Connect with us
Redmi 9C
Advertisement

Exclusive

ආර්ථිකයෙන් පී.බී. යට යයි: කබ්රාල් මතු වෙයි (රාජ්‍ය රහස්)

Published

on

තවත් කරුණක් ඉලක්ක කරගෙනද පසුගිය සතියේ මුරුත්තෙට්ටුවේ හිමියෝ මාධ්‍ය සාකච්ඡාවක් පවත්වා තිබිණ. එම සාකච්ඡාවේ මාතෘකාව බවට පත්ව සිටියේ වෙන කවුරුවත් නොව හිටපු ආර්ථික ප්‍රබලයකු මෙන්ම ජනාධිපතිවරයාගේ ලේකම්වරයා බවට පත්ව සිටින ආචාර්ය පී.බී. ජයසුන්දර මහතාය. මේ ආකාරයටම පී.බී.ට 2010-2015 ආණ්ඩු සමයේ මහ භාණ්ඩාගාර ලේකම්වරයා වශයෙන් කටයුතු කරද්දී මහින්දගේ ආණ්ඩුව ඇතුළෙන්ම ප්‍රහාරයක් එල්ල විය. එවර පී.බී.ට එරෙහිව සටනට පිවිස සිටියේ වෙන කවුරුවත් නොව විමල් වීරවංශය.

පී.බී.ට දැඩි ප්‍රහාරයක්

කෙසේ වෙතත් මෙදින මුරුත්තෙට්ටුවේ හිමියන් පී.බී.ව ඉලක්ක කර ප්‍රහාරයක් එල්ලකොට පැය කිහිපයක් යෑමට මත්තෙන් අගමැති මහින්ද රාජපක්ෂ මහතා තවත් අමුත්තෙකුත් සමඟ අභයාරාමයට පැමිණියේය. ඒ අමුත්තා වෙන කවුරුවත් නොව 2010-2015 මහින්දගේ ආණ්ඩු සමයේ මහ බැංකු අධිපතිවරයාව සිටි මෙන්ම වත්මන් රාජ්‍ය අමාත්‍යවරයකුද වන අජිත් නිවාඞ් කබ්රාල් මහතාය. මහින්ද සමඟ අජිත් නිවාඞ් අභයාරාමයට පැමිණෙනවාත් සමඟම සිනාමුසු මුහුණින් ඔවුන් දෙදෙනාව පිළිගත් මුරුත්තෙට්ටුවේ හිමියන් කියා සිටියේ “මම දන්නෙ නෑනෙ ඔබතුමන්ල අද මෙහෙ එනව කියල. මේ දැන් මම ප්‍රෙස් එකක් තියල ඉවර වුණා විතරයි. මම ඒකෙදි හොඳට දුන්න පී.බී. ජයසුන්දර මහත්තයට. එතුම තමයි එදා ඔබතුමාගෙ ආණ්ඩුවත් වැට්ටුවෙ. හැබැයි මම දැන් ප්‍රෙස් එකක් තියල එයාට ගහල ඉවර වුණාට පස්සෙ ඔබතුමා මාව හම්බුවෙන්න ආව කියල දැනගත්තම කට්ටිය කියයිද දන්නෑ ඔබතුමා කියවල මම එයාට ගැහුව කියල. හොඳ වෙලාවට ඔබතුමා ප්‍රෙස් එක ඉවර වුණාට පස්සෙ ආවෙ.” යැයි කියාය.

ජනපති කබ්රාල්ව කැබ්නට්ටුවට ගෙන්වයි

කෙසේ වෙතත් මම සිදුවීමෙන් පසු සඳුදා සවස පැවැති කැබිනට් මණ්ඩල රැස්වීමට ප්‍රථම තවත් විශේෂ සිදුවීමක් විය. ඒ, ජනාධිපති ගෝඨාභය රාජපක්ෂ මහතා විසින් අජිත් නිවාඞ් කබ්රාල් මහතා වෙත දුරකතන ඇමැතුමක් ලබාදී එදින සවස පැවැත්වෙන කැබිනට් මණ්ඩල රැස්වීමට සහභාගි වන ලෙසට විශේෂ ආරාධනාවක් කර සිටීමය. එහිදී පවතින ආර්ථික තත්ත්වය සහ එම ආර්ථික තත්ත්වයෙන් ගොඩ ඒම සඳහා කළයුත්තේ කුමක්ද යන්න කැබිනට් මණ්ඩලය හමුවේ පැහැදිලි කිරීමක් කරන ලෙසද ජනාධිපතිවරයා එහිදී නිවාඞ් කබ්රාල්ගෙන් ඉල්ලා සිටියේය. එතෙක් පැවැති කැබිනට් මණ්ඩල රැස්වීම හා බලන විට එය අලුත් තත්ත්වයක් ලෙස සඳහන් කළහොත් කිසිදු වැරැද්දක් නැත. මන්දයත් මීට පෙර කිසිදු කැබිනට් මණ්ඩල රැස්වීමකට ජනාධිපතිවරයා කබ්රාල් කැඳවා ආර්ථිකය සම්බන්ධව දේශනා සිදුකර තිබුණේ නැත. ඒ සඳහා බලපෑ හේතුවක් විය හැක්කේ මහින්ද කබ්රාල් සම්බන්ධයෙන් දැඩි විශ්වාසයක් තබා තිබීමය. මන්දයත් මහින්දගේ කාලයේදී ඉතා අසීරු අවස්ථාවන්හිදී පවා ආණ්ඩුව පවත්වාගෙන යෑමට සල්ලි සොයා දුන්නේ කබ්රාල්ය. ජනාධිපතිවරයා කබ්රාල්ව කැබිනට් රැස්වීමට කැඳවූයේද අගමැතිවරයාගේ එම නිර්දේශය නිසා විය යුතුය.

කබ්රාල්ගෙන් පැය එකහමාරක දේශනයක්

කෙසේ වෙතත් සඳුදා සවස පැවැති කැබිනට් මණ්ඩල රැස්වීමේදී කබ්රාල් පැය එකහමාරක පමණ ආර්ථිකය සම්බන්ධයෙන් වූ විශේෂ දේශනයක් පැවැත්වීමට පියවර ගත්තේය. කබ්රාල් එසේ ආර්ථිකය සම්බන්ධයෙන් පැහැදිලි කරද්දී පී.බී.ද කැබිනට් මණ්ඩල රැස්වීමේ අසුන්ගෙන සිටීම විශේෂ සිදුවීමක් විය. මෙහිදී කබ්රාල් ආර්ථිකය දැනට වැටී ඇති තත්ත්වය සහ එය ගොඩනැගිය යුතු ආකාරය, ඒ සඳහා භාවිතා කළ යුතු උපක්‍රම, ජාත්‍යන්තර සහාය ඒ සඳහා ලබාගන්නා ආකාරය ආදී පුළුල් කරුණු රැසක් මෙහිදී පුළුල්ව අවධානයට ලක්කළ ආකාරයක් දැකගත හැකි විය.

ජනපති කබ්රාල්ට තව වැඩක් බාර දෙයි

ඉන් පසුව ජනාධිපතිවරයා කබ්රාල්ට තවත් විශේෂ කටයුත්තක්ද භාරදීමට පියවර ගත්තේය. ඒ මෙතෙක් ආනයනය කිරීම තහනම් කර ඇති භාණ්ඩ ලැයිස්තුව නැවැත සමාලෝචනය කර ආනයනය සඳහා ඉඩදිය යුතු භාණ්ඩ මොනවාද, කොපමණ ප්‍රමාණයකින් ආනයනය කළ යුත්තේද යන්න පිළිබඳව වාර්තාවක් සකස් කර තමාට ලබාදෙන ලෙසය. මෙහිදී වහාම සාකච්ඡාවට මැදිහත් වූ විමල් වීරවංශ අමාත්‍යවරයා කියා සිටියේ තමන් කර්මාන්ත අමාත්‍යවරයා වන බැවින් දිනපතාම පාහේ කර්මාන්තකරුවන් විශාල ප්‍රමාණයක් අමුද්‍රව්‍ය හිඟය පිළිබඳව තමන් සමඟ සාකච්ඡා කරන බවය. එම නිසා එම ලැයිස්තුව සකස් කිරීමේදී තමාටද ඊට මැදිහත් වීමට අවස්ථාව ලබාදෙන ලෙස විමල් ජනාධිපතිවරයාගෙන් ඉල්ලා සිටියේය. ජනාධිපතිවරයාටද ඊට එකඟතාවය පළ කළේය.

කපිල පුංචිමාන්නගේ

Advertisement
Exclusive1 month ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Astrology11 months ago

2020 ලග්න පලාපල ඔබට කොහොමද?

Exclusive8 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Mahawanshaya1 year ago

ගම්දනාව බියවද්දමින් උලමා හොයන දේ

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology12 months ago

ඔබේ සහකරු ඉන්න තැන මෙන්න

Astrology1 year ago

නිවෙසේ උපකරණ සඳහා සුබම දිශාව

Exclusive7 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive7 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive9 months ago

රනිල්ගේ UNP එකයි සජිත්ගේ UNP එකයි

Exclusive1 year ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)