Connect with us
Redmi 9C
Advertisement

Exclusive

මේනියා එපා: වහාම ජනතාවට සහන දෙන්න

Published

on

ඉකුත් වතාවේ කොරෝනා අර්බූදය අතරතුර මැතිවරණ මේනියාවක සිටි ආණ්ඩුව මෙවර කොරෝනා සමයේ විසි වන ව්‍යවස්ථා සංශෝධන මේනියාවේ එල්ලී සිටින බව විපක්ෂ නායක සජිත් ප්‍රේමදාස මහතා සදහන් කර සිටී.

එම නිසා මෙම බල අරගලය නවතා වහාම ජනතාවට සහන සැලසීමට පියවර ගන්නා ලෙසද විපක්ෂනායකවරයා ආණ්ඩුවෙන් ඉල්ලා ඇත.

නිවේදයක් නිකුත් කරමින් ඒ මහතා මේ බව පෙන්වා දී ඇත.

එම සම්පූර්ණ නිවේදනය මෙසේය.

දේශපාලන බල අරගලය වෙනුවට ජනතාවට වහාම සහන සලසනු.

මිනුවන්ගොඩ කේන්ද්‍රගතකොට හමුවූ කොරෝනා පොකුර රට පුරා තැන තැන ව්‍යාප්තව පවතින අතර එම තත්ත්වය එදිනෙදා ජන ජීවිතවලට බරපතල තර්ජනයක් එල්ල කිරීමට හේතු වී තිබේ. මේ වනවිටත් ප්‍රදේශ කිහිපයකට ඇදිරිනීතිය පනවා ඇති අතර තර්ජිත ප්‍රදේශ කිහිපයක් හුදකලා කොට තිබේ.

සහමුලින්ම රජයේ නොසැලකිලිමත් බව හේතුකොටගෙන කොරෝනා දෙවෙනි රැල්ල ඇතිවූ බව සත්‍ය තත්ත්වය යි. එහෙත් මේ ව්‍යසනය ආරම්භ වූ දා සිටම අප නිරන්තරයෙන්ම අවධාරණය කළේ කොරෝනා ව්‍යසනය තුරන් කිරීමට ආණ්ඩුවට කොන්දේසි විරහිතව සහය ලබා දෙන බවයි. කෙසේ වෙතත් මේ ව්‍යසනය මොහොතේ පවා ආණ්ඩුව සුපුරුදු දේශපාලන සූදුවෙහි යෙදෙමින් සිටින අතර ව්‍යසනයේ පීඩාව අත්විදින ජනතාව පිළිබඳව ආණ්ඩුව කිසිදු තැකීමක් නොකරන බව වගකීමෙන් යුතුව ප්‍රකාශ කරමු.

කොරෝනා ව්‍යසනය ආරම්භ වූ වකවානුවේ මැතිවරණයක් ආසන්නව පැවැති නිසා එදා කොරෝනා ව්‍යසනය දේශපාලන ව්‍යාපෘතියක් බවට ආණ්ඩුව පත් කරගත්තේය. සිය ප්‍රාදේශීය දේශපාලන නියෝජිතයින් ලවා ජනතාවට අවිධිමත් ලෙස රු.5000/-ක දීමනාව බෙදා දීමට කටයුතු කළ ආණ්ඩුව මෙදා මිනුවන්ගොඩ  ඇතුලු ප්‍රදේශවල ජනතාවගේ කඩා වැටුණු ජන ජීවිත දෙස නෑසූකන්ව සිටීම කනගාටුවට කරුණකි.

කොරෝනා ආසාදිතයින් හමුවන නිවෙස් පිළිබදව විධිමත්ව සෞඛ්‍යමය ක්‍රියාමාර්ග ගැනීමට කටයුතු නොකිරීමත්, එදිනෙදා ජීවිත පවත්වාගෙන යාමට අවශ්‍ය දීමනාවක් හෝ ද්‍රව්‍යමය සහනයක් හෝ ලබා දීමට ආණ්ඩුව මේ දක්වා විධිමත් ක්‍රියාමාර්ග නොගැනීමත් අවාසනාවන්ත තත්ත්වයකි.

මැතිවරණ සමයක එක් පිළිවෙතකුත්, මැතිවරණ නැති සමයක තවත් පිළිවෙතකුත් අනුගමනය කරන ආණ්ඩුව ජනතාව කෙරෙහි දක්වන ආකල්පය මනාව ඔප්පු කරමින් සිටී. ගියවර මැතිවරණ මේනියාවක යෙදෙමින් කොවිඩ්19 සමග සෙල්ලම් කළ ආණ්ඩුව මෙවර ආණ්ඩුක්‍රම ව්‍යවස්ථා සංශෝධන මේනියාවක යෙදෙමින් කොවිඩ්19 සමග සෙල්ලම් කරමින් සිටී.  ඔවුන් සෙල්ලම් කරන්නේ ජනජීවිත සමග බව ආණ්ඩුව වටහාගත යුතුය.

මේ මොහොතේ හුදු බලලෝභය සහ පටු දේශපාලන උවමනාව පසෙක දමා පීඩාවට පත් ජනතාවට කෙටිකාලීන, මධ්‍යකාලීන සහ දිගුකාලීන සහන සැලසීමේ ක්‍රියාවලියකට අවතීර්ණ වනලෙස අපි ආණ්ඩුවට නැවත නැවතත්  බලකර සිටිමු.

Advertisement
Advertisement