Connect with us
Redmi 9C
Advertisement

Heart

අධ්‍යක්ෂවරුන් එක්ක අයුතු යෝජනා සම්බන්ධ නෑ

Published

on

රිතු ඉතින් කොහොමද?
හොඳින් නිර්මාණ කටයුතු කරගෙන යනවා.
මේ දවස්වල ටෙලිනාට්‍ය කිහිපයකම රිතුව අපට මුණගැසෙනවා. එය ගැන කතා කළොත්?
මහා විරු පාණ්ඩු, ඇය, ටෙලිනාට්‍ය දෙකම මේ දවස්වල විකාශය වෙනවා. එයට අමතරව දනුෂ්ක රත්නායක අධ්‍යක්‍ෂණය කරන ‘දාම්’ ටෙලිනාට්‍යයේ රූපගත කිරීම් සඳහා යොමුවෙලා ඉන්නවා.
‘මහාවිරු පාණ්ඩු’ ටෙලිනාට්‍යයේ බුම්බක භූතා චරිතය ගැන බොහෝ දෙනෙක් කතාබහ කරනවා නේද?
ඇත්තටම ඔව්. එය වෙනස්ම අත්දැකීමක්. ඒ චරිතය වෙනුවෙන් මම ගොඩාක් කැපවුණා. ඒ චරිතය පිළිබඳ පොතපත හරහා දැනුම ලබාගත්තා. ඒ විතරක් නෙවේ මහාවිරු පාණ්ඩු ටෙලිනාට්‍යයේ අධ්‍යක්‍ෂ සනත් අබේසේකර පණ්ඩුකාබය රජු සම්බන්ධ පොතපත ගෙනත් දුන්නා මට. මගේ චරිතය ගැන අවබෝධයක් මට ඔහු ලබා දීමත් මහාවිරු පාණ්ඩු කණ්ඩායම දුන්නු ශක්තිය මගේ චරිතයට නව එළියක් ගෙන දුන්නා.
ඔබව දැන් එෛතිහාසික ටෙලිනාට්‍ය රැල්ලකට කොටුවෙලා කිව්වොත්..?
ඔබ නිවැරැදියි. ඒත් ඒ කොටුවීමට මම කැමැතියි. මොකද අපේ ඓතිහාසික කතාවන්වලට මම ගොඩාක් කැමැතියි. ඒ චරිතවල අපට දෙයක් කිරීමට තිබෙනවා. ඒ විතරක් නෙවේ. ආවට ගියාට රඟපාන්න බැහැ. හොඳ අවබෝධයකින් ඒ චරිත ජීවමාන කළ යුතුයි. ප්‍රේක්‍ෂකයන් වුණත් එවැනි නිර්මාණ නැරැඹීමට ලොකු නැඹුරුවක් තිබෙන බව ලැබෙන ප්‍රතිචාරත් එක්ක මට හිතෙනවා. මෙයට කලිනුත් එවැනි ඓතිහාසික ටෙලිනාට්‍ය කිහිපයකට මම සම්බන්ධ වෙලා වැඩ කළා.
එක පැත්තකින් හොඳ ප්‍රතිචාර ලැබෙන කොට තවත් පැත්තකින් මගතොටදී බැනුම් අහනවා?
‘ඇය’ ටෙලිනාට්‍යයේ මගේ චරිතය වෙනුවෙන් තමයි එවැනි ප්‍රතිචාර ලැබෙන්නේ. මම වෙන කෙනෙක්ගේ ස්වාමි පුරුෂයෙක් අරගෙන කියලා. චරිතයේ තිබෙන සාර්ථකත්වය නිසාම තමයි එවැනි ප්‍රතිචාර මට ලැබෙන්නේ. ගොඩාක් ආශාවෙන් මම වැඩ කරපු ටෙලිනාට්‍යයක් ‘ඇය’ ටෙලිනාට්‍යය. එයට විශේෂම හේතුව ටෙලිනාට්‍යයේ අධ්‍යක්‍ෂ සමන් කුමාර ලියනගේ තමයි මට ටෙලිනාට්‍ය ක්‍ෂේත්‍රයට සම්බන්ධ වීමට අවස්ථාව සලසා දුන්නේ. මම මුලින්ම සම්බන්ධ වුණේ ප්‍රදීප් ධර්මදාස අධ්‍යක්‍ෂණය කළ ‘හිරු තනිවෙලා’ ටෙලිනාට්‍යයට තමයි.
වර්තමානයේ ටෙලිනාට්‍ය රංග ශිල්පීන් හොඳ චරිත ලබා ගැනීම සඳහා අධ්‍යක්‍ෂවරුන් සමඟ විශේෂ සම්බන්ධකමක් තිබෙනවා. ඔබත් එහෙමද?
කවදාවත් මම එහෙම අධ්‍යක්‍ෂවරුන් සමඟ විශේෂ හිතවත් සම්බන්ධකම් පවත්වන්න යන්නේ නැහැ. මම හිතවත් සම්බන්ධකම් පවත්වන්නේ ටෙලිනාට්‍ය කණ්ඩායමත් සමඟ. එහෙම එකම පවුලක් විදියට වැඩ කරනකොට හරිම පහසුයි. මට එහෙම ඔබ ඔය කියන විදියේ අධ්‍යක්‍ෂවරුන් හමුවෙලත් නැහැ. මම වැඩ කරලත් නැහැ. එහෙම අයුතු යෝජනා සම්බන්ධකම් මම පවත්වලත් නැහැ.
දවසින් දවස අලුත් පරපුරවල් මේ ක්‍ෂේත්‍රයට එකතු වෙනවා, නැතිවෙනවා. ඒ අතර ඔබේ ස්ථාවරය හදාගත්තෙ කොහොමද?
එහෙම ගොඩදෙනෙක් එක රැයකින් ජනප්‍රිය වෙලා තරු බවට පත්වුණු අයත් ඉන්නවා. ඒ අතර ඉන් කිහිප දෙනයි රැඳිලා ඉන්නේ. ජනප්‍රිය වුණු පළියට ආඩම්බර විය යුතු නැහැ. මම ආඩම්බර වෙන්නේ මම රඟපාලා මගේ චරිතයේ හොඳ, නරක මට කියනකොට. එතකොට මට මං ගැන වටිනාකමක් දැනෙනවා.
ඒ වටිනාකම තවත් වැඩිවෙන කොට තවත් සමහරු ගොසිප් මවනවා නේද?
ගොසිප් එක දැන් ටේ‍රන්ඞ් එකක් වෙලා. හැබැයි මට එහෙම ගොසිප් හැදිලා නැහැ. රිතු ආකර්ෂා අර ටෙලිනාට්‍යයේ අහවල් චරිතය හොඳට රඟපානවා කියලා එවැනි ගොසිප් අහන්න මම කැමැතියි. මොකද අපි ගොඩාක් කැපවෙලා, මහන්සිවෙලා තමයි නිර්මාණයක වැඩ කරන්නේ. ඒ චරිත හෑල්ලුවට දානවාට මම කැමැති නැහැ.
ඔබ චරිත තෝරා ගැනීමේදී ඔබ පිටුපස තවත් කවුරු හරි ඉන්නවාද? විශේෂ කෙනෙක්.. අපි නොදන්න?
එහෙම විශේෂ කෙනෙක් මට තවම නැහැ. මට එහෙම බලපෑම් එල්ල කරන්න කවුරුත් නැහැ. පිටපතක චරිත තෝරා ගැනීමේදී එහි පළමු ප්‍රේක්‍ෂකයා මම. මම සතුටක් ලැබුවේ නැත්නම් මම ඒ චරිතයට සම්බන්ධ වෙන්නේ නැහැ.
විවිධ නිර්මාණවල සුවිශේෂී චරිත රඟපෑවත්, තවමත් සම්මානයක් ලැබුණේ නැහැ නේද?
‘උතුම් පැතුම්’ ටෙලිනාට්‍යයේ ජනප්‍රිය නිළියට නිර්දේශ වුණා. මෙගා ටෙලිනාට්‍යවල තමයි විවිධ චරිත රඟපෑවේ. මම කැමැති හොඳ සීරියස් චරිතයක් රඟපාන්න හොඳ නිර්මාණයක. බලමු ඉතින් ඉදිරියේදී.
වසන්ත විතාරණගේ

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Mahawanshaya1 year ago

ගම්දනාව බියවද්දමින් උලමා හොයන දේ

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)