Connect with us
Redmi 9C
Advertisement

Exclusive

මනෝග‌ේ සහාය ආණ්ඩුවට

Published

on

ආණ්ඩුව තම දේශපාලන කටයුතු මේ අවස්ථාවේ නතර කොට කොරෝනා වෛරසය තුරන් කිරීමට අවශ්‍ය සියලු ක්‍රියාමාර්ග ගත යුතු බවත්, ඊට සිය සන්ධානයේ පුර්ණ සහයෝගය ලබාදෙන බවත් දෙමළ ප්‍රගතිශීලි සන්ධානයේ නායක මනෝ ගනේෂන් මහතා පැවසීය.

මනෝ ගනේෂන් මහතා සදහන් කළේ ඊයේ (07) කොළඹදි පැවැත්වු මාධ්‍ය හමුවේදිය.

මෙහිදි වැඩිදුරටත් අදහස් දැක්වු මනෝ ගනේෂන් මහතා මෙසේද කීවේය.

කොරෝනා වෛරසය තුරන් කිරීමට ආණ්ඩුව ගන්නා සෑම කටයුත්තක් සදහාම මේ අවස්ථාවේ දේශපාලන සන්ධානයක් වශයෙන් ආණ්ඩුවට සම්පුර්ණ සහයෝගය ලබා දෙනවා. නමුත් එයින් 20 වන ආණ්ඩුක්‍රම ව්‍යවස්ථා සංශෝධනයට සහයෝගය ලබා දෙන බවක් කියන්නේ නැහැ.
කොරෝනා වෛරසය පැතිරයාම පිළිබදව මේ අවස්ථාවේ ආණ්ඩුවට එරෙහිව කිසිදු චෝදනාවක් එල්ල කිරීමට අප සුදානම් වන්නේ නැහැ. එ සම්බන්ධයෙන් ආණ්ඩුව විවේචනය කර කාලය විනාශ කිරීමටත් අප කැමැති නැහැ.
කොරෝනා වෛරසය පාලනය සදහා ශ්‍රී ලංකා ආණ්ඩුව ගත් ක්‍රියාමාර්ග ලෝකයේ අන් සියලු රටවල් ගත් ක්‍රියාමාර්ගයන්ට වඩා යහපත් බව ආණ්ඩුව පැවැසුවා. එම ප්‍රකාශ වල යම් යම් අඩුපාඩු තිබුණත් එවා විවේචනය කළ යුතු නැහැ.
නමුත් කොහේ හෝ අපට යම් වරැද්දක් සිදුව තිබෙනවා. ඒ හේතුවෙන් බස්නාහිර පළාතේ ගම්පහ දිස්ත්‍රික්කයේ කොරෝනා වෛරසය නැවත පැතිර යාම ආරම්භ වී තිබෙනවා. එය දෙවන කොරෝන රැල්ලද තෙවන කොරෝනා රැල්ලද කියා අප දන්නේ නැහැ.
ගම්පහ කොරොනා ආසාදිතයින්ගේ වෛරසයේ සාන්ද්‍රණය අධික බවත් ප්‍රකාශ වෙනවා.නමුත් අප සත්‍ය එයාකාරයෙන්ම දන්නේ නැහැ.
ආන්ඩුව මේ අවස්ථාවේදි තමන්ගේ සියලු දේශපාලන කටයුතු අත්හිටුවිය යුතුයි. ආණ්ඩුවේ රජයේ සම්පුර්ණ අවධානය මේ කොරෝනා වෛරසය පාලනය කිරීම සදහා යොමු කළ යුතුයි.
එමෙන්ම රටේ සමස්ත දේශපාලන පක්ෂ හා ජනතාවත් සියලු පක්ෂ පාට භේද නොසලකා කොරෝනා පාලනය වෙනුවෙන් ආණ්ඩුවට සහයෝගය ලබාදිය යුතු යැයි අප ඉල්ලා සිටිනවා.

Advertisement
Advertisement