රුසියාව විසින් යුක්රේනය ආක්‍රමණය කිරීමට විරුද්ධව රුසියාවේ ක්‍රියාත්මක වූ ගෝලීය වෙලඳ සන්නාමයන් රැසක් රුසියාවේ සිය ව්‍යාපාර කටයුතු නතර කිරීමට තීරණය කරා.
ඒ අනුව යමින් ඇමරිකානු සමාගමක් වූ මැක්ඩොනල්ඩ් ආයතනයද රුසියාවේ සිදුකල සිය ව්‍යාපාරික කටයුතු සම්පූර්ණයෙන්ම නතරකර දමා ඒ වන විට පවත්වාගෙන ගිය අවන්හල් 800කට වැඩි ප්‍රමාණයක් සියළුම උපකරණ සමඟ රුසියානු ව්‍යාපාරිකයෙකු වූ ඇලෙක්සැන්ඩර් ගෝවර්ට විකුණා දමා තිබුනා.
ඔහු විසින් අද නැවත වතාවක් මැක්ඩොනල්ඩ් ආකාරයේම අවන්හලක් රුසියාවේ ආරම්භ කිරීමට කටයුතු කරා.
Rebrand කරන ලද එම අවන්හල් ජාලය “Vkusno i Tochka”, නමින් නම් කිරීමට පියවර ගෙන තිබූ අතර එහි සරළ තේරුම ලෙස “රසවත් සහ එයමයි” ලෙසින් හඳුනාගෙන තිබෙනවා.
නව සමාගමේ වෙලඳ ලකුණ ලෙස මැක්ඩොනල්ඩ්ස් හී ඉංග්‍රීසි M අකුර වෙනුවට රන් පැහැති ආරුක්කුවක් මැක්ඩොනල්ඩ්ස් හී සුප්‍රකට ආහාරයක් වන ප්‍රෙන්ච් ප්‍රයිස් දෙකක් සහ බර්ගර් එකක් යොදාගෙන තිබෙනවා.
මීට වසර 32 කට පෙර මොස්කව් නගරයේ පළමු මැක්ඩොනල්ඩ් අවන්හල විවෘත වූ පුෂ්කින් චතුරශ්‍රයේ නව අවන්හල් ජාලයේ ප්‍රථම අවන්හල විවෘත කරමින් එහි හිමිකරුවන් ප්‍රකාශ කලේ නව අවන්හලේ ගනුදෙනුකරුවන් මැක්ඩොනල්ඩ් සමඟ විශාල වෙනසක් නොදකිනු ඇති බවයි.
අපගේ ඉලක්කය වන්නේ ගණුදෙනුකරුවන්ට ආහාර ගුණාත්මකභාවයේ හා අවන්හල් පරිසරයේ වෙනසක් නොමැතිව සේවාව සැපයීම බවයි.
ආහාර වල සංයුතියේ කිසිඳු වෙනසක් සිදුනොකරන අතර මැක්ඩොනල්ඩ් ආයතනය දමා ගිය සියළු උපකරණ භාවිතා කිරීමට නියමිත වේ.
1990 වසරේදී මැක්ඩොනල්ඩ්ස් පැමිණීම සෝවියට් රුසියාව බටහිර අදහස්, බටහිර සංස්කෘතිය, බටහිර ආහාර වැලඳගැනීමේ සංකේතයක් වුනු අතර අද සිදුවෙමින් පවතින දේ රුසියාව සහ බටහිර රටවල් වෙන්වී යන ආකාරය පිළිබඳ සංකේතයක් ද වේ.
සයිබීරියානු තෙල් අධිපතියෙකු වන ගෝවර් මහතා, rebranding කරන ලද මැක්ඩොනල්ඩ් අවන්හල් 850 න් හතරෙන් එකක් පමණ මාසය අවසන් වන විට නැවත විවෘත කිරීමට අපේක්ෂා කරයි.
යුද්ධය හේතුවෙන් ඇති වූ “මානුෂීය අර්බුදය” සහ “අනපේක්ෂිත මෙහෙයුම් පරිසරය” හේතුවෙන් රුසියාවෙන් ඉවත් වන බව මැක්ඩොනල්ඩ්ස් පසුගිය මාසයේ නිවේදනය කළේය.
රුසියාව සහ යුක්රේනය පසුගිය වසරේ මැක්ඩොනල්ඩ්ගේ ගෝලීය විකුණුම් වලින් 9% ක් පමණ විය.
තිලාන් ජයසේකර
බ්‍රිතාන්‍යයේ ලන්ඩන් නුවර සිට.
