Connect with us
Redmi 9C
Advertisement

Exclusive

අතරමැදියන්ගේ ප්‍රශ්නයකට ගෝඨා කෑගල්ලේදී මුහුණ දෙයි

Published

on

රබර් සඳහා නිසි මිලක් දෙමින් දේශීය රබර් නිෂ්පාදනය වර්ධනයට ප්‍රමුඛත්වය දෙන බවත්, එමඟින් රැකියා විරහිත පිරිස් කර්මාන්තයට ආකර්ශණය කර ගැනීමට හැකිවනු ඇති බවත් ජනාධිපති ගෝඨාභය රාජපක්ෂ මහතා පෙන්වා දුන්නේය.

ශ්‍රී ලංකා පොදුජන පෙරමුණෙන් මෙවර මහ මැතිවරණයට තරගවදින අපේක්ෂකයන්ගේ ජයග්‍රහණය තහවුරු කිරීම පිණිස ජනාධිපති ගෝඨාභය රාජපක්ෂ මැතිතුමා  අද (18) කෑගල්ල දිස්ත්‍රික්කයේ චාරිකාවක නිරත වෙමින් සිටී.

දැරණියගල සිරිසමන් මධ්‍ය මහා විද්‍යාල ක්‍රිඩාංගණයේ දී සහ දැරණියගල නගරයේ ළමා උද්‍යාන අසළ දී ජනාධිපතිතුමා  ජනතාව සමග සුහද කථා බහක නිරත විය.

අතරමැදියන් නිසා රබර් කර්මාන්තයේ නිරතවුවන්ට නිසි මිලක් නොලැබෙයි. එබැවින් කර්මාන්තයේ නිරත පිරිස අඩු වී ඇතැයි ද ජනතාව ජනාධිපතිතුමා සමග පැවසූහ.  

ගම්මිරිස් ඇතුළු කුළුබඩු නිෂ්පාදනයේ නිරතවූවන්ගේ ගැටළු ද ජනාධිපතිතුමා වෙත ඉදිරිපත් කෙරිණ.

හිටපු රාජ්‍ය අමාත්‍ය කනක හේරත් සහ අපේක්ෂක අජිත් ශාමින්ද යන මහත්වරු ද මේ අවස්ථාවට සහභාගී වූහ.

රුවන්වැල්ල දෙහිඕවිට මංසන්ධියේ දී අපේක්ෂක වයි.ජී පද්මසිරි මහතා සංවිධාන කර තිබූ ජන හමුවට සහ රුවන්වැල්ල මහජන ක්‍රීඩාංගණය ඉදිරිපිට පොළ භූමියේ දී අපේක්ෂක එල්.එච්. සුදත් මංජුල මහතා සංවිධාන කර තිබූ ජන හමුවට ද ජනාධිපතිතුමා සහභාගී විය. රැස්ව සිටී ජනකායගෙන් ජනාධිපතිතුමාට උණුසුම් පිළිගැනීමක් ලැබිණ.

ජනාධිපති ගෝඨාභය රාජපක්ෂ මැතිතුමා හඳුන්වාදුන් නව දේශපාලන සංස්කෘතිය පිළිබඳව ප්‍රශංසාව පළ කළ ජනතාව පෝස්ටර් භාවිත නොකොට හා පරිසරය අපවිත්‍ර නොකර ගෙනයන මැතිවරණ ප්‍රචාරණ ව්‍යාපාරය ඇගැයීමට ලක් කළහ.

මොරලියගගබඩ මාර්ගය ඇතුළු අතුරු මාර්ග සංවර්ධනය සහ පානීය ජල ගැටළුව පිළිබදව ද ජනතාව ජනාධිපතිතුමා දැනුවත් කළහ.

මාර්ග කි.මි ලක්ෂයක් සංවර්ධනය කිරීමේ ව්‍යාපෘතිය යටතේ දිස්ත්‍රික්කයේ ග්‍රාමීය මාර්ග සංවර්ධනය කඩිනමින් ආරම්භ කරන්නැයි ජනාධිපතිතුමා හිටපු රාජ්‍ය අමාත්‍ය කනක හේරත් මහතාට  උපදෙස් දුන්නේය.

දිස්ත්‍රික්කයේ උපාධිධාරීන්ගේ ගැටළු සහ උපාධිධාරී සමෘද්ධි සංවර්ධන නිලධාරීන්ගේ ඉල්ලීම් කෙරෙහි ද ජනාධිපතිතුමාගේ අවධානය යොමු විය.

ජනතා වතු සංවර්ධන මණ්ඩලයට අයත් මුඩු ඉඩම් නැවත අස්වැද්දීම පිළිබද ද ජනතාව ජනාධිපතිතුමා සමග සාකච්ඡා කළහ.

සංචාරකයන් විශාල වශයෙන් පැමිණෙන  කිතුල්ගල ආශ්‍රිතව උද්ගතව ඇති ගැටළු කිහිපයක් ද ජනාධිපතිතුමාගේ අවධාන‍ය යොමු කෙරුණු අතර ඒවා නොපමාව නිරාකරණය කරන්නැයි එතුමා නිලධාරීන්ට උපදෙස් දුන්නේය.

 පළාත් සභා මන්ත්‍රීනි වත්සලා ජනාදරී පද්මසිරි මහත්මිය කිතුල්ගල සහ දෙහිඕවිට සංවර්ධනයට අදාළ යෝජනාවලික් ජනාධිපතිතුමා වෙත භාරදුන්නාය.

ජනාධිපති ගෝඨාභය රාජපක්ෂ මැතිතුමා‍ගේ රුව ඇඳි සිතුවමක් මෙම අවස්ථාවට එක්ව සිටි පාසල් සිසුවෙකු විසින් ජනාධිපතිතුමා වෙත පිළිගන්වනු ලැබීය.

හිටපු රාජ්‍ය අමාත්‍ය තාරක බාලසූරිය මහතා ද මේ අවස්ථාවට එක්ව සිටියේය.

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ