Connect with us
Redmi 9C
Advertisement

Exclusive

මෛත්‍රිපාල ෆෝන් 6කින් නිලන්ත එක්ක කරපු රහස් සාකච්ජා කොමිසමේදී පළමුවරට එළියට එයහි

Published

on

පාස්කු ඉරිදා එල්ලවුණු ත්‍රස්ත ප්‍රහාරය සම්බන්ධයෙන් ක්‍රියාත්මක ජනාධිපති කොමිසමේ කාලය අවසන් වීමට නියමිතව ඇත්තේ ලබන නොවැම්බර්යේදීය. කොවිඞ් 19 වෛරස ව්‍යාප්තිය හේතුවෙන් කොමිසමේ කටයුතු මේ වන විට අඩපණ වී ඇති බැවින් තවත් කෙටි කාලයකට කොමිසමේ කාලය දීර්ඝ වනු ඇත. ඒ එළිවෙන ජාමෙට හොද හොද සෙල්ලම් මෙන් පාස්කු ප්‍රහාරයේ මෙතෙක් හෙළි නොවූ රහස් හෙළිවන්නට ගන්නේ දැන් වන බැවිනි.

මෙතෙක් කලක් පාස්කු කොමිසම හමුවේ එවකට සිටි රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන සඳහන් කරනු ලැබුවේ තමා බුද්ධි තොරතුරු ලබාදෙන්නේ ආරක්ෂක ලේකම්වරයාට බවය. ජනාධිපති මෛත්‍රීපාල සිරිසේන මහතා සමග බුද්ධි තොරතුරු සම්බන්ධයෙන් වැඩි කතාබහක් නොතිබුණු බවද ඔහු කීවේය.

එහෙත් පාස්කු කොමිසමේ පොලිස් විමර්ශන ඒකකය ජනාධිපතිවරයා භාවිතා කළ දුරකතන 06ක් හදුනා ගනිමින් නිලන්ත ජයවර්ධන එම තනතුරට පත්වූ’දින සිට ජනාධිපති මෛත්‍රීපාල සිරිසේන මහතා සමග උදේ හවා කළ කථාබහ සම්බන්ධයෙන් තොරතුරු ගොන්නක්ම රැස්කර ඇත්තේ නිලන්ත කියන්නේ ඇත්තක්දැයි කොමිසම හමුවට ඉදිරිපත් කරමිනි. මෛත්‍රීපාල සිරිසේන සහ නිලන්ත ජයවර්ධන අතර පැවැති දුරකතන සංවාද ඇතුළත් දුරකතන විශ්ලේෂණ ගොනුව පිටු 1000කට කිට්ටුය. දීර්ඝ ඇමතුම් පවා එහි ගොනුවී ඇත්තේය. හිටපු ජනාධිපති මෛත්‍රීපාල සිරිසේන මහතා විමර්ශන ඒකකයට පවසා ඇත්තේ නිලන්ත ජයවර්ධන තමාට උදේ හවා දුරකතන ඇමතුම් දෙමින් රටේ ආරක්ෂක තත්වය මෙන්ම දේශපාලන තත්වය ගැන තොරතුරු දැනුම් දෙන බවය. එහෙත් මෛත්‍රිපාල එක හෙලා පවසන්නේ පාස්කු ප්‍රහාරය ගැන කිසිවක් නිලන්ත තමාට නොපැවසූ බවය.

කවුරුන් මෙහිදී ඇත්ත කියන්නේදැයි තවමත් ඇත්තේ ගැටලුවක් ලෙසිනි. කෙසේ වෙතත් දැන් පැහැදිලිවම හෙළිවී ඇත්තේ නිලන්ත ජයවර්ධන ආරක්ෂාව සම්බන්ධයෙන් සහ දේශපාලන තත්වය ගැන නිරන්තරයෙන් මෛත්‍රීපාල ජනාධිපතිවරයාව දැනුවත් කර ඇති බවකි. එය බුද්ධි ප්‍රධානියාගේ වගකීමකි. ඇතැම් මාසවල මෛත්‍රීපාල ජනාධිපතිවරයාගේ එක් දුරකතනයකට පමණක් නිලන්තගෙන් ලැබී තිබුණු ඇමතුම් ගණන 150කට අධිකය. නිලන්ත ජයවර්ධන ජනාධිපතිවරයාට ඇමතුම් ගන්නා විට එම ඇමතුම යොමු වන්නේ දුරකතන හයෙන් එකකටය. එම ඇමතුම් සම්බන්ධිකරණය කරන්නේ පැජට් පාරේ පිහිටි නිවසෙනි. ඒ සදහා පුහුණුව ලැබූ ගුවන් නිලධාරීන් කණ්ඩායමක් සිටියේය. ජනාදිපතිවරයාට ලැබෙන දුරකතන ඇමතුම් සම්බන්ධීකරණය කළේ ඒ අය විසිනි.

විමර්ශන ඒකකයේ විශේෂ අවධානයකට යොමුවී ඇත්තේ පාස්කු ප්‍රහාරය සම්බන්ධයෙන් ඉන්දියාවෙන් ලද තොරතුර ලද අප්‍රේල් 04 වෙනිදා සිට ප්‍රහාරය එල්ලවූ දින දක්වා කාලය තුළ නිලන්ත ජයවර්ධනගෙන් ජනාධිපති මෛත්‍රීපාල සිරිසේනට ලද දුරකතන ඇමතුම් කෙරෙහිය. එහිද පෙනී ගොස් ඇත්තේ දෙදෙනා අතර සුපුරුදු ලෙස සම්බන්ධකම පැවැති බවකි. මෛත්‍රීපාල සිරිසේන ජනාධිපතිවරයා 16 වෙනිදා ප්‍රතිකාර සදහා සිංගප්පූරුවට ගොස් සිටියදීද නිලන්ත ජයවර්ධන ඔහු සමග දුරකතනයෙන් සම්බන්ධකම් පවත්වා ඇතැයි විමර්ශන නිලධාරීන් හෙළිකරගෙන ඇත්තේ සාක්ෂි සහිතවය.

පාස්කු ප්‍රහාරය එල්ලවීමට පෙරද නිලන්ත ජයවර්ධන සහ ජනාධිපතිවරයා අතර දුරකතන සම්බන්ධයක් පවත්වා ඇතත් මෛත්‍රීපාල සිරිසේන ජනාධිපතිවරයා පවසන්නේ තමා රෝහලේ වෛද්‍ය ප්‍රතිකාර ගනිමින් සිටි බැවින් එම ඇමතුම ගැන තමාට කිසිවක් මතකයේ නොමැති බවය. එහෙත් හිටපු ජනාධිපතිවරයා සිංගප්පූරු යන විට රැගෙන ගිය ඔහුගේ ශරීරාරක්ෂක පොලිස් පරීක්ෂකවරයාගෙන් කෙරනු ප්‍රශ්න කිරීම්වලදී පෙනී ගොස් ඇත්තේ එම ඇමතුම ලැබෙන විට ජනාධිපතිවරයා සිට ඇත්තේ රෝහලින් පිටත බවය. ඒ අනුව පාස්කු ප්‍රහාරය එල්ල වූ දින එම ප්‍රහාරයට පෙර ජනාධිපති මෛත්‍රීපාල සිරිසේන සහ නිලන්ත ජයවර්ධන අතර පැවැති දුරකතන සම්බන්ධතාවය තවමත් ඇත්තේ අභිරහසක් ලෙසිනි.

මෛත්‍රීපාල සිරිසේන ජනාධිපතිවරයා සදහන් කරන්නේ නිලන්ත ජයවර්ධන තමාට එම පාස්කු ප්‍රහාරය සම්බන්ධයෙන් වූ බුද්ධි තොරතුර ගැන දැනුවත් නොකිරීම ලොකු වරදක් බවකි. ඒ අනුව එම ඇමතුම ගැන නිලන්ත ජයවර්ධන ඉදිරි දිනකදී කුමක් සඳහන් කරයිද යන්න ගැන කොයි කවුරුත් සිටින්නේ විමසිලිමත්වය. ඒ එදා පාස්කු ප්‍රහාරය එල්ලවනු ඇතැයි විදෙස් බුද්ධි අංශයක් අනතුරු අඟවා තිබියදී නිලන්ත ජයවර්ධන එවකට සිටි ජනාධිපතිවරයා සමග ඒ ගැන කථා නොකර සතුටු සාමීචියේ නොසිටින බැවිනි.

Advertisement
Exclusive2 months ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Astrology11 months ago

2020 ලග්න පලාපල ඔබට කොහොමද?

Exclusive8 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Mahawanshaya1 year ago

ගම්දනාව බියවද්දමින් උලමා හොයන දේ

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology1 year ago

ඔබේ සහකරු ඉන්න තැන මෙන්න

Astrology1 year ago

නිවෙසේ උපකරණ සඳහා සුබම දිශාව

Exclusive7 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive7 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive9 months ago

රනිල්ගේ UNP එකයි සජිත්ගේ UNP එකයි

Exclusive1 year ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)