Connect with us
Redmi 9C
Advertisement

Exclusive

මාස එකහමාරෙන් ජනපති අලුත් හල්දුම්මුල්ලක් හදයි

Published

on

බදුල්ල දිස්ත්‍රික්කයට අයත්, පොදු පහසුකම් අඩු සහ බහුතරයක් දිළිඳුකමින් පීඩිත ජනගහණයක් සහිත හල්දුම්මුල්ල ප්‍රදේශයේ වෙලංවිට සහ අක්කර සීයය ගම්මාන දැන් වේගවත් සංවර්ධන අවදියකට පිවිස තිබේ.

යෝජිත සංවර්ධන සැලැස්මෙන් අත්කර ගැනීමට අපේක්ෂිත ඉලක්කවලින් බහුතරය දැනටමත් සපුරා ගෙන ඇත. ඉතිරිය ඉදිරි දෙමස තුළ සාක්ෂාත් කර ගැනීමට හැකිවෙතැයි අපේක්ෂා කෙරේ.

48,000ක පමණ ජනතාවක් වෙසෙන හල්දුම්මුල්ල, බදුල්ල දිස්ත්‍රික්කයේ දුෂ්කරතම ප්‍රාදේශීය ලේකම් කොට්ඨාසයයි. වෙලංවිට සහ අක්කර සියය එහි දුෂ්කරතම ගම්මාන ලෙස සැලකේ. ජනාධිපති ගෝඨාභය රාජපක්ෂ මැතිතුමා “ගම සමග පිළිසඳර” වැඩසටහන ආරම්භ කරමින් සැප්තැම්බර් 25 වැනිදා හල්දුම්මුල්ල, කුමාරතැන්න ග්‍රාමයේ නිරීක්ෂණ චාරිකාවක නිරත විය.

මූලික අවශ්‍යතා පවා සපයා ගැනීමට නොහැකිව ජනතාව සිය පාරම්පරික ගම් බිම් අතහැර ගොස් ඇති බව ගම්වාසීහූ ජනාධිපතිතුමාට පැවසූහ. ඔවුනට සවන් දුන් ජනාධිපතිතුමා තෙමසක් ඇතුළත ප්‍රදේශයේ මාර්ග, විදුලිය, ජලය සහ පාසල් අවශ්‍යතා සපුරා දෙන ලෙස නිලධාරීන්ට උපදෙස් දුන්නේය.

රාජ්‍ය ආයතන 19ක් විසින් ව්‍යාපෘති 51 ක් යටතේ වැඩසටහන ක්‍රියාවට නංවමින් හල්දුම්මුල්ල ග්‍රාමයේ පුළුල් සංවර්ධන සංග්‍රාමයක් ආරම්භ කර තිබේ.

මාර්ග සංවර්ධනයට ජනාධිපතිතුමාගේ විශේෂ අවධානය යොමු විය. කි.මි 12 ක් දිගැති අක්කර සියය – වෙලංවිට මාර්ගයේ කි.මි 05 ක් කොන්ක්‍රීට් අතුරා සංවර්ධනය කර තිබේ. ඉතිරි කි.මි 07 කාපට් ඇතිරීම ආරම්භ කර ඇත. අක්කර සියයේ සිට වෙලංවිටට යාමට ගත වූ පැය 1,1/2ක කාලය වැඩ නිමවීමෙන් පසු  විනාඩි 20 දක්වා අඩු වෙයි. මාර්ගයේ ඉදිකිරීම් අවසන් වූ වහාම බස් රථයක් ධාවනයට එක් කිරීමට ශ්‍රී ලංකා ගමනා ගමන මණ්ඩලය සැලසුම් කර තිබේ.

ගම්පහ – වෙලංවිට, කැලිපනාවල – හාල්කන්න, අක්කර සියය – කක්කුටුඅරාව සහ බෙරගල – වැල්ලවාය මාර්ගවල ඉදිකිරීම් ද පටන් ගෙන ඇත.

විදුලිය සැපයුම සඳහා  කණු සවි කරමින් පවතින අතර, රැහැන් ඇදීම නොපමාව ආරම්භ කෙරේ. එය අවසන් වීමත් සමග ශ්‍රී ලංකා ටෙලිකොම් සහ මොබිටෙල් ආයතන සන්නිවේදන අවශ්‍යතා සපුරාලීමට සූදානමින් සිටී.

ජාතික ජල සම්පාදන හා ජලපවාහන මණ්ඩලය  පානීය ජල සැපයුම සඳහා ශක්‍යතා අධ්‍යයන වාර්තාව සහ ඇස්තමේන්තුව සකස් කර අවසන්ව ඇත.

17 වැනි ඉංජිනේරු සේවා රෙජිමේන්තුව වෙලන්විට, කුමාරතැන්න විද්‍යාලයේ නව ගොඩනැගිල්ලේ ඉදිකිරීම් භාරව සිටී. පන්ති කාමර 04කට ඉඩ ඇති ගොඩනැගිල්ලේ ඉදිකිරීම් සැප්තැම්බර් 04 වැනිදා ඇරඹිණ. නව පාසල් වාරයට පෙර ඉදිකිරීම් අවසන් කිරීමට අපේක්ෂා කෙරේ. සොරගුණේ විද්‍යාලයේ  නව පංති කාමර ගොඩනැගිල්ලේ ඉදිකිරීම් නිම කර තිබේ. පාසල්වල ගුරු හිඟයට විසඳුම් ලෙස සියලු විෂයයන් ආවරණය වන පරිදි ගුරුවරු පත් කරනු ලැබ සිටිති.  වැල්ලවාය – ගම්පහ විද්‍යාලයට සහ ජනානන්ද විද්‍යාලයට නව විදුහල්පතිවරුන් පත් කර ඇත. පාසල් දහසක් ජාතික පාසල් ලෙස සංවර්ධනය කිරීමේ ව්‍යාපෘතියට හපුතලේ දෙමළ මහා විද්‍යාලය එක් කර තිබේ.

කොටබෝගස්තැන්න ක්‍රීඩාපිටියේ ඉදිකිරීම් නිම කර පසුගියදා ගම්වාසීන්ට භාර දෙනු ලැබීය.

ඉඩම් කට්ටි 187ක මැණුම් අවසන් කර ඇති අතර ඉතිරි මැණුම් කටයුතු වසර අවසන්වීමට පෙර  නිම කිරීමට සැලසුම් කර තිබේ.

වනජීවී සහ වන සංරක්ෂණ දෙපාර්තමේන්තු වලට අයත් නිදහස් කළ හැකි ඉඩම්, පාරම්පරිකව වගාවෙහි නිරත ගොවීන්ට දීමනා පත්‍ර ක්‍රමය යටතේ ප්‍රදානය කරනු ලැබේ.

කුරුඳු සහ ගම්මිරිස් ගොවීන් දිරි ගැන්වීමේ වැඩසටහන් කිහිපයක් ක්‍රියාත්මක කිරීමට කෘෂිකර්ම දෙපාර්තමේන්තුව පියවර ගෙන ඇත. කුමාරතැන්න ගම්මානයේ ගොවීහු 57 දෙනෙක් අක්කර 160ක ගම්මිරිස් වගාවේ නිරතව සිටිති. ඔවුන් සඳහා කාබනික ගම්මාන ප්‍රවර්ධන නියමු ව්‍යාපෘතියක් ක්‍රියාත්මකය. වෙලංවිට කුරුඳු සැකසුම් මධ්‍යස්ථානය ඉදිකෙරෙමින් පවතී. වගාකරුවන් 31 දෙනෙකුට ඉන් ප්‍රතිලාභ අත් වෙති.

භූ විද්‍යා හා පතල් කාර්යාංශය හා දිස්ත්‍රික් සම්බන්ධීකරණ කමිටුව එක්ව සාම්ප්‍රදායික මැටි කර්මාන්තයේ ප්‍රවර්ධනයට පියවර ගනිමින් සිටී. පවුල් 18ක් මැටි කර්මාන්තයේ නිරතව සිටිති.

වන අලි ගම් වැදීම නතර කරනු පිණිස පතහ සිට අයිස්පීල්ල දක්වා  විදුලි අලි වැට ඉදිකිරීම ආරම්භ කර තිබේ. අක්‍රීයව පැවති වෙලංවිට සහ කුමාරතැන්න විදුලි වැට  අළුත්වැඩියා කර  සක්‍රීය කර ඇත.

ජනාධිපතිතුමා ප්‍රදේශයේ කළ චාරිකාවේ දී  වන අලි ප්‍රහාරයකින් විනාශයට පත් කුමාරතැන්න, සරත් රණතුංග මහතාගේ නිවස නිරීක්ෂණය කළේය. එහිදී ජනාධිපතිතුමා දුන් උපදෙස් අනුව ශ්‍රී ලංකා යුද හමුදාව කාමර 03ක් සහිත අංග සම්පූර්ණ නිවසක් ඔහුට ඉදි කර දී තිබේ.

දීර්ඝ කාලයක සිට කිසිදු රජයක අවධානයට ලක් නොවූ හල්දුම්මුල්ල ග්‍රාමයේ දියත් කළ සංවර්ධන වැඩසටහනට ප්‍රදේශවාසීහු ජනාධිපති ගෝඨාභය රාජපක්ෂ මැතිතුමාට සහ රජයට  සිය කෘතඥතාව පළ කරති.

Advertisement
Exclusive1 month ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Astrology11 months ago

2020 ලග්න පලාපල ඔබට කොහොමද?

Exclusive8 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Mahawanshaya1 year ago

ගම්දනාව බියවද්දමින් උලමා හොයන දේ

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology1 year ago

ඔබේ සහකරු ඉන්න තැන මෙන්න

Astrology1 year ago

නිවෙසේ උපකරණ සඳහා සුබම දිශාව

Exclusive7 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive7 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive9 months ago

රනිල්ගේ UNP එකයි සජිත්ගේ UNP එකයි

Exclusive1 year ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)