Connect with us
Redmi 9C
Advertisement

Exclusive

බැසිල් ගැන පසුපෙළෙන් හෙළිදරව්වක්

Published

on

ශ්‍රී ලංකා පොදුජන පෙරමුණේ නිර්මාතෘවරයා මෙන්ම ජාතික සංවිධායකවරයාද වන බැසිල් රාජපක්ෂ මහතා සම්බන්ධයෙන් ආණ්ඩුවේ පසුපෙළ මන්ත්‍රීවරයකු වන ප්‍රමිත බණ්ඩාර තෙන්නකෝන් මහතා විශේෂ හෙළිදරව්වක් සිදු නොට තිබේ.

සිය ෆේස්බුක් පිටුවේ විශේෂ සටහනක් තබමින් ඒ මහතා මේ බව සදහන් කොට ඇත.

එම සටහන මෙසේය.

ඉල්ලීම් නොඉල්ලිම්, වැරදීම් හා වරද්දවා ගැනීම්….

බුලත් කොළ හෙප්පුවත් පෙරළගෙනම බිම වැටී අලි අඩි වලට පෑගෙන තැනක චොදනාව ඔහුට පමණක් ම විය. නමුත් කාගේ කාගේත් කිල්ලෝට වල හුණු ඩිංග ඩිංග තිබුණි. නමුත් ඔහු චොදනාව තනිවම බාරගත්තේය. කොයිතරම් මුවහත් ආයුධ තිබුනත් ඔසවන්නේ කාට විරුද්ධව ද කොයි මොහොතේද යන්න කිසිවෙකුත් දැන සිටියේ නැත. සරලව සියල්ලොම අරගලය තුළ අනාථයන්ය. නමුත් ඔහු තනිවම අරගල සැලසුම් කළේය.

ඔහු මුලින්ම කොඩිය නිර්මාණය කළේය. ඒ කුරහන් පාට පසුබිම් කර ගත් පිරුණු නෙලුම් පොහොට්ටුවයි. අනතුරුව ඔහු කඳවුර නිර්මාණය කළේය. 2018 පෙබරවාරියේදි අපි සෙන්පතියෙකු යටතේ රජෙක් නැතුවම පිටත පවුරට පහර දුන්නෙමු. 2019 නොවැම්බරයේදි අපි රජෙකු බිහිකර ගත්තෙමු. 2020 අගොස්තුවේදි අපි ඇතුල් නුවරට පහර දුන්නෙමු. සටන අවසන් විය. සභාවේ අසුන් පිරුණි. ඒත් එහි ඔහු නොවීය.

රෑනකට වැරදුණ තැන තනියෙකු නිවැරදි කළේය. කවුරු නොදන්නමුත් එය සෙබළු දන්නේය. ප්‍රධානීන්ගේ හෘද සාක්ෂිය දන්නේය. අද තනියා තනි කරන්නට යන්නේ නම් අපේ පරාජයද ආරම්භ වී හමාරය. ලියා තබා ගන්න. නමුත් අපට හෘද සාක්ෂියක් ඇත. බලයට හෝ පිදේනි වලට එය මරා දැමිය නොහැකිය.

ඔහු දුක් ගත්තේද වෙහෙසුනේද අපි වෙනු වෙනි. පොදුජන කඳවුර වෙනු වෙනි. අපි කිසිදිනක ඔහු තනිකලේ නැත. ඉදිරියටත් තනිකරන්නේද නැත. සියල්ල අහිමි කරගෙන අරගල කල ඔහු කිසිවක් රැස් කලේද නැත.

නොතේරෙන අයෙකු ඇත්නම් මම කියමි. එවැන්නෙකු වැට්ටවීමට ද නොහැකිය. මන්ද ඔහුට අහිමි කිරීමට කිසිවක් නොමැති හෙයිනි.

කවුරු කොඩිය ඔසවා ගත්ත ද සෙන්පතියා සෙන්පතියාමය. සෙන්පතියා මරා දැමිය නොහැක්කේය. සෙන්පතියා අමරණීයය.

සෙන්පතියා බැසිල් ය.

කතාව එපමණකි.

ප්‍රමිත බණ්ඩාර තෙන්නකෝන්

Advertisement
Advertisement