Connect with us
Redmi 9C
Advertisement

Exclusive

20 මැද මෝඩි මහින්දට කතා කළේ ඇයි? (උපුල් ජෝශප් ප්‍රනාන්දුගේ ගුරුදා විග්‍රහය)

Published

on

ඉන්දියාව සිය කලාපය වන දකුණු ආසියාවේ රටවල හමුදා නායකයන් රාජ්‍ය නායකයන් බවට පත්වීම ගැන දක්වන්නේ නොසන්සුන්තාවයකි. එයට හේතුව පාකිස්තානයේ බලයට පත් සියා උල්හක් මෙන්ම මුෂාරෆ්ද, බංග්ලාදේශයේ බලයට පත් එර්ෂාඞ්ද කලාපය තුළ ඉන්දීය විරෝධී කල්ලි නිර්මාණය කිරීමට පුරුදුව සිටි නිසාය. වරක් ලංකාවේ හිටපු ජනාධිපති ජේ. ආර්. ද මේ කල්ලියට එක්වී සිටියේය. එකල ඇමෙරිකාව දකුණු ආසියාවේ සියා උල්හක්, අර්ෂාඞ්, ජේ. ආර්. සහෝදර කල්ලිය දකුණු ආසියාවේ ලොකු අයියා වූ ඉන්දියාවට එරෙහිව මෙහෙයවීය. ඉන්දියාවට මේ මතකය තිබේ. දැන් ඉන්දියාව ඇමෙරිකාවේ සහෝදරයෙක් වුවද දකුණු ආසියාවේ චීනයට ළැදි පාකිස්තානු හිතවාදී නායකයන් ගැන ඉන්දියාව ඉන්නේ ඇහැ ගහගෙනය.

2010 ජනාධිපතිවරණයේදී එක්සත් ජාතික පක්‍ෂය සහ ජනතා විමුක්ති පෙරමුණ පොදු අපේක්‍ෂකයෙක් ලෙස හිටපු හමුදාපති ජෙනරාල් සරත් ෆොන්සේකාව ඉදිරිපත් කළ විට චීන ළැදි මහින්ද ගැන ඉන්දියාවට ප්‍රශ්න තිබුණත්, ඉන්දියාව මහින්ද දිනනවාට කැමැත්තෙන් සිටියේය. ෆොන්සේකා ජනාධිපතිවරණයෙන් දිනනවාට වඩා මහින්ද ජනාධිපතිවරණයෙන් දිනනවාට ඉන්දියාව වඩා කැමැති බව ඉන්දීය මාධ්‍ය ඉඟි කළේය. එකල පාකිස්තාන මාධ්‍යයක් වන ‘ද නේෂන්’ පුවත්පත වාර්තා කළේ ෆොන්සේකාව හමුදාපති ධුරයෙන් ඉවත් කරන ලෙසට මහින්දට උපදෙස් දුන්නේ ඉන්දියාව බවය. මහින්ද ෆොන්සේකාව ඉවත් කළේ ෆොන්සේකා හමුදා කුමන්ත්‍රණයකින් බලය අල්ලන්න යන බවට ඉන්දියාව දුන් තොරතුරු මත යැයි එකල එම පුවත්පත වාර්තා කළේය. එය සත්‍ය වාර්තාවක් යැයි කිව නොහැකි වුවත් ෆොන්සේකා තමිල්නාඩු දේශපාලනඥයන් විකටයන් ලෙස හැඳින්වීම සහ යුද්ධය දින්නාට පසු උතුරට ගොස් හමුදාව අමතා තමන් දිනාගත් භූමිය දේශපාලන විසඳුමක් කියා දමිළ ජනතාවට පූජා කිරීමට තමන් තරයේ විරුද්ධ යැයි ඔහු කළ ප්‍රකාශයට ඉන්දියාව එළිපිටම විරෝධය දැක්වීය. යුද ජයග්‍රහණයෙන් පසු යුද නායකයන් ලංකාවේ පාලනය සියතට ගනු ඇතැයි ඉන්දියාව බිය නොවුණා නම් පුදුමය. ඒත් 2010 ජනාධිපතිවරණ පරාජයෙන් පසු ඉන්දියාව ෆොන්සේකා සමඟ දැඩි සමීප සබඳතාවක් ගොඩනඟා ගත්තේ ඔහු හමුදා හැව අතහැර දේශපාලනඥයෙක් ලෙස මතු වූ නිසාය.

ෆොන්සේකාගේ ඉවත් වීමෙන් පසු මහින්දගේ ආණ්ඩුවේ ආරක්‍ෂක ලේකම් ගෝඨාභය රාජපක්‍ෂ ගැනද ඉන්දියාවට මේ බිය තිබුණේය. වරක් ඉන්දීය මාධ්‍ය වාර්තා කළේ ඉන්දීය ආරක්‍ෂක උපදේශක අජිත් දොවාල් ගෝඨාභයව ඉන්දියාවට ගෙන්වා කොළඹ වරායට චීන සබ්මැරීන්වලට එන්න ඉඩ දීම ගැන විරෝධය පළ කොට තිබියදීත් ගෝඨාභය දෙවැනි චීන සබ්මැරීනයටද ලංකාවට එන්න ඉඩ දුන් බවය.

මේ නිසාම 2015 ජනාධිපතිවරණයෙන් පරාජය වී මැදමුලනට ගිය මහින්ද ඉන්දීය අගමැති මෝඩි ලංකාවට ආ විටදී ඔහුව හමුවෙන්න අවස්ථාවක් ඉල්ලූ විටදී ඒ හමුවට ගෝඨාභය පැමිණීම ගැන ඉන්දියාව එතරම් සතුටු නොවීය. එහිදී මෝඩි ගෝඨාභය සමඟ කතා කළ බවක්ද වාර්තා නොවීය. මෙය ඉවෙන් දැනගෙන ගෝඨාභය ගැන ඉන්දියාව තුළ විශ්වාසය ඇති කළේ බැසිල්ය. බැසිල් එය කළේ මහින්ද හරහාය. මහින්ද ඉන්දියාව එක්ක ගනුදෙනු කරන්නේ ඉතා සූක්‍ෂ්මවය. 2015 ජනාධිපතිවරණයෙන් තමාව පරාජය කරන්න ඉන්දියාව ගේමක් ගහපු බව දැන දැන මහින්ද මෝඩි හෝ මෝඩිගේ ආණ්ඩුවට එරෙහිව වචනයක්වත් කීවේ නැත. ඔහු කීවේ මෝඩි සහ ආණ්ඩුව නොදැන ඉන්දීය බුද්ධි අංශ තමාව පරද්දන්න කුමන්ත්‍රණය කළ බවය. අනෙක ඉන්දියාව තමන්ව පරාජය කරන්න හවුල් වූවා කියා මහින්ද ඉන්දියාව එක්ක තරහ නොවීය. ඔහු ඉන්දියාවට තව තවත් ළං විය. ඉන්දියාවේ ගාන්ධිවරුන් බලයේ සිටියදී මහින්ද ගාන්ධිවරුන්ට සමීප මාධ්‍ය ප්‍රධානියකු වූ හින්දු කර්තෘ එන්. රාම් ළංකර ගෙන ගාන්ධි පවුලේ හොඳ හිත දිනා ගත්තේය. මෝඩිගේ ආණ්ඩුවේ මෝඩිට සමීප ජනතා පක්‍ෂයේ නායක සුබ්‍රමානියම් ස්වාමි ළංකරගෙන මෝඩිගේ හිත දිනා ගන්න උත්සාහ ගත්තේය. මහින්ද සහ බැසිල් කෙසේ හෝ 2019 ජනාධිපතිවරණයේදී ඉන්දියාව නිෂ්ක්‍රීය කොට තබා ගන්න සමත් විය. ඉන්දියාව ජනාධිපතිවරණයේදී මධ්‍යස්ථ චරිතයක් රඟපෑම ගැන තමා සතුටු වන බව බැසිල් ප්‍රසිද්ධියේ කීවේය.

ගෝඨාභය ඉන්දියාවට අලුත් චරිතයකි. කාලයක් ඉන්දියාව සැකයෙන් බලපු චරිතයකි. ඒත් මහින්ද ඉන්දියාව 90 දශකයේ සිට ගනුදෙනු කරන දන්නා කියන චරිතයකි. 2015 ඉන්දියාවට අලුත් චරිතයක් වූ මෛත්‍රිපාල ගැන ඉන්දියාවට චරිත සහතික දුන්නේ ඉන්දියාව සමඟ ගනුදෙනු කර පුරුදු චන්ද්‍රිකා සහ රනිල්ය. 2019 ගෝඨාභය වෙනුවෙන් ඉන්දියාවට චරිත සහතික දුන්නේ මහින්ද සහ බැසිල්ය. ගෝඨාභය ජනාධිපති වෙද්දී මහින්ද අගමැති වීම ගැන ඉන්දියාව සතුටු වන්න ඇත. මහින්ද ඡන්දයකින් අගමැති වීමට පෙර ඉන්දියාව මහින්දව ඉන්දියාවට ගෙන්වාගෙන රාජ්‍ය ගෞරව දුන්නේ මහින්ද ඉන්දියාවේ අවශ්‍යතා හඳුනාගෙන ඒ අවශ්‍යතා ආරක්‍ෂා කරයි යන හැඟීමෙන් විය යුතුය. ඒ අතර ගෝඨාභයද ඉන්දියාව සමඟ සමීප සබඳතාවක් ගොඩනඟා ගත්තේය.

හමුදා නායකයකු වූ ගෝඨාභයගේ ජනාධිපති ධුරය ගැන ඉන්දියාවට ප්‍රශ්නයක් නැති වුණත් 20 වැනි සංශෝධනයෙන් මහින්දගේ තටු කැපීම ගැන ඉන්දියාව අවධානයෙන් සිටින බව පෙනෙන්න තිබේ. ඉන්දියාව 20 වැනි සංශෝධනය ගැන වචනයක්වත් කතා කරන්නේ නැත. 19 වැනි ව්‍යවස්ථා සංශෝධනය ගැන වචනයක්වත් කතා කළේද නැත. ඇත්තටම ඉන්දියාවට ප්‍රශ්නයක් තියෙනවා නම් ප්‍රශ්නය තියෙන්නේ 20 වැනි සංශෝධනයට වඩා නව ව්‍යවස්ථාව ගැනය. ඉන්දියාව බය වන්නේ අලුත් ව්‍යවස්ථාවෙන් 13 වැනි ව්‍යවස්ථා සංශෝධනය අහෝසි කරයිද කියන එක ගැනය. ගෝඨාභයගේ ආණ්ඩුව පළාත් සභා බාර දී ඇත්තේ පළාත් සභා අහෝසි කළ යුතුය කියන සරත් වීරසේකරටය. ගෝඨාභයගේ ආණ්ඩුව ඉන්දියාවේ ලංකා මහ කොමසාරිස් ලෙස පත් කර යවන්නේ පළාත් සභා අහෝසි කළ යුතුය කියන මිලින්ද මොරගොඩවය.

ඉතින් ඉන්දියාව නොසන්සුන් වීම පුදුමයක් නොවේ. ඉන්දියාව තිගැස්සෙන මේ සියල්ල මධ්‍යයේ ඉන්දියාව විශ්වාසය දිනාගෙන සිටින මහින්දගේ තටු කපන 20 වැනි ව්‍යවස්ථා සංශෝධනය ඇවිත් තිබේ. 20 වැනි ව්‍යවස්ථා සංශෝධනය ගැන වචනයක්වත් නොකියා මෝඩි හිටි හැටියේ මහින්ද එක්ක ද්විපාර්ශ්වික සාකච්ඡා පටන්ගෙන 13 ආරක්‍ෂා කළ යුතු යැයි කීවේ ඉන්දියාව තවමත් විශ්වාස කරන්නේ මහින්දගේ වචනය යන පණිවුඩය ලංකාවට දෙන්නය. ඉන්දීය මාධ්‍ය වාර්තා කළේ මෝඩි මෙලෙස අන්තර්ජාලය හරහා ද්විපාර්ශ්වික සාකච්ඡා පවත්වපු දකුණු ආසියාවේ පළමු රට ලංකාව කියාය. පළමු නායකයා මහින්ද කියාය. මීට පෙර ඔහු මෙවැනි සාකච්ඡාවක් පවත්වා තිබුණේ ඕස්ටේ්‍රලියානු අගමැති සමඟය.

‘මෝඩි කළේ මහින්දව ශක්තිමත් කිරීමද…’

කියන්න දන්නේ නැත. ඒත් මෝඩි සහ ඉන්දියාවේ මේ හදිසි මහින්ද වන්දනාව ගැන ගෝඨාභය කොහොම හිතනවාද කියා දන්නේ ගෝඨාභය විතරමය.

උපුල් ජෝශප් ප්‍රනාන්දු

Advertisement
Exclusive6 days ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive7 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology10 months ago

2020 ලග්න පලාපල ඔබට කොහොමද?

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology11 months ago

ඔබේ සහකරු ඉන්න තැන මෙන්න

Mahawanshaya1 year ago

ගම්දනාව බියවද්දමින් උලමා හොයන දේ

Exclusive6 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive6 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Astrology1 year ago

නිවෙසේ උපකරණ සඳහා සුබම දිශාව

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive7 months ago

රනිල්ගේ UNP එකයි සජිත්ගේ UNP එකයි

Exclusive12 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)