තිරසාර කෘෂිකාර්මික ප්‍රබෝධයක් වෙනුවෙන් උරදෙන, තාරුණ්‍යයේ ජවයට නිතැතින්ම පන්නරය වෙමින් කෘෂියාන්ත්‍රීකරණයේ නියමුවා ලෙස බ්‍රවුන්ස් කෘෂි අංශය සමාජ මෙහෙවරක් ලෙස මෙම සේවාවන් ඉටු කරනු ලබයි. පසුගිය මහ කන්නයට පෙරද අති සාර්ථක ලෙස මුළු දිවයිනම ආවරණය වන පරිදි නිකවැරටිය, ඉබ්බාගමුව, හෙට්ටිපොළ, විල්ගමුව, තලාව, කිලිනොච්චිය, කැබිතිගොල්ලෑව, සෙවණපිටිය, මුතූර්, පොතුවිල්, ලුණුගම්වෙහෙර යන නගරවල ට්‍රැක්ටෙක් කෑම්ප් පැවැත්වූ අතර දේශීය තාක්ෂණ ශිල්පීන්ට අමතරව ඉන්දීය මව් සමාගමේ තාක්ෂණ විශේෂඥයන්ද මෙම ට්‍රැක්ටෙක් කෑම්ප් සඳහා සහභාගි වී අලුත්වැඩියා කටයුතු සිදුකරන ලදී. බ්‍රවුන්ස් සමාගම මෙහිදී එම සේවාවන් ලබාගත් ටැෆේ ට්‍රැක්ටර් හිමිකරුවන්ගේ පැසසුමට ලක්වූයේ වෙනත් කිසිම ආයතනයකට සමකළ නොහැකි සේවාවක් ලබාදීමේ ගෞරවය හේතුවෙනි.