ජනතා විමුක්ති පෙරමුණේ නායක අනුර කුමාර දිසානායක මහතා මාධ්‍ය හමුවකට එක්වෙමින් කර්මාන්ත අමාත්‍ය විමල් වීරවංශ මහතාගේත්, විපක්ෂ නායක සජිත් ප්‍රේමදාස මහතාගේත් ක්‍රියාකලාපය දැඩිව විවේචනය කිරීමට කටයුතු කළේය.
එහිදී 20 වන සංශෝධනයේදී වීරවංශ මහතා ක්‍රියා කළ ආකාරය දැඩිව විවේචනය කළ ජවිපෙ නායකයා වීරවංශලාගේ දේශපාලනයත්, මතවාදයත් අවසන්ව ඇති බව කියා සිටියේය.
ආණ්ඩුව වීරවංශගේ වම් කනට ගසා නිහඩ කොට ඇති බවත් ඒ මහතා කීය.
එමෙන්ම මයික් පොම්පියෝ මහතාගේ දකුණු ආසියානු කලාපය සංචාරය මුල්කරගෙන බරපතළ භූ දේශපාලනික තත්ත්වයක් නිර්මාණය වී තිබියදී ඒ පිළිබද කතා නොකර විපක්ෂ නායකවරයා ෂවේන්ද්‍ර සිල්වා මහතාගේ අමෙරිකානු ගමන් තහනම පිළිබද කතා කිරීම ළදරු වැඩක් බවද ඒ මහතා කියා සිටියේය.
