Connect with us
Advertisement

Exclusive

නිහඬව සිටි බැසිල් දේශපාලන වැඩ අරඹයි: ජනතාවගෙන් ඉල්ලීමකුත් කරයි

Published

on

කොරෝනා අනතුරින් රට බේරාගත්තා සේම රටේ ඊළග අභියෝගය වූ ආර්ථික සටන ජයග්‍රහණය කිරීම සදහා ශක්තිමත් පාර්ලමේන්තුවක් ලබා දෙන ලෙස ශ්‍රී ලංකා පොදුජන පෙරමුණේ නිර්මාතෘ, ජාතික සංවිධායක බැසිල් රාජපක්ෂ මහතා අවධාරණය කරයි.

අද (08) බත්තරමුල්ල නෙළුම් මාවතේ පිහිටි එම පක්ෂ කාර්යයාලයේ පැවැති මාධ්‍ය හමුවකට එක්වෙමින් ඒ මහතා මේ බව කීය.

වැඩිදුරටත් අදහස් දැක්වූ බැසිල් රාජපක්ෂ මහතා,

ශ්‍රී ලංකා නිදහස් පොදුජන සන්ධානයත්, ශ්‍රී ලංකා පොදුජන පෙරමුණ වෙනුවෙන් ස්තිතූවන්ත වනවා. මොකද බොහෝ කාලයකට පස්සේ මම ඇවිල්ලා දේශපාලන කටයුතුවලට සුදානම් වෙනවා.

ජනාධිපතිතුමා විසින් පාර්ලිමේන්තුව විසුරුවා හැරපු අවස්ථාවේ කොවිඞ් වසංගතය එතරම් ම පැතිරිලා තිබුණේ නැති වුණත්, නාමයෝජනා භාර දීමෙන් පස්සේ මුඵ මහත් ලෝකයේම තත්වය වෙනස් වුණා. ඒ අනුව මැතිවරණ කොමිෂන් සභාව විසින් දින නියමයක් නැතිව මැතිවරණය කල් දමන්න කටයුතු කළා.

එහිදි අපි කල්පනා කර සිටියා දේශපාලන වශයෙන් කටයුතු කරනවාද? පක්ෂයේ මැතිවරණ ව්‍යාපාරය වෙනුවෙන් යෙදෙනවාද? එහෙම නැත්නම් මේ භයානක උවදුරින් මේ රට බේරා ගන්න ජනාධිපතිතුමා සමඟ කටයුතු කරනවාද කියලා. ඉන් පස්සේ තීරණය කළා දේශපාලන මැතිවරණ ව්‍යාපාරයෙන් බැහැර වෙලා කෝවිඞ් වසංගතයෙන් රටත් ජනතාවත් ආරක්ෂා කරන්න කටයුතු කරන්න.

අපි එක්තරා අතකින් සතුටු වෙනවා ලෝකයේ බලවත් වු ශක්තිමත් රටවල් තවමත් ඒ වසංගතයට මුහුණ දෙන වේලාවක මේ කුඩා රටේ ජනතාවත් සමඟ අතිගරු ජනාධිපතිතුමාගේ මෙහෙයවීම යටතේ ජනතාවගේ ජිවිතයත්, ඔවුන්ගේ ජීවනෝපායත් යන දෙකම සාර්ථකව ආරක්ෂා කර ගැනීමට පුඵවන් වීම ගැන.

අද වන විට ජුනි මාසයේ අපනයන ප්‍රමාණයට අවසන් දැනුම් දීම ලැබිලා තියෙනවා. ජුනි මාසයේ ඇමරිකානු ඩොලර් මිලියන 950ක අපනයනය කරන්න අපිට හැකිව තිබෙනවා. ඉතා සතුටුදායක ජයග්‍රහණයක් වනවා. නමුත් අප්‍රේල් මාසයේ මෙය 250තෙක් බැහැලා තිබුණා මේ කොරෝනා උවදුරත් එක්ක. ඒ කියන්නේ ඒක U turn එකක් වගේ නොවෙයි V turn එකක් හැටියට ඉහළ මට්ටමකට ආවා. 250 ඉඳලා 950කට නැගීම 2019 ප්‍රමාණයෙන් 90%කට ආසන්න ප්‍රමාණයක් අපි නැවත අත්පත් කරගෙන තිබෙනවා. මොකද අපේ රටේ කොරෝනා උවදුර පහවීම උඩ බොහෝම සැහැල්ලුවට අරන්.
ඇමරිකාව, ඉන්දියාව, රුසියාව, බලගතු එංගලන්තය, හා බ්‍රසීලය මේ ඔක්කෝම රටවල් වල ජීවිතයත් මරණයත් අතර සටනක් කරන අතර, ආර්ථිකය ජීවනනෝපාය කඩා වැටී ඇති මොහොතක අපේ ශ්‍රී ලංකාව බේරගෙන තියෙනවා.
දැන් මැතිවරණය වෙන වෙන දේවල් වලට වඩා ජනතාව තීන්දු කළ යුත්තේ මේ කෝවිඞ් උවදුරින් මේ රට සහ රටේ ජනතාව බේරාගත්ත ඉදිරි කටයුතු වලට අවශ්‍ය ශක්තිය ලබා දෙන්න. අපිට ලොකු වගකීමක් තියෙනවා මේ රට මෙතනින් එහාට ගෙනියන්න. අපි ජනාධිපති මැතිවරණයට එද්දී අපි බලාපොරොත්තු වුනේ නැහැ මෙවැනි තත්වයක්.
අපි දැනගෙන හිටියා මේ රටේ ආර්ථිකය සම්පූර්ණයෙන්ම විනාශ කරලා තියෙන්නේ කියලා. අපේ සදාචාරාත්මක නිතිගරුක භාවය වගේම වෙන උවදුරු රාශීයක් ජාතික ආරක්ෂාව මෙන්ම කුඩු වසංගතය හා පාතාලය වැනි දේවල් වලින් මේ රටට විශාල වශයෙන් තර්ජන වලට මුහුණ දෙන්න ජනාධිපතිතුමාත්, අගමැතිතුමත්, රජයත් සුදානම් වුනා. මේ කෝවිඞ් උවදුරට අපි සුදානම් නොවුන අවස්ථාවක ඊට මුහුණදීම ඒ වෙනුවෙන් සෑම ශ්‍රී ලාංකිකයෙක්ම සතුටු විය යුතුයි.
දැන් ජිවනෝපාය අතින් ගත්තාම අපි පටන් ගත්ත වේලාව ඉඳලා විවිධාකාරයේ නිතී හා සිමාවන් පනවද්දී මේ රටේ ජිවත් වන ජනතාවගේ විශේෂයෙන් කෘෂිකාර්මික ක්ෂේත්‍රයේත්, වැවිලි ක්ෂේත්‍රයේත්, ධිවර ක්ෂේත්‍රයේත්, කර්මාන්ත ක්ෂේත්‍රය, පශූ සම්පත් ක්ෂේත්‍රය යන මේවා සියල්ලම නැවත යතාවත් කරන්න සෑම උත්සාහයක් ම ගත්තා. ඒවා සාර්ථක වෙලා තියෙනවා.
අද මැතිවරණය මෙහෙයවීමට වෙලා තියෙන්නෙත් කොන්දේසි මතයි. අපි පක්ෂයක් හැටියටත්, සන්ධානයක් හැටියටත්, අපේ සියලුම අපේක්ෂකයින්ටත් හා අපේක්ෂකයින්ගේ නියෝජිතයින්ටත් අපි කියනවා මැතිවරණ නිනිරිතිවලට අනුකූලව ජනාධිපතිතුමාගේ ආදර්ශවත්ව ඒ කටයුතු අනුගමනය කරන්න. මේ වන විට බලධාරීන් දෙදෙනෙක් ඉන්නවා මැතිවරණ කොමිසමත්, සෞඛ්‍ය සේවා අධ්‍යක්ෂ ජනරාල්තුමා වන අතර, ඒ නිතිරිතිවලටත් සෞඛ්‍ය නිරෝධන පනත යටතේ පනවන නිතිවලටත් ගරු කරමින් මේ මැතිවරණය කරන්න කියලා.
අපිට අද තියෙන ලොකුම ප්‍රශ්නය තමයි අපිට විරුද්ධ පක්ෂයක් නොමැති වීමයි. එකිනෙකාට විරුද්ධ අය නම් ඉන්නවා පක්ෂ අතර ඒ ඒ අය විතරක් ගහගන්නවා. විශේෂයෙන් ජනතාවගෙන් ඉල්ලන්නේ කෝවිඞ් උවදුරින් ජනතාවත්, ජනතාවගේ ආර්ථිකයත් ආරක්ෂා කලා වගේ ජනාධිපතිතුමාට අගමැතිතුමාට මේ රජයට පුඵවන් කමක් තිබෙනවා මත්කුඩු උවදුරින් හා පාතාලයට නිතිය ක්‍රියාත්මක කරලා ජාතික ආරක්ෂාවට කටයුතු කරන ගමන් ඊළඟ ඉලක්කය තමයි අපේ රටේ ජනතාවට ශක්තිමත් ආර්ථිකයක් ගොඩනැගීම ඒ තුළින් තමයි සෞභාග්‍යමත් රටක් රටේ අනාගත දරුවන්ට ඉතුරු කරන්න හැකි වෙන්නේ. ඒ කාරිය සිදු කරන්න බලගතු ශක්තිමත් පාර්ලිමේන්තුවක් අපිට ලබා දෙන්න.

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive4 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ