වාසනාවේ සුබ ලකුණ ලෙස පාරිභෝගික විශ්වාසය දිනාගත් ‘ලග්න වාසනාව’ ලොතරැයියෙන් බිහිවූ සුපිරි ජයග්‍රාහකින් 07 දෙනෙක් සඳහාත්, කප්රුක ලොතරැයියේ රු. 5,000,000ක මිලියනපති ජයමල්ල දිනාගත් ජයග්‍රාහකයා ඇතුළුව තවත් දසලක්ෂපති ජයග්‍රාහකයින් සිවුදෙනෙක් සඳහාත් චෙක්පත් ප්‍රදානය කිරීම 2022.04.27 දින සංවර්ධන ලොතරැයි මණ්ඩලයේ සභාපති/ප්‍රධාන විධායක නිලධාරී අජිත් ගුණරත්න නාරගල මැතිතුමාගේ ප්‍රධානත්වයෙන් සිදුවිය.
එම වාසනාවන්තයින් බිහිකළ අලෙවි නියෝජිත මහත්ම මහත්මීන් සඳහාද එහිදී දිරිදීමනාවන් සමගින් සහතික පත් පිරිනමන ලදී.
මෙම අවස්ථාව සඳහා සාමාන්‍යාධිකාරී අනුර ජයරත්න මහතා, නියෝජ්‍ය සාමාන්‍යාධිකාරී (මුදල්) විජිතා සෝමරත්න මෙනවිය, නියෝජ්‍ය සාමාන්‍යාධිකාරී (අලෙවි) චානක දොඩන්ගොඩගේ මහතා ඇතුළු නිලධාරීන් සහභාගි වූහ.
