ඉන්ජිනේරු විජිත හේරත් මහතා ශ්‍රී ලංකා ඉන්ෂුවරන්ස් සභාපතිතුමන් ලෙස වැඩ භාරගනී

කීර්තිමත් ඉන්ජිනේරු වෘත්තිකයකු වන විජිත හේරත් මහතා 2021 අගෝස්තු 03 වැනි දින ශ්‍රී ලංකාවේ ප්‍රමුඛතම රක්ෂණ සේවා සැපයුම්කරු වන ශ්‍රී ලංකා ඉන්ෂුවරන්ස් ආයතනයේ සභාපති ලෙස වැඩ භාරගන්නා ලදී.

මෙම තනතුරට පත්වීමට පෙර විජිත හේරත් මහතා 2019 සිට 2021 දක්වා ශ්‍රී ලංකා විදුලිබල මණ්ඩලයේ සභාපතිවරයා ලෙස කටයුතු කළේය.

මේ අතර ඔහු 2017 වසරේ සිට සාමාජිකයන් 5,000ක් ඉක්මවා ඇති ප්‍රමුඛ ඉන්ජිනේරු සංවිධානයක් වන ශ්‍රී ලංකා පොදුජන ඉන්ජිනේරු පෙරමුණේ සභාපතිවරයා ලෙස කටයුතු කරයි.

එතුමා 2012 වසරේදී ශ්‍රී ලංකාව තුළ තමාගේම ඉදිකිරීම් සමාගමක් ආරම්භ කරන ලද අතර විජිත හෙරත් මහතා ඉන්ජිනේරු ක්ෂේත්‍රයේ දේශීය හා විදේශීය ආයතන රැසක් පුරා විහිදී ආයතනික පළපුරුද්දකට හිමිකම් කියයි.