අද දින අගමැතිවරයාට ප්‍රශ්න යොමු කිරීමේ අවස්ථාවේදී සමගි ජන බලවේගයේ පාර්ලිමේන්තු මන්ත්‍රී එස්.එම්. මරික්කාර් මහතා යොමු කළ ප්‍රශ්නයට අගමැතිවරයා වෙනුවට අමාත්‍ය ගාමිණී ලොකුගේ මහතා පිළිතුරු දීමට යාමෙන් උණුසුම්කාරී තත්ත්වයක් මතුවිය.
එහිදී මරික්කාර් මහතා කියා සිටියේ අගමැතිවරයාගෙන් අසන ප්‍රශ්නවලට අගමැතිවරයාම පිළිතුරු ලබා දිය යුතු බවත්, ස්ථාවර නියෝගවල පවා එය සදහන්ව ඇති බවත්ය.
නමුත් ඊට සභානායක දිනේෂ් ගුණවර්ධන මහතා පිළිතුරු දෙමින් කියා සිටියේ සම්ප්‍රදායට අනුව අගමැතිවරයා වෙනුවට ඇමැතිවරයෙකුට පිළිතුරු ලබා දිය හැකි බවකි.
නමුත් ඊට විරෝධය පළ කරමින් සංවාදයට මැදිහත් වූ අනුර කුමාර දිසානායක මහතාද එය ප්‍රතික්ෂේප කරමින් අගමැතිවරයා පිළිතුරු ලබා දිය යුතු බව සදහන් කර සිටියේය.
කෙසේවෙතත් අවසානයේදී කතානායකවරයා කියා සිටියේ අගමැතිවරයා වෙනුවට ඇමැතිවරයාට පිළිතුරු ලබා දිය හැකි බවකි.
