Prime Lands Residencies PLC බිලියන 3.7ක වාර්තාගත පිරිවැටුමක්…

ශ්‍රී ලංකාවේ ප්‍රමුඛතම නිවාස සහ දේපළ වෙළෙඳ සමාගම වන ප්‍රයිම් සමූහයට අයත් Prime Lands Residencies PLC (PLR) සමාගම වඩාත් අභියෝගාත්මක ආර්ථික සහ සමාජීය කාලවකවානුවක සිය අතිවිශිෂ්ට මූල්‍ය කාර්යසාධනයක් අඛණ්ඩව පවත්වාගෙන යමින් දෙවැනි කාර්තුවේදී සමාගමේ බදුපසු ලාභය 151%කින් වර්ධනය කරගැනීමට සමත් වූ අතර PLRහි පිරිවැටුම රුපියල් බිලියන 2.4ක් දක්වා වර්ධනය කරගැනීමට සමත් වී ඇත. මෙම අගය පළමු කාර්තුව හා සැසඳීමේදී 86%ක වැඩිවීමක් පෙන්නුම් කරයි.

සලකා බලනු ලබන කාලසීමාව තුළ PLR හි බදු පෙර ලාභය රුපියල් මිලියන 573ක් වූ අතර බදු පසු ලාභය රුපියල් මිලියන 506ක් විය. ඒ අනුව මෙම අගයන් මෙම මූල්‍ය වර්ෂයේ පළමු කාර්තුවේ වාර්තා කළ රුපියල් මිලියන 201 සමග සැසඳීමේදී 151%ක වර්ධනයක් සටහන් කරයි.