Connect with us
Redmi 9C
Advertisement

Exclusive

බැසිල්ගෙන් රටටම උපදෙසක්: හදිසියකදී එහෙට මෙහෙට පනින කට්ටිය පාර්ලිමේන්තු එවන්න එපා

Published

on

පනින අයනම් පාර්ලිමේන්තුවට එවන්න එපා යැයි ශ්‍රී ලංකා පොදුජන පෙරමුණේ නිර්මාතෘ හා ජාතික සංවිධායක හිටපු අමාත්‍ය බැසිල් රාජපක්ෂ මහතා ජනතාවගෙන් ඉල්ලයි. කෙළින් වැඩ කරන කෙලින් තීන්දු ගන්න අය පමණක් පාර්ලිමේන්තු එවන්නැයි ඔහු ඉල්ලා සිටි.

මීගමුවේ පැවති කාන්තා රැස්වීමකට සහභාගි වෙමින් බැසිල් රාජපක්ෂ මහතා මේ බව කියා සිටියේය.

මෙහි දි වැඩිදුරටත් අදහස් දැක් වූ බැසිල් රාජපක්ෂ මහතා මෙසේ ද කීවේය.

“ පළාත් පාලන ඡන්දය දින්නේ ශ්‍රි ලංකා පොදුජන පෙරමුණයි. ප්‍රධාන පක්ෂ සියල්ලම පරද්දලා තමයි පොහොට්ටුව දින්නේ. ජනාධිපතිවරණයේ දි ජනාධිපති ඉදිරිපත් වුණෙත් පොහොට්ටු පක්ෂයෙන්. පක්ෂය පිහිටුවලා කෙටි කාලයකින් අපි ජාතික මැතිවරණ දෙකක් දින්නා. අපිට දැන් ජනාධිපති කෙනෙකුත් ඉන්නවා. ඒ වගේ ම අගෝස්තු 05 වෙනිදාට පොහොට්ටුව නැවත වාරයක් ජාතික මැතිවරණ තුනක් දිනන එකම පක්ෂය බවට පත්වෙනවා.

යුද්ධය අවසන් කළාට පස්සෙත් 2010-2015 වෙන තෙක් මහින්ද ජනාධිපතිතුමා මේ මුළු රටම මහාමාර්ග පද්ධතිය වැලදගන්න විදිහට හරිගස්සගෙන ගියා. අධිවේගී මාර්ග හැදුවා. පළාත් මාර්ග හැදුවා. ඒ වගේම තමයි මුළු රටටම ජල යෝජනා ක්‍රම වගයක් සූදානම් කළා. අපි කියනවා ඊලග පාර්ලිමේන්තු ජනාධිපතිවරණ මැතිවරණ වලට එන්නේ මේ රටේ ජනතාවට පානීය පිරිසිදු ජලය ලබා දීමෙන් පස්සේ. අනිවාර්යෙන්ම අපි පරිසරය රැකගන්න ඕනේ. මේ රට නැවත මහ පොළොව සරු පොළවක් බවට පත්කරනවා. මේ දේවල් කරන්නේ ඔබ වෙනුවෙන්ම පමණක් නෙමෙයි. ඔබේ දරුවන් හා දරුවන්ගේ දරුවන් වෙනුවෙන්. ඒ කාර්යන් කරන්න අතිගරු ජනාධිපතිතුමාවයි,  අගමැතිතුමාවයි,ඇමති කාර්ය මණ්ඩලයට ඒ ශක්තිය සදහා සුදුසු කාර්යශූර,අවංක පුද්ගලයින්ව පාර්ලිමේන්තුවට එවන්න. නැතුව හදිසියක් වුණාම පනින කට්ටියව නම් එවන්න එපා. මොකද එහෙම වුණොත් ලෙඩක් වෙනවා. කෙළින්  කට්ටියව එවන්න පාර්ලිමේන්තුවට”

ඇමති ප්‍රසන්න රණතුංග මහතා –

අපි පොහොට්ටුව හදනකොට අපිට නොයෙකුත් චෝදන ආවා. සමහර අය කිව්වා පක්ෂයක් හැදුවොත් අපිව මහ පාරවල් දිගේ ඇවිද්දවනවා කියලා. එහෙම කියපු අප දැන් අපිත් එක්ක ඉල්ලනවා. බැසිල් රාජපක්ෂ මහත්තයා තමයි මේ පොහොට්ටුව නිර්මාණය කරන්න කැප වුණේ. මැතිවරණ ප්‍රතිඵල විශ්ලේෂණය කරලා අපිට ඉලක්ක දුන්නේ. ඒ ඉල්ලක්ක වලට වැඩකරපු නිසයි අප ජයග්‍රහණය කලේ. මම විශ්වාස කරනවා අපිට මේ මැතිවරණයේ ඉලක්ක වලට ගියොත් ගම්පහින් මන්ත්‍රීධූර 13ක් ගන්න පුළුවන් වෙයි කියලා.

වැඩ බිමක් වෙලා තිබුණු රට යහපාලන මුඩු බිමක් බවට පත් කලා. මේ රට අවු.30ක්ම යුද්ධය නිසා බැට කෑවා. මහින්ද මහත්තයා යුද්ධයෙන් රට බේරගත්තා. ඊට පස්සේ සංවර්ධන යුද්ධය ආරම්භ කලා. යහපාලකයන් එන්.ජි.ඕ ඩොලර් කාක්කන් සමඟ එකතුවෙලා ඒ සංවර්ධන සංග්‍රාමය නතර කලා. අපි මේ බලය ඉල්ලන්නේ රටේ නැවතත් සංවර්ධන සංග්‍රාමයක් ඇති කරන්නයි. ඒ සඳහා මහින්ද ගෝඨාභය සුසංයෝගයක් සහිත ආණ්ඩුවක් සකස් කරගත යුතුයි.ඒ සඳහා කාන්තා ඔබේ සහාය අතිශය වැදගත්.

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ