ජනාධිපති කාර්ය සාධක බළකායේ ප්‍රධානියා ලෙස කටයුතු කරන බැසිල් රාජපක්ෂ මහතා රටට විපත්තියක් සිදු වූ වෙලාවේ රටින් බැහැරට යාම කනගාටුදායක කරුණක් බව පූජ්‍ය මුරුත්තෙට්ටුවේ ආනන්ද හිමියෝ පැවසූහ.
පෞද්ගලික කාරණාවකට යාම හේතුවෙන් එයට බලපෑම් කළ නොහැකි වුවත් රටේ තත්වය මත එය නොකළ යුතු ක්‍රියාවක් බව උන්වහන්සේ සඳහන් කළහ.
විපක්ෂ නායක සජිත් ප්‍රේමදාස මහතා සහ බුද්ධික පතිරණ වැනි මන්ත්‍රීවරුන් ජනතාවට ලබා දී අවසන් වන තෙක් එන්නත් ලබා නොගන්නා බව පවසා ඇති බවත් එය අගය කළ යුතු බවත් උන්වහන්සේ පැවසූහ.
මීට පෙරද රටේ මෙවැනි තත්වයක් ඇති වූ විට බැසිල් රාජපක්ෂ මහතා රටින් පිට වූ බව සිහිපත් කළ මුරුත්තෙට්ටුවේ ආනන්ද හිමියන් කියා සිටියේ බැසිල් රාජපක්ෂ මහතා ඉදිරියේ තම වැඩකටයුතු සම්බන්ධයෙන් නැවත සිතා බලා කටයුතු කළයුතු බවයි.
