වෛද්‍ය සාෆි සහබ්දීන් සිංහල මව්වරුන් වද කළ බව කියමින් එදා මහාචාර්ය චන්න ජයසුමන මහතා ඉරාජ් නැමැත්තා සමග එක්ව රටට අනාවරණය කළ ආකාරයේ වීඩියෝවක් අප සතුව තිබේ.
එදා චන්න ජයසුමන ඇතුලු මෙම කණ්ඩායම කළ චෝදනාව හේතුවෙන් ෂිහාබ්දීන් මහතාගේ වෛද්‍ය ජීවිතය විනාශ වූවා පමණක් නොව ඒ මහතාට සිරගත වීමටද සිදුවිය.
පසුව අධිකරණය මගින් සිහාබ්දීන් මහතා සියලු චෝදනාවලින් නිදහස් කළා පමණක් නොව ඔහුගේ හිග වැටුප්ද ගෙවන ලෙස නියෝග කළේය.
සාෆිට හිඟ වැටුප්-දීමනා-අතුරු දීමනා සියල්ල ගෙවීමට තීන්දු කරයි! නීතිපති අධිකරණයට දැනුම් දෙයි!
නාරිවේද විශේෂඥ වෛද්‍ය සාෆි සහබ්ඩීන් මහතා අනිවාර්ය නිවාඩු යවා සිටි කාලය තුළ ඔහුට හිමි විය යුතුව තිබූ වැටුප් දීමනා සහ අතුරු දීමනා සියල්ල ගෙවීමට රාජ්‍ය පරිපාලන අමාත්‍යාංශයේ ආයතන අධ්‍යක්ෂ ජනරාල්වරයා තීරණය කර ඇතැයි නීතිපතිවරයා අභියාචනාධිකරණයට අද (23) දැනුම් දුන්නේය.
නීතිපතිවරයා වෙනුවෙන් අභියාචනාධිකරණය හමුවේ පෙනී සිටි අතිරේක සොලිසිටර් ජනරාල් ජනාධිපති නීතිඥ සුමති ධර්මවර්ධන මහතා මෙම දැනුම් දීම සිදු කරනු ලැබීය .
තමන්ට එරෙහිව කුරුණෑගල ශික්ෂණ රෝහල් අධ්‍යක්ෂ චන්දන කැදැන්ගමුව මහතාගේ ප්‍රධානත්වයෙන් සිදු කරනු ලබන විමර්ශනය බලරහිත කරන රිට් ආඥාවක් නිකුත් කරන්නැයි ඉල්ලා නාරිවේද විශේෂඥ වෛද්‍ය සාපි සහබ්ඩීන් මහතා අභියාචනාධිකරණය හමුවේ ගොනු කර තිබූ මූලික අයිතිවාසිකම් පෙත්සම සැලකිල්ලට ගත් අවස්ථාවේදී මෙම කරුණු ඉදිරිපත් විණි.
සෝභිත රාජකරුණා සහ ධම්මික ගනේපොල යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ලක් හමුවේ මෙම පෙත්සම සැලකිල්ලට ගනු ලැබීය .
මෙම පෙත්සමේ වගඋත්තරකරුවන් ලෙස කුරුණෑගල ශික්ෂණ රෝහලේ අධ්‍යක්ෂ චන්දන කැන්දන්ගමුව මහතා සහ නීතිපතිවරයා ඇතුළු පිරිසක් නම් කොට ඇත.
