Connect with us
Advertisement

Exclusive

දිනවිය යුතු අපේක්ෂකයන් ගැන අගමැති ලේකම්ගෙන් ප්‍රකාශයක්

Published

on

රටේ යහ පැවැත්මට සුදුසු නියෝජිතයන් තෝරා පත් කර ගැනීමේ පරම වගකීම ඡන්ද දායකයන් සතු වන බැවින් එය වඩාත් නිවැරදි ලෙස පාවිච්චි නොකළහොත් රටට ජාතියට සිදු වන හානිය බරපතල වනු ඇති බව අගමැති පාර්ලිමේන්තු කටයුතු සම්බන්ධීකරණ ලේකම් කුමාරසිරි හෙට්ටිගේ මහතා පැවැසීය.

කෝවිඩ් වසංගතය නිසා රට වැටී ඇති තත්වයෙන් ගොඩ ගැනීම පහසුම කාර්ය භාරයක් නොවන බව කී ඒ මහතා ,යහපත් අරමුණු සහිත පිරිස් එක්ව ක්‍රියා කළ හොත් අපට යළි නැගී සිටිය හැකි යැයි ද සඳහන් කළේය .
හෙට්ටිගේ මහතා එසේ කීවේ මෙවර මහ මැතිවරණයේදී කුරුණෑගල දිස්ත්‍රික්කය සඳහා ශ්‍රී ලංකා නිදහස් පොදු ජන සන්ධානයෙන් තරඟ වදින අගමැති මහින්ද රාජපක්‍ෂ මහතාගේ ජයග්‍රහණය වෙනුවෙන් කුරුණෑගල පන්නල – ඇලිවිල සහ මාකඳුර ප්‍රදේශයන්හි ඉකුත් දා (30 ) පැවැති ජන හමු වල ප්‍රධාන ආරාධිතයා ලෙස සහභාගී වෙමිනි .

එහිදී හෙට්ටිගේ මහතා මෙසේද කීය .
ඉතිහාසය පුරා අප වැටි – වැටී නැගිටින ජාතියක් .රටට නොයෙක් විදියේ හානිකර දේ සිදු වුණා .එවැනි බොහෝ දේ වලට ජනාතව ද වගකිව යුතුයි .හොඳ ආණ්ඩු හදන්නෙත් නරක ආණ්ඩු හදන්නෙත් පොදු ජනතාව .යහපාලන ආණ්ඩුව හැදුනේ ද ඡන්ද දායකයන්ගේ දායකත්වයෙන් .අවසානයේ රට විනාශකාරී තැනට පත් වුණා .
ඡන්ද දායකයන් වැරදි පුද්ගලයන් තම නියෝජිතයින් ලෙස පත් කරනවා .පසුව පසු තැවෙනවා .
ඔවුන් ක්‍රියා කරන හැටි දැකල විවේචන කරනවා .මන්ත්‍රී වරුන් 225 එක්ක පාර්ලිමේන්තුව ගිලෙන්න ඕන කියා සමහරු ප්‍රර්ථනා කළා .ඒ තරමට එපා වුණා .එහෙම එපා වෙලා බෑ .හොඳ පාර්ලිමේන්තුවක් හදා ගන්න ඕනෑ .රටකට ප්‍රජාතන්ත්‍රවාදය ඕනෑ .
යමෙකුට මහ ජන නියෝජිතයෙක් වෙන්න තිබිය යුතු ප්‍රධාන සාධකය නම් මානව දයාවයි .මහින්ද රාජපක්‍ෂ චරිතය තුළ එය හොඳින් කැපී පෙනෙනවා .
යහපත් ලෙස ක්‍රියාත්මක ව්‍යවස්ථාදායකයක් විධායකයක් හා අධිකරණයක් රටකට ඕනැ .එවැනි පරිසරයක තමයි සාධාරණ යුක්තිගරුක සමාජයක් බිහි වන්නේ .යහපාලන කාලය තුළ මේ සියලු අංශ හානියට පත් වූණා.
මේ මහ මැතිවරණයෙන් විධිමත් ආණ්ඩුවක්පිහිටුවා ගන්න ඉඩ ලැබෙනවා .එහි අගමැති වෙන්නේ තවමත් පොදු ජන හදවත් දිනා සිටින මහින්ද රාජපක්‍ෂ මහත්තය .යහපත් දේශපාලන සංස්කෘතියක් බලාපොරොත්තුවෙන් වැඩ කරන ජනාධිපති ගෝඨාභය මහත්තය සමග එක් වූ විට රටට යහපතක් උදා වනු ඇතැයි ද හෙට්ටිගේ මහතා සඳහන් කළේය .

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive12 months ago

මහේෂ්ට ජනපතිවරණයට ආරාධනාවක්

Exclusive12 months ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive12 months ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive5 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive12 months ago

මහින්දගෙන් ‌ගෝඨාට නියෝගයක්

Astrology8 months ago

2020 ලග්න පලාපල ඔබට කොහොමද?

Exclusive3 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive3 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive5 months ago

රනිල්ගේ UNP එකයි සජිත්ගේ UNP එකයි

Mahawanshaya11 months ago

ගම්දනාව බියවද්දමින් උලමා හොයන දේ