Connect with us
Redmi 9C
Advertisement

Exclusive

මුක්තිය ගැන ආණ්ඩුව කතා කරයි

Published

on

ජනපති මුක්තිය අවශ්‍ය බවත්, එය ශ්‍රේෂ්ඨාධිකරණයෙන් පවා තීන්දු කර ඇති බවත් අධ්‍යාපන අමාත්‍ය ජී.එල්. පීරිස් මහතා සදහන් කළේය.

බත්තරමුල්ලේ පක්ෂ මූලස්ථානයේ අද (07) පැවැති මාධ්‍ය හමුවකට එක්වෙමින් ඒ මහතා මේ බව සදහන් කළේය.

එහිදී ඒ මහතා මෙසේද කීය.

19 වන සංශෝධනය ගෙන ආවේ ද්වේශසහගතව. රටට හොදක් කිරිමේ අරමුණින් නෙවෙයි. ඒකේ එකම අභිලාශය වුණේ එක පවුලකින් පළිගැනීම. ඒ පවුලේ සියඵම සාමාජිකයින් දේශපාලන කරළියෙන් ඉවත් කිරිම. රාජපක්ෂ පවුල. ඒක තමයි ඉලක්කය. ඒක තමයි සම්පුර්ණයෙන්ම 19 වන සංශෝධනය සකස් කරලා සම්මත කර ගත්තේ. අවසානයේදී ඒ 19 වන සංශෝධනයෙන් මහා විනාශයක් වුණේ රාජපක්ෂ පවුලට නෙමෙයි අපේ රටේ ජනතාවට. මේ රටේ අරාජික තත්ත්වයක් ඇති වුණා. ආණ්ඩුවක් නැති වුණා. ජනතාවගේ අවශ්‍යතා ඉටු කිරිමට සුදුසු නීති රාමුවක් තිබුණේ නැහැ. ඒ තත්ත්වයෙන් මේ රට ගොඩ ගැනීමට තමයි අපි ක්ෂණිකව කටයුතු කරන්නේ. 19 වන සංශෝධනය ඉවත් කරලා ඒ වෙනුවට 20 වන සංශෝධනය ආදේශ කිරිමට.

ගෝඨාභය රාජපක්ෂ ජනාධිපතිවරයාට දැවැන්ත වරමක් ලබා දුන්නා. හැබැයි එතුමාට අමාත්‍යාංශ ධුර දරන්න බැහැ. ඒක තහනම් 19 වන සංශෝධනය තිබෙනතාක් කිසිම අමාත්‍යාංශයක් දරන්න බැහැ. පොලිස්පතිතුමා මොන වරදක් කළත් අස් කරන්න බැහැ. මේ රටේ නීතිය හා සාමය ආරක්ෂා කිරිමේ ප්‍රමුඛ වගකීම ජනාධිපතිවරයාට තිබෙනවා. වගකීම තියෙනවා බොහෝම පැහැදිලිව. වගකීම ඉෂ්ට කිරිම සඳහා කිසිම වගකීමක් නැහැ. බලය උදුරාගෙන 19 වන සංශෝධනයෙන්.

19 වන සංශෝධනය නොතිබුණා නම් වහාම පාර්ලිමේන්තුව විසිරුවා හරිනවා. මාස 10ක් අපතේ ගියා. කාටද අවාසිය. රාජපක්ෂ පවුලට නෙමෙයි ජනතාවට. 19 වන සංශෝධනය තිබෙනතාතක් ජනාධිපතිවරයාට වැඩි වැඩක් කරන්න කාලයක් නැහැ. තමන්ගේ කාලයෙන් වැඩි කොටසක් වෙන් කරන්න වෙනවා උසාවි, උසාවිවලට සම්බන්ධ වැඩ කටයුතු සඳහා. ඒක මම පෞද්ගලිකව දන්නවා. ඒකමද කරන්න වෙන්නේ එතුමා ජනාධිපතිවරයා වුණාට පස්සෙ. ඒක නම් තත්ත්වය සෞභාග්‍යයේ දැක්මේ අන්තර්ගත ප්‍රතිඥා ජනතාව වෙනුවෙන් ඉෂ්ට කිරිමට තිබෙන ඉඩකඩ ඉතාමත් සීමිත වෙනවා. ඒක නිසා තමයි මුක්තිය අවශ්‍ය වන්නේ. ඒක සාධාරණයි කියලා ශ්‍රී ලංකා ශේෂ්ඨාධිකරණය පිළි අරං තියෙනවා.

පසුගිය දවස් තුන තුළ විශාල ලෙස විවේචනයට භාජනය වෙච්ච දෙයක් තමයි පාර්ලිමේන්තු කවුන්සිලය. එය සම්බන්ධයි කොමිෂන් සභාවට. සමහර අය කියනවා කොමිෂන් සභා 20 වන සංශෝධනයෙන් අහෝසි වෙලා කියලා. සම්පුර්ණ මිත්‍යාවක්. කොමිෂන් සභා තියෙනවා. 20 වන සංශෝධනය යටතේ කොමිෂන් සභා හතක් තියෙනවා. ඒ කොමිෂන් සභා හත තමයි මැතිවරණ කොමිෂන් සභාව, රාජ්‍ය සේවා කොමිෂන් සභාව , පොලිස් සේවා කොමිෂන් සභාව , ශ්‍රී ලංකාවේ මානව කොමිෂන් සභාව, අල්ලස් හා දුෂණ කොමිෂන් සභාව. මුදල් කොමිෂන් සභාව , ජන්ද කොට්ඨාස පිළිබඳ සීමා නීර්ණය කොමිෂන් සභාව. ඒ හත දිගටම තියෙනවා. එකක්වත් අහෝසි කරලා නැහැ. හැබැයි මේ කොමිෂන් සභා හත ස්ථාපිත කිරිමේ කාර්්‍යභාරයේදි යම් වෙනසක් ඇති කරලා තියෙනවා. ඒවා පත් කිරිම සම්බන්ධයෙන් වෙනස තමයි ඉස්සෙල්ලා තිබුණු ව්‍යවස්ථා මණ්ඩලය වෙනුවට දැන් පාර්ලිමේන්තු කවුන්සිලයක් තියෙනවා. ඒ පාර්ලිමේන්තු කවුන්සිලයේ යෝජනා හා අදහස් විමසිමට අනිවාර්ය යුතුකමක් හා වගකීමක් ජනාධිපතිවරයාට පැවරෙනවා.

20 වන සංශෝධනයෙන් වැරදි විදිහට පාර්ලිමේන්තුව පාවිච්චි කිරිමේ බලයත් ආණ්ඩුවෙන් අහිමි කරලා තියෙනවා. මේ රටේ ජනතාව දන්නවා සර්වජන ජන්ද බලය පළාත් සභා මට්ටමින් අහෝසි කිරිම සඳහා කූඨ වැඩපිළිවෙලක් දියත් කළා යහපාලන රජය. පළාත් සභාවලට කාන්තා සම්බන්ධයෙන් කියලා පනතක් ඉදිරිපත් කරලා ඊට පස්සේ කමිටු අදියරේ සංශෝධන 34ක් පිටු 39ක් එක්කාසු කළා. ඒ පනතේ ස්භාවය සම්පුර්ණයෙන් වෙනස් කළා. ඒ කූඨ ක්‍රියාමාර්ගය තුළින් පළාත් සභා ජන්දය අහෝසි කළා. එහෙම දෙයක් මීට පස්සේ නොවන්නට වැඩ කටයුතු සලසලා තිබෙනවා 20 වන සංශෝධනයෙන්.

අවසාන වශයෙන් ප්‍රජාත්‍රන්ත්‍රවාදයට අනුකූල ප්‍රජාත්‍රන්ත්‍රවාදී සංස්කෘතියක් තව දුරටත් තහවුරු වන වගන්ති 20 වන සංශෝධනයේ පැහැදිලිව ඇතුළත් වෙලා තියෙනවා. ජනාධිපතිවරයාගේ වාර දෙක කිසිසේත් වෙනස් කරලා නැහැ. තුන්වෙනි වාරයක් බැහැ. ඒ තිබිච්ච තත්ත්වය ඒ විදිහටම රැකෙනවා 20 වන සංශෝධනයෙන්. ඒ වගේම ජනාධිපතිවරයාගේ නිල කාලය සහ පාර්ලිමේන්තුවේ නිල කාලය අවුරුදු හය නෙමෙයි අවුරුදු පහයි. අනික තමයි තොරතුරු ගැනීමේ අයිතිය. ඒක ප්‍රජාත්‍රන්ත්‍රවාදි සමාජයක අත්‍යවශය ලක්ෂණයක්. ඒක ඒ විදිහටම තියෙනවා. මේක පාර්ලිමේන්තුවට ඉදිරිපත් වෙනවා. ඔක්තොම්බර් මාසයේදි විතර පාර්ලිමේන්තුවේ විවාදයට භාජනය වෙනවා. අපේ දැඩි විශ්වාසයක් තියෙනවා කිසිම සැනයකින් තොරව තුනෙන් දෙකක බහුතරය ඒකට ලැබෙනවා කියලා. සීමිත කාලයක් තුළ ඉටු කර ගැනීමට අවශ්‍ය බලතල රජයට ලබා දීම තමයි 20 වන සංශෝධනයේ අරමුණ හා අභිමතාර්ථය.


පාර්ලිමේන්තු මන්ත්‍රී රෝහිත අබේගුණවර්ධන මහතා

විශේෂයෙන්ම පසුගිය තුන්වෙනිදා දවසේ තෙල් ප්‍රවාහනය කරන නිව්ඩයමන්ට් නෞකාව ගමන් කරන අවස්ථාවේ ඇති වෙච්ච ගින්න සම්බන්ධයෙන් අප අමාත්‍යාංශය යටත් පවතින වෙළඳ නැව් අංශයේ අධ්‍යක්ෂ ජෙනරාල් වරයාට ලැබෙන පණිවිඩයත් සමඟම ඉතාම ඉක්මනින් ඒ ආපදාව වළක්වා ගැනීමට ශ්‍රී ලංකා රජය හැටියට අපට සිදු වුණා කටයුතු කරන්න. ඉතාම ඉක්මනින් යුහුසුඵව ක්‍රියාත්මක වෙලා මේ ආපදාව නවත්වා ගැනිමට අවශ්‍ය කරන සියඵම කටයුතු සුදානම් කරන්න හැකියාව ලැබුනා ඒකාබද්ධ මෙහෙයුමක් හැටියට මෙය දියත් කිරිම තුළින්. මේ වන විට ගින්න සම්පුර්ණයෙන් නවත්තලා තියෙනවා. ඒකට මැදිහත් වුණු ශ්‍රි ලංකා වරාය අධිකාරිය, වෙළඳ නැව් අංශය, නාවික හමුදාවේ, ගුවන් හමුදාවේ,යුධ හමුදාව, පොලීසිය ඇතුඵ ඒකට සම්බන්ධ වුණු සියඵම ආයතන වලට ඒ නිලධාරීන්ට රජයක් හැටියට ගෞරවය ස්තුතිය පුද කරනවා.

19 වන සංශෝධනය ඉදිරිපත් කරන කොට එවකට හිටපු ජනාධිපතිවරයා වු මෛත්‍රීපාල ජනාධිපති විසින් ඔබේ මාධ්‍යයේදි අපට ඇහෙනවා 19 වන සංශෝධනය ගෙනාවේ කවුද කියලා එතුමාවත් දන්නේ නැහැ කියලා. ඒ එක ප්‍රතිඵලයක්. 19 වන සංශෝධනය මේ රටට කොපමණ හිතකරද කියන මම දකින හොදම උදාහරණය තමයි 19 වන සංශෝධනය ගේන්න මුලිකත්වය ගත්තු රනිල් වික්‍රමසිංහ හිටපු අගමැතිතුමාට කොළඔ දිස්ත්‍රික්කයෙන් ඔහුගේ පාර්ලිමේන්තු ධුරයත් අහෝසි වීම. අපි දිගින් දිගමට පැවසුවා 19 වන සංශෝධනය මේ රටට ගැලපෙන්නේ නැහැ කියලා. ඒ අනුව තමයි අතිගරු ජනාධිපතිතුමාගේ ජන්දය තියන අවස්ථාවේදි අපි රටට හෙලි කළේ. ජනතාව ඒ ජන වරම අපට දුන්නා. ඒ වගේම තමයි තුනෙන් දෙකක බලයක් අපි ඉල්ලුවා. රටේ ජනතාව තුනෙන් දෙකක ජන වරමක් අතිගරු ගෝඨාභය රාජපක්ෂ ජනාධිපතිවරයාව විශ්වාස කරලා ලබා දීලා තියෙනවා. එහෙනම් පැහැදිලිව කියනවා මේ 19 වන සංශෝධනය රටට ගැලපෙන්නේ නැහැ කියලා. එහෙනම් ඒ අනුව තමයි මේ 20 වන සංශෝධනය මේ රටට ඉදිරිපත් කරන්නේ.

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Mahawanshaya1 year ago

ගම්දනාව බියවද්දමින් උලමා හොයන දේ

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)