හිටපු බන්ධනාගාර හා සිරකරුවන්ගේ පුනරුත්ථාපන රාජ්‍ය අමාත්‍ය ලොහාන් රත්වත්තේ මහතා සම්බන්ධ බවට චෝදනා කෙරෙන සිදුවීම පිළිබදව සොයාබැලීම සදහා ශ්‍රී ලංකාවේ මානව හිමිකම් කොමිසම ඊයේ (15) අනුරාධපුර බන්ධනාගාරයට ගොස් ඇත.
මෙම සංචාරයේදී අනුරාධපුර බන්ධනාගාර සංකීර්ණයේ සිරකරුවන් සහ බන්ධනාගාර නිලධාරීන් සමග සාකච්ජා කිරීමට මානව හිමිකම් කොමිෂන් සභාව පියවර ගෙන තිබේ.
මෙහිදී සිරකරුවන් සහ නිලධාරීන් එකිනෙකට වෙනස් කරුණු ප්‍රකාශ කොට ඇති අතර එම සිද්ධිය සත්‍යයක් බව සිරකරුවන් පවසා ඇත. නමුත් නිලධාරීන් පවසා ඇත්තේ තමන් එවැන්නක් නොදුටු බවත්, තමන් එළියට වී ඇමැතිවරයාට ආරක්ෂාව සැපයූ බවත්ය.
මෙම සිදුවීම සිදු වූ බව ජේලර්වරුන් ප්‍රතික්ෂේප කරන්නේදැයි විමසීමේදී කොමසාරිස් ආචාර්ය නිමල් කරුණාසිරි මහතා කියා සිටියේ “ඇමතිවරයාගේ ආරක්ෂාව තහවුරු කරමින් ජේලර්වරු බන්ධනාගාරය වටා යන බැවින් එවැන්නක් තමන් නො දුටු බව ජේලර්වරු කියා සිටි බවයි.
තවදුරටතවදුරටත් ආචාර්ය කරුණාසිරි කියා සිටියේ රත්වත්තේ ඇතුළු සිද්ධියට සම්බන්ධ සියලු පාර්ශවයන්ගෙන් ප්‍රකාශ ලබා ගන්නා තුරු නිගමනයකට එළඹිය නොහැකි බවයි.
