Connect with us
Redmi 9C
Advertisement

Exclusive

කතෝලික පල්ලියත් 20ට විරුද්ධ වෙයි

Published

on

විසිවෙනි ආණ්ඩු ක්‍රම ව්‍යවස්ථා සංශෝධනය ඉදිරියට ගෙන නොයන ලෙසත්, ඒ වෙනුවට නව ව්‍යවස්ථාවක් ගෙන ඒම ප්‍රමුඛතාව ලබා දෙන ලෙසත් කතෝලික රදගුරු සම්මේලනය ඉල්ලා සිටී.

කතෝලික රදගුරු සම්මේලනයේ සභාපති, බදුල්ල රදගුරු අති උතුම් වින්ස්ටන් ප්‍රනාන්දු හිමිපාණන් සහ මහ ලේකම් කොළඹ සහායක රදගුරු අති උතුම් ඇන්තනි ජයකොඩි හිමිපාණන්ගේ අත්සනින් මෙම නිවේදනය නිකුත් කොට තිබේ.

කතෝලික රදගුරු සම්මේලනය සිය නිවේදනය මගින් තව දුරටත් අවධාරණය කරන්නේ එක් පුද්ගලයෙකු වටා බලය කේන්ද්‍රගත වීම ප්‍රජාතන්ත්‍රවාදී රටකට අහිතකර බවත්, සංවරණ – තුලන මූලධර්මයට සෑම විටම ගරු කළ යුතු බවත්‍ ය.

එසේම, ජනතා පරමාධිපත්‍යය සෑම විටම ආරක්ෂා කළ යුතු බවත්, 20 වන සංශෝධනය පාර්ලිමේන්තු ගෙන ඒමට පෙර පුලුල් ලෙස තව දුරටත් අධ්‍යයනය කළ යුතු බවද එම නිවේදනය මගින් කියා සිටී.

පාර්ලිමේන්තුවේ තුනෙන් දෙකක බහුතරය හරහා ජනමතය සෑම විටම ප්‍රදර්ශනය නොවන බවද අවධාරණය කරන කතෝලික රදගුරු සම්මේලනය සමස්ත පාර්ලිමේන්තුවම ව්‍යවස්ථාදායක සභාවක් ලෙස රැස්වී, විවිධ අර්ථකතනවලට ඉඩ නොතබමින් අලුත් ව්‍යවස්ථාවක් සම්මත කළ යුතු බවද කියා සිටී.

එමෙන්ම නව ව්‍යවස්ථාවක් කෙටුම්පත් කිරීම සදහා ස්වාධීන ව්‍යවස්ථාදායක සභාවක් පත් කළ යුතු බවද එම නිවේදනයෙන් අවධාරණය කොට ඇත.

Advertisement
Advertisement