පාස්කු ප්‍රහාරයට අයියව හිරේ දානවලු: දාලා බලමු: මෛත්‍රි අයියා වෙනුවෙන් ඩඩ්ලි මල්ලි පෙරට එයි (VIDEO)

පාස්කු ප්‍රහාරය මුල්කරගෙන හිටපු ජනාධිපති මෛත්‍රිපාල සිරිසේන මහතා සිරගත කිරීමේ හෝ ඒ මහතාගේ ප්‍රජා අයිතිය අහෝසි කිරීමේ උත්සාහයක් පවතින බවත්, එසේ කරන්නේ නම් දැනට සිටින ජනාධිපතිවරුන්ට සහ ඉදිරියේ පැමීණීමට සිටින ජනාධිපතිවරුන්ට පවා එම ඉරණමට මුහුණ දීමට සිදුවිය හැකි බවත් හිටපු ජනාධිපතිවරයාගේ සහෝදරයා වන ඩඩ්ලි සිරිසේන මහතා සදහන් කරයි.

මෛත්‍රීපාල සිරිසේන මහතාට එසේ වන්නේ නම් මේ රටේ සිදුවූ ත්‍රස්ත ක්‍රියා මුල්කරගෙන ජේ.ආර්. ජයවර්ධන මහතාගේ සිට හිටපු සියලුම ජනාධිපතිවරුන් හිරේ දැමිය යුතු බවද ඒ මහතා පෙන්වා දෙයි.

‘එහෙම කොහෙද.. පුළුවන් නම් කරල බලමු.. අපි ලෑස්තියි’ යනුවෙන්ද ඔහු එහිදී අවධාරණයෙන් කියා සිටියේය.

ඔහු මේ බව කියාසිටියේ චමුදිත සමරවික්‍රම මහතා විසින් මෙහෙයවන අන්තර්ජාල නාළිකාවක් සමඟ සාකච්ඡාවකට එක් වෙමිනි.