එක්සත් ජාතික පක්ෂ නායක රනිල් වික්‍රමසිංහ මහතාගේ ප්‍රධානත්වයෙන් අද (29) සිරිකොත පක්ෂ මූලස්ථානයේ පැවැති කෘත්‍යාධිකාරී මණ්ඩල රැස්වීමේදී සජිත් ප්‍රේමදාස මහතාගේ නායකත්වයෙන් යුත් සමගි ජන බලවේගය සමග එක්ව නාමයෝජනා අස්සන් කළ සාමාජිකයන් 99 දෙනකුගේ පක්ෂ සාමාජිකත්වය අත්හිටුවීමට තීරණය කර ඇත.
එමෙන්ම එක්සත් ජාතික පක්ෂයේ නියෝජ්‍ය නායක ධූරයෙන් සජිත් ප්‍රේමදාස මහතා ඉවත් කිරීමටත් පියවර ගෙන ඇත.
මීට අමතරව එජාපය නියෝජනය කරන සියලුම නාගරික සහ ප්‍රාදේශීය සභා මන්ත්‍රිවරුන්ට ඉදිරි මහමැතිවරණයේදී එජාපය ජයග්‍රහණය කරවීම සදහා වැඩ කටයුතු කරන ලෙස දැනුම් දීමටත්, එම සෑම නියෝජිතයකුගේම නිවෙසේ එජාප කාර්යාලයක් විවෘත කරන ලෙස දැනුම් දීමටත් තීරණය වී ඇත.
එසේ පක්ෂ කාර්යාලයක් සිය නිවෙසේ විවෘත නොකරන නාගරික සහ ප්‍රාදේශීය සභා මන්ත්‍රිවරුන් සම්බන්ධයෙන් විනය ක්‍රියාමාර්ග ගැනීමටත් අද පැවැති එජාප කෘත්‍යාධිකාරී මණ්ඩල රැස්වීමේදී තීන්දු වී තිබේ.
