පාරිභෝගික කේන්ද්‍රීය මූල්‍ය සේවාවන්හි පෙරමුණ ගෙන සිටින ශ්‍රී ලංකාවේ ප්‍රමුඛතම මූල්‍ය සමාගම වන HNB FINANCE PLC විසින් පාරිභෝගිකයින්ට තම වාහන සිහිනය සැබෑකර ගැනීම සඳහා පහසුවෙන් ණයක් ලබා ගැනීමට හැකි වන පරිදි “Auto Loan” මූල්‍ය සේවාව පසුගියදා හඳුන්වා දෙන ලදී.
පාරිභෝගික රුචිකත්වයට මුල්තැන දෙමින් සහ ඔවුන්ගේ ගෙවීමේ හැකියාව මත වඩාත් නම්‍යශීලී මූල්‍ය සැලසුමක් ලෙස මෙම සේවාව පාරිභෝගිකයින් වෙත ලබාදීම සඳහා HNB FINANCE හි අලෙවි නිලධාරීන් පුද්ගලිකව ගනුදෙනුකරුවන් වෙත ගොස් වඩාත් කඩිනමින් ඔවුන්ගේ මෝටර් රථ සිහිනය සැබෑ කරවිමට කටයුතු කිරීම මෙහි ඇති විශේෂත්වයකි. මෙහිදී පාරිභෝගිකයා මිලදී ගැනීමට අපේක්ෂා කරන මෝටර් රථය, ණය මුදල සඳහා සුරැකුමක් ලෙස භාවිත කළ හැකි බැවින් පාරිභෝගිකයන්ට ස්ථාවර වාරික වශයෙන් ණය ආපසු ගෙවීමට හැකියාව ලැබෙනු ඇත.
මෙම ණය පහසුකම අනෙක් සේවාවන් අතරින් වඩාත් සුවිශේෂ වන්නේ වෙළෙඳපොළේ පවතින වඩාත් ආකර්ෂණීයම පොලී අනුපාතය සහ නම්‍යශීලී ආපසු ගෙවීමේ හැකියාවත් නිසාය. එනම් ලියාපදිංචි නොකළ වාහන සඳහා අවම වශයෙන් මාස හයක සිට උපරිම වශයෙන් මාස 84 දක්වා සහ ලියාපදිංචි කළ වාහන සඳහා අවම වශයෙන් මාස හයක සිට උපරිම මාස 60 දක්වාත් වන පරිදි පාරිභෝගිකයාගේ ගෙවීමේ හැකියාවට අනුව නම්‍යශීලීව සකස් කෙරෙන ස්ථාවර මාසික වාරික ක්‍රමයක් හරහා නැවත ගෙවීමට අවස්ථාව ලබා දෙයි.
මෙම ණය පහසුකම කාර්, වෑන්, ජීප් (SUV), පිකප් සහ කුඩා ට්‍රක් රථ යන වාහන සඳහා අදාළ වනු ඇත.
