Connect with us
Advertisement

Exclusive

අපි දුන් රාජ්‍ය සේවක වැටුප් වැඩිවීම-විශ්‍රාමික දීමනා-අතිකාල සියල්ල මේ ආණ්ඩුව කපලා දැම්මා -ලක්ෂ්මන් කිරිඇල්ල

Published

on

රජයේ සේවකයින්ට හා විශ්‍රාමිකයින්ට අපේ රජය ජනවාරි සිට වැටුප් වැඩිවිමක් දුන්නා. 2020 ජනවාරි සිට රු: 3000 ක අවමයක් සහ රු:24,000 ක උපරිමයකට යටත්ව තමයි අපි වැටුප් වැඩි කළේ. පච කියලා බලයට ආපු මේ ආණ්ඩුව ඉස්සර වෙලාම කළේ රාජ්‍ය සේවකයන්ගේ වැටුප් වැඩිවිම නැවැත්විමයි. අගමැති වෙන්න ඡන්දය ඉල්ලන මහින්ද රාජපක්‍ෂ ‘රනුග්ගේ වැටුප් කොමිසමට’ වැඩිය පඩි වැඩිකරනවා කියලා අලුත් වැටුප් කොමිසමක් දැම්මා. මාස 06 ක් ගියා තිබ්බ වැටුප් වැඩිවිමත් නෑ. අලුත් වැඩිවීමකුත් නෑ. තියෙන වැටුප කැපුවා විතරක් බව හිටපු අමාත්‍ය ලක්‍ෂ්මන් කිරිඇල්ල මහතා පැවසීය.

පන්විල කැළැබොක්ක ප්‍රදේශයේ ඊයේ (08) පැවති ජන හමුවක් අමතමින් වැඩිදුරටත් අදහස් දැක්වු ලක්‍ෂ්මන් කිරිඇල්ල මහතා මෙසේද කීය.

“රාජ්‍ය සේවකයින්ට සෘජු මුල්‍ය වාසියක් අත්වන ප්‍රධාන තීරණ තුනත් ජනවාරි මාසයේ සිට ක්‍රියාත්මක විමට නියමිතව තිබුණා. රාජපක්‍ෂ ආණ්ඩුව, බලයට ආපු ගමන් මේ වැටුප් වැඩිවිමට අදාළ මේ තිරණ තුනම නැවැත්වුවා.

  1. 2016 – 2019 දක්වා විශ්‍රාම ගත වුවන්ගේ විශ්‍රාම වැටුප් වැඩිවීම පිළිබඳව නිකුත් කළ චක්‍රලේඛය අත්හිටෙව්වා. විශ්‍රාමිකයින්ට අපි දුන්න දීමනා වැඩිවිම රු: 3000 සිට 7200 දක්වා මුදල අහිමි කළා.
  2. රනුග්ගේ කමිටු වාර්තාව අනුව වැටුප් වැඩි කිරිම සඳහා නිර්දේශ ලබා දී ඇති කැබිනට් අනුමැතිය ක්‍රියාත්මක විම අත්හිටුවනු ලැබුවා. රාජ්‍ය සේවකයින්ට අපි දුන්න වැටුප් වැඩිවිම නැති කළා.
  3. “මාණ්ඩලික (විධායක) නිලධාරින්ට රු: 15,000ක වැටුප් වැඩිවිමක් පිළිබඳව ජනවාරි මාසයේ චක්‍රලේඛයක් නිකුත් කර තිබියදි එය අත්හිටුවිම.

අපේ ආණ්ඩුවේ ඉල්ලිමට, ජනාධිපති මෛත්‍රිපාල සිරිසෙන විසින් විශේෂ වැටුප් කෙමිසමක් පත් කළා. 2015 රු: 11,730 ක අවම වැටුපක් ලැබු අයෙකුට 2019 ජනවාරි වන විට රු: 24,250 දක්වා වැටුප් වැඩි වුණා. එයට අමතරව 2020 ජනවාරි සිට රු: 3000 ක අවමයක්, රු: 24,000 ක උපරිමයකින් වැටුප් වැඩි කරන්න 2019 අගෝස්තු මාසයේ අපේ ආණ්ඩුව අනුමැතිය දුන්නා. නමුත් රු: 35,000 කින් වැටුප් වැඩි කර ගන්න හිතාගෙන පෝලිමට ගිහින් “ගෝඨාබය ජනාධිපති” කළා. නමුත් ගෝඨාභය ජනාධිපතිතුමා මුලින්ම කළේ එතුමා දිනවපු රාජ්‍ය සේවකයින්ගේ වැටුප් වැඩිවිම නවතා දැමිමයි. දැන් රාජ්‍ය සේවකයින්ට රුපියලක්වත් වැටුප් වැඩිවිමක් නෑ.

ජනාධිපතිවරණයේදි රාජ්‍ය සේවකයෝ වැඩි වැටුප් ගන්න ගෝඨාභයට රාජපක්‍ෂට ඡන්දය දුන්නා. 2020 වැටුප් වැඩිවිම දුන්නා නම් 2015 රු: 13990 ක් වුණ කළමනාකාර සහායක සේවයේ අයට අද රු: 33,260 ක් ලැබිය යුතුයි. රු: 15,215 ක් ලැබුණු අයට රු: 36, 530 ක් ලැබිය යුතුයි. විධායක නිලධාරි වැටුප රු: 22,935 සිට රු: 57,200 දක්වා වැඩිවිය යුතුව තිබුණා. ලේකම්වරයෙකුගේ මුලික වැටුප රු: 47,515 සිට රු: 122,625 දක්වා වැඩිවිය යුතුව තිබුණා. ඒ විතරක් නෙවෙයි, අතිකාල දිමනා, වෙනත් දීමනා සියල්ල එයට සාපේක්‍ෂව වැඩිවිය යුතුව තිබුණා.

ආණ්ඩුව වැඩි වැටුප් බලාගෙන හිටපු රාජ්‍ය සේවකයෝ සියළු දෙනා ලොකු ලනුවක් දිලා රැවැට්ටුවා. අලුත් වැටුප් කොමිසමක් දැම්මා. දැන් තැපැල් ඡන්දේ එනවා. රාජ්‍ය සේවකයෝ, විශ්‍රාමිකයෝ රවට්ටපු ආණ්ඩුවට පාඩමක් උගන්වන්න රාජ්‍ය සේවකයෝ සැදි පැහැදි ඉන්නවා. යැයි කිරිඇල්ල මහතා කීය.

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive1 year ago

මහින්දගෙන් ‌ගෝඨාට නියෝගයක්

Astrology9 months ago

2020 ලග්න පලාපල ඔබට කොහොමද?

Exclusive4 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ