Connect with us
Redmi 9C
Advertisement

Exclusive

පැන් කළ අතෑරීම ගැන ගම්මන්පිල දුන් උත්තරේ (රාජ්‍ය රහස්)

Published

on

කොරෝනා වසංගතය හේතුවෙන් මේ දිනවල රටේ දේශපාලනයද පවතින්නේ තරමක් ඇල්මැරුණු ස්වභාවයකය. පසුගිය කාලයේදී නම් කොරෝනා මැද්දේ වුව මහ මැතිවරණය සහ විසිවැනි ව්‍යවස්ථා සංශෝධනය යන මාතෘකා ඉතාම උණුසුම්කාරී වූ හෙයින් කොරෝනා පරද්දා උඩට ඒමට මහ මැතිවරණයටත් විසිවැනි සංශෝධනයටත් හැකියාව ලැබී තිබිණ. නමුත් දැන් ඒ දෙකම අවසන් නිසා කොරෝනා වසංගතය ඉහළට පැමිණ ඇති අතර, ඒ නිසාම දේශපාලන සිදුවීම්ද තරමක් යටගොස් ඇති ආකාරයක් දැකගන්නට තිබේ.

කෙසේ වෙතත් මේ ඇල්මැරුණු දේශපාලන වටපිටාව මැද්දේ පසුගිය සතියේ ලංකාවේ දේශපාලනය පමණක් නොව සමාජ මාධ්‍ය ජාලාද කළඹවාලන අමුතුම ආකාරයේ සිදුවීමක් වාර්තා විය. ඒ, කොරෝනා වසංගතයෙන් රට මුදාගැනීම සඳහා ආණ්ඩුවේ ප්‍රබල අමාත්‍යවරුන් වන සෞඛ්‍ය අමාත්‍ය පවිත්‍රා වන්නිආරච්චි මහත්මියත්, සංචාරක අමාත්‍ය ප්‍රසන්න රණතුංග මහතාත්, බලශක්ති අමාත්‍ය උදය ගම්මන්පිල මහතාත් විශ්වශක්තියෙන් බලගන්වන ලද පැන් කළ ගංගාවලට අතහැරීමය. මෙය ඉතා රහසිගත ලෙස වැඩි ප්‍රසිද්ධියකින් තොරව සිදුකළත් එම සිදුවීම පළමු වතාවට වීඩියෝ සමඟම රටට අනාවරණය කිරීමට අප වෙබ් අඩවිය වන www.mawratanews.lk වෙබ් අඩවිය කටයුතු කළේය. ඒත් සමඟම මෙම වීඩියෝම වාර්තා පිට වාර්තා තබමින් දින දෙකක් වැනි කෙටි කාලයක් ඇතුළත ලක්ෂ ගණනක ප්‍රමාණයක් නැරඹීඹට පියවර ගෙන තිබිණ. සියලුම සමාජ මාධ්‍ය ජාලාවල සහ වෙබ් අඩවිවල ප්‍රධාන පුවත බවට පත්ව තිබුණේ අප විසින් අනාවරණය කළ එම වීඩියෝවය. රාජපක්ෂවරුන්ගේ රාජකීය වෛද්‍යවරයා ලෙස සැලකෙන ඒලියන්ත වයිට් විසින් මෙම පැන් කළ විශ්ව ශක්තියෙන් බලගන්වා සකස් කරදී තිබූ අතර, එය සෑම දිස්ත්‍රික්කයම සිටින මන්ත්‍රිවරුන් වෙත ලබාදී තම තමන්ගේ ප්‍රදේශවල ඇති ගංගා, ඇළදොළවලට මුදාහරින ලෙසට දැනුම්දී තිබූ බවක් වාර්තා විය. පවිත්‍රා රත්නපුරේදී කළු ගඟටත්, ප්‍රසන්න ගම්පහදී කැලණි ගඟටත්, උදය කොළඹදී කැලණි ගඟටත් මෙම පැන් කළ මුදාහැර තිබුණේ ඒ අනුවය.
කෙසේ වෙතත් මෙම වීඩියෝව සමාජ මාධ්‍ය ජාලාවල ‘වෛරල්’ එකක් බවට පත්වීමත් සමඟ ආණ්ඩුවේ බොහෝදෙනකුත්, හිතවතුනුත් පවිත්‍රාටත්, ගම්මන්පිලටත්, ප්‍රසන්නටත් කතාකොට ඒ සම්බන්ධයෙන් ඔවුන්ගෙන් විමසන්නට පියවර ගෙන තිබිණ. එහිදී ප්‍රසන්න ඒ කිසිවකට උත්තර දීමට පියවර නොගත් අතර, ගම්මන්පිල තමන්ගෙන් විමසූ අයට කියා තිබුණේ ඒලියන්ත වයිට් යනු තමන්ගේ පවුලේ හිතවතකු බවත්, ඔහු දුන් උපදෙස් අනුව තමන් එම කටයුත්ත කළ බවත්ය.
“ඒලියන්ත වයිට් මම අඳුනන්නේ ගොඩක් කල් ඉඳන්. මමත්, මගේ නෝනත් විශාල ගෞරවයකින් යුතුව එතුමට සලකනවා. ඒ වගේමයි අපි එතුමන්ව විශ්වාස කරනවා. එතුමව වගේම අනුරාධපුරයේ මෑණියන්වත් අපි විශ්වාස කරනවා. ඒ හින්දා එතුමා දුන්න උපදෙස් අනුව අපි මේ වසංගතය නිමාවෙන්න ප්‍රාර්ථනා කරල තමයි මේ පැන් කළ ගඟට දැම්මෙ. අනෙක ඉතින් ඕක වීඩියෝ එකක් විතරයිනෙ. ඕව ගැන වැඩිය හිතන්න යන්න ඕනෙ නෑ…” යනුවෙන් ගම්මන්පිල සිය හිතවතුන්ට කියා සිටි නමුත් මේ තිදෙනාගෙන් කිසිවකුත් මාධ්‍ය ඉදිරියේ මේ ගැන වචනයක් හෝ කතා නොකිරීම විශේෂ සිදුවීමක් විය.
කෙසේ වෙතත් පසුගිය අඟහරුවාදා (3දා) පවිත්‍රාට පාර්ලිමේන්තු ඒමට සිදුව තිබූ බැවින් ආණ්ඩු පක්ෂයේ පමණක් නොව විපක්ෂයේ මන්ත්‍රිවරුන්ද මේ පිළිබඳව කළ විමසීම්වලින් පවිත්‍රාට ගැලවීමක් නොතිබිණ. සභාව ආරම්භ වූ පසු විපක්ෂ නායක සජිත් ප්‍රේමදාස මහතාද මේ පිළිබඳව විමසමින් සිය කතාව කරගෙන ගිය ආකාරයක් දැකගන්නට ලැබිණ. සජිත් කියා සිටියේ මේ පැන් කළ ගඟට අතහැරීමට පෙර සෞඛ්‍ය අමාත්‍යවරියට කැලණියේ නාගරාජයාගෙන් උපදෙස් ගැනීමට තිබුණා යැයි කියාය. සජිත් ඒ ආකාරයට ඉකුත් ජනාධිපතිවරණ සමයේ කැලණි ගඟෙන් මතුවූ නාගරාජයාගේ සිදුවීමත් මතක් කරමින් පැන් කළ විසි කිරීම පිළිබඳව කතා කිරීමත් සමඟ පාර්ලිමේන්තුව උණුසුම් වූ ආකාරයක් දැකගත හැකි විය. ඒ අනුව සිය කතාවේදී ඊට පිළිතුරු දෙමින් පවිත්‍රා කියා සිටියේ කොරෝනා වසංගතය නිමා වන්නේ නම් තමන් පැන් කළ වත්කිරීමෙන් නොනැවතී මුහුදට වුව බිලිවීමට සූදානම් යැයි කියාය.
පවිත්‍රා නම් මේ ආකාරයට පාර්ලිමේන්තුවට පැමිණ කතා කළත් එදින ගම්මන්පිල හෝ ප්‍රසන්න රණතුංග පාර්ලිමේන්තුවේදී දැකගන්නට නොලැබීම විශේෂ සිදුවීමක් විය.

කපිල පුංචිමාන්නගේ

Advertisement
Exclusive2 months ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Astrology11 months ago

2020 ලග්න පලාපල ඔබට කොහොමද?

Exclusive8 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Mahawanshaya1 year ago

ගම්දනාව බියවද්දමින් උලමා හොයන දේ

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology1 year ago

ඔබේ සහකරු ඉන්න තැන මෙන්න

Astrology1 year ago

නිවෙසේ උපකරණ සඳහා සුබම දිශාව

Exclusive7 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive7 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive9 months ago

රනිල්ගේ UNP එකයි සජිත්ගේ UNP එකයි

Exclusive1 year ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)