Connect with us
Redmi 9C
Advertisement

Exclusive

කැබිනට් ඇමැතිකමක් ගන්න නාමල් තිරය පිටුපස ගහපු ගේම් දෙක (රාජ්‍ය රහස්)

Published

on

මෙවර අමාත්‍ය මණ්ඩලය දිවුරුම් දීමේද අලුත් මුහුණු කිහිපයක්ම කැබිනට් මණ්ඩලයට එක්ව තිබූ ආකාරයක් දැකගත හැකි විය. ඉන් බොහෝ දෙනාගේ කතාබහට ලක්වූ මාතෘකාවක් වූයේ මහින්දගේ පුත් නාමල් රාජපක්ෂට ක්‍රීඩා හා තරුණ කටයුතු කැබිනට් අමාත්‍ය ධුරය හිමිවීමය. බොහෝ දෙනා සිතන්නේ නාමල්ට මෙම කැබිනට් අමාත්‍ය ධුරය තාත්තා අගමැති වීම නිසාත්, බාප්පා ජනාධිපති වීම නිසාත් ලෙහෙසියෙන් හිමිවූවක් යැයි කියාය. නමුත් ඇත්ත තත්ත්වය එසේ නොව නාමල්ට මෙම කැබිනට් අමාත්‍ය ධුරය ලබාගැනීම සඳහා සටන් දෙකක් කිරීමට සිදුව තිබිණ. ඉන් පළමු සටන නාමල් කළේ අනුන් වෙනුවෙන්ය. දෙවැනි සටන කළේ තමන් වෙනුවෙන්ය.
පළමු සටනේදී නාමල් කියා සිටියේ තමන් මේ වන විට අවුරුදු 10ක් පාර්ලිමේන්තුවේ සිටින බැවින් අමාත්‍ය ධුරයක් හිමිවීමට තමන් සුදුසු බව බොහෝ දෙනා කියා සිටියත් තම පියා පරාජයට පත්වූ අවස්ථාවේ ඔහු වෙනුවෙන් පෙනී සිටි ඒකාබද්ධ විපක්ෂය නියෝජනය කළ මන්ත්‍රිවරුන් 53 දෙනාටම සාධාරණය ඉෂ්ට වන තෙක් තමන් කිසිදු අමාත්‍ය ධුරයක් බාරගන්නේ නැතැයි කියාය. ඒ අනුව අමාත්‍ය මණ්ඩලය තේරීමේදී නාමල් ආණ්ඩුවේ ප්‍රධානීන්ට දැනුම් දී සිටි ප්‍රධානම කරුණ වූයේ ඒකාබද්ධයේ සිටි ඒ 53 දෙනාටම ඇමැති තනතුරු හිමිවිය යුතු යැයි කියාය. නාමල්ගේ මේ මතයට මහින්දගේත්, බැසිල්ගේත් එකඟතාවය පළව තිබිණ. පසුව ඔවුන් එය ගෝඨාභයට දැනුම් දීමටද පියවර ගත්තේය. ඒ අනුව කැබිනට් අමාත්‍යවරුන් 28 අතරේ සහ රාජ්‍ය අමාත්‍යවරුන් 40 අතරේ මේ 51 දෙනාටම විවිධ තනතුරු බෙදී ගිය ආකාරයක් දැකගත හැකි විය.
කෙසේ වෙතත් ප්‍රශ්නය පැන නැඟුණේ ඒකාබද්ධ විපක්ෂය නියෝජනය කර පරාජයට පත්වූ මන්ත්‍රිවරුන් දෙදෙනා පිළිබඳවය. එසේ පරාජයට පත්ව තිබුණේ මොනරාගල පද්ම උදයශාන්තත්, මාතර නිරෝෂන් ප්‍රේමරත්නත්ය. පරාජයට පත්වූ මන්ත්‍රිවරුන්ට ජාතික ලැයිස්තු මන්ත්‍රි ධුර ලබානොදීමට ගෝඨාභය ප්‍රතිපත්තිමය තීන්දුවක් ගෙන තිබුණද නාමල් එහිදී කියා තිබුණේ මෙය විශේෂ අවස්ථාවක් සේ සලකා ඔවුන් දෙදෙනා ජාතික ලැයිස්තුවෙන් පාර්ලිමේන්තුවට ගැනීමට පියවර ගත යුතු යැයි කියාය. නමුත් ඊට ගෝඨාභය එකඟතාවය පළ කළේ නැත. ගෝඨා පෙන්වා දුන්නේ මේ සම්බන්ධයෙන් ප්‍රතිපත්තිමය තීන්දුවක් ගෙන ඇති බවත්, එසේ පරාජිත මන්ත්‍රිවරුන් ලැයිස්තුවෙන් ගතහොත් ආණ්ඩුව කෙරෙහි රට ඇතුළේ වැරැදි චිත්‍රයක් මතුවීම නොවැළැක්විය හැකි බවත්ය. ඒ අනුව ප්‍රශ්නය විසඳා ගත්තේ අවසානයේදී පද්මටත්, නිරෝෂන්ටත් එළැඹෙන පළාත් සභා මැතිවරණයේදී මහ ඇමැති අපේක්ෂකත්වය සහ අමාත්‍ය ධුරයක් ලබාදීමේ එකඟතාවය මතය.
එම සටන ජයග්‍රහණය කිරීමෙන් පසුව නාමල් ඊළඟට සටන් කළේ තමන් වෙනුවෙන්ය. එහිදී බොහෝ දෙනකු රාජ්‍ය අමාත්‍ය ධුරයක් නාමල්ට සුදුසු බව යෝජනා කර තිබුණද නාමල් දැඩි තීන්දුවක් ගෙන තිබුණේ තමන් තෙවැනි වතාවට පාර්ලිමේන්තුව නියෝජනය කරන නිසාත්, දිස්ත්‍රික්කයෙන් වැඩිම මනාප ගෙන පාර්ලිමේන්තුවට පැමිණ ඇති නිසාත් කැබිනට් අමාත්‍ය ධුරයක් ලැබිය යුතු යැයි කියාය. මෙපමණ කාලයක් මහින්දගේ පුතා වීම හේතුකොටගෙන තමන්ට දැඩි අසාධාරණයක් සිදුවූ බවත්, ඒවා විඳ දරාගෙන මෙතෙක් කල් තමන් පසුපසට වී නිහඬව බලා සිටි බවත් මහින්දටත්, බැසිල්ටත් කියා සිටි නාමල් තවදුරටත් මහින්දගේ පුතා වීම සම්බන්ධයෙන් තමන්ට අසාධාරණයක් සිදුවන්නේ නම් කිසිදු අමාත්‍ය ධුරයක් ලබා නොගෙන ආණ්ඩු පක්ෂයේ පසුපෙළට වී කටයුතු කිරීමට තමන් සූදානම් බවත් දැනුම් දී සිටියේය.
නාමල්ගේ මෙම ස්ථාවරය ආණ්ඩුවේ බොහෝ දෙනකුට පසුව දැනගන්නට ලැබී තිබිණ. ඒ අනුව ඔවුන්ද ආණ්ඩුවේ ජ්‍යෙෂ්ඨයන්ට දැනුම්දී තිබුණේ තවදුරටත් නාමල්ට අසාධාරණයක් නොකොට සාධාරණය ඉෂ්ඨ කරන්න යැයි කියාය. නාමල්ට පළමු වතාවට ක්‍රීඩා සහ තරුණ කටයුතු කැබිනට් අමාත්‍ය ධුරය හිමිවූයේ එම සටනේ ප්‍රතිඵලයක් ලෙසටය.

කපිල පුංචිමාන්නගේ

Advertisement
Advertisement
Exclusive1 hour ago

බන්දුල පොල් ගැන කියපු මාර කතාව (VIDEO)

Business2 hours ago

සෙලාන් බැංකුව ඇමරිකානු අධ්‍යාපන කේන්ද්‍රය තුළ මර්චන්ට් පෝටල් සේවා ආරම්භ කරයි

Business2 hours ago

සෙලින්කෝ ලයිෆ් තට්ටු 05 කින් සමන්විත නෙල්ලිඅඩි හරිත ශාඛාව විවෘත කරයි

Business2 hours ago

ඉස්කෝලේ ගෙදරටම ඇවිත්

Business2 hours ago

රකුටෙන් වයිබර් 2020 වසරේ පළමු අර්ධය සාර්ථකව නිම කරයි

Business3 hours ago

පාරිභෝගික පහසුව සඳහා Huawei විසින් කුරියර් මඟින් අලුත්වැඩියා කිරීමේ සේවාව අරඹයි

Business3 hours ago

IBM, CLOUD සහ AI තුළින් ශ්‍රී ලංකාවට ඩිජිටල් පරිවර්තනයක් එක් කරයි

Business3 hours ago

ගනුදෙනුකරුවන් හට උපරිම නම්‍යශීලී සේවාවක් සලසන බලපත්‍රලාභී මූල්‍ය සමාගම්

Exclusive3 hours ago

තාජුඩීන් නඩුව ඉවරයි

Business3 hours ago

ඩීමෝ හි, මහින්ද්‍රා ට්‍රැක්ටර් රථ සේවා වැඩසටහන මහ කන්නයේ ගොවීන්ට අත්වැලක් වෙයි

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ