Connect with us
Redmi 9C
Advertisement

Heart

අපූර්වත්වය පිරි ඒ හඬ අමරණීයයි

Published

on

සකල වූ ලෝක ධාතුව ඉතාම දරුණු ලෙස වටලමින් ‘කෝවිඞ්-19’ හෙවත් කොරෝනාව කළ හිතක්, පපුවක් නැති විනාශයෙහි තවත් එක් අතුරු ප්‍රතිඵලයක කටුක පුවතක් පසුගිය අගෝස්තු මස අග භාගයෙහි ලොව පුරා පැතිර ගියේය.

ඒ සුප්‍රසිද්ධ ඉන්දියානු ගායක එස්. පී. බාලසුබ්‍රමනියම්ගේ දුක්ඛිත මරණයයි.
ඉලක්කමක් ලෙස ගත් කල බාලසුබ්‍රමනියම් වයස 74ක් වුවද ඔහුගේ හඬෙහි නම් වූයේ තරුණ හාදයකුගේ ස්වරය සහ ගාම්භීර බවය. ඒ නිසාවෙන් සුබ්‍රමනියම් මියෙන ආසන්නයට පැමිණෙන තුරුම හරිම අපූරුවට තාල අල්ලමින් සුමධුර හඬින් ගීත ගායනා කළේය.
ඉන්දිරා ගාන්ධිගේ සොඳුරු ලේලිය සහ රාජිව් ගාන්ධිගේ පියකරු බිරිය වූ සෝනියා ගාන්ධි, යම් උත්සව අවස්ථාවකදී සුබ්‍රමනියම්ගෙන් අසා තිබුණේ,

‘ඔබ කටහඬ මිහිරි වන්නට වැල්මී කොච්චරක් දවසකට කනවාදැයි..,’
කියාය.
බාල සුබ්‍රමනියම් මහා හඬින් සිනාසෙමින් සෝනියාට කීයේ වැල්මී කියන්නේ මොන රසයක් තියෙන දෙයක් දැයි තමා නොදන්නා බවය.
‘මා දන්නා තරමින් ඔබට වයස 70ක් අවසානයි.., අදටත් ඔබේ හඬ එදා ඔබට වයස 24දී මම ඇසුවා වාගේමයි. කියන්න එහි රහස කුමක්ද..?’
සෝනියා දෙවනුව ඇසුවාය.
‘මේ අහන්න මැඩම්..,
දෙවියන් වහන්සේ මිනිසා කියන සත්වයා නිර්මාණය කරන විට සොබාදහම සමඟ මිතුරු වෙලා ඇතැමුන්ට යම් සුවිශේෂී දෑ අතමිට මොළවනවා. ඉතින් කුමක් හෝ අහම්බයකින් උන්වහන්සේ තෝරාගත් ඒ ඇතැම් දෙනා අතර මමද සිටින්නට ඇති. මහලු නොවන අපූරු හඬක් මට තෑගි ලැබුණේ ඒ නිසයි.’

බාලසුබ්‍රමනියම්ගේ පිළිතුර ඔහුගේ හඬ තරමට සොඳුරු විය. සෝනියා ඔහු දෙස බලා සිටියේද ඔහු කෙතරම් සුන්දර මිනිසෙකුද යන වග අදහාගන්නට බැරිවා වාගේය.
බාලසුබ්‍රමනියම් ගැන එවැනි සොඳුරු සිදුවීම් ඕනෑ තරම් විය. එය එකින් එක පෙළ ගැස්වීමට නම් ශුද්ධවූ බයිබලය තරමට ග්‍රන්ථයක් නිකුත් කළ යුතු බව ඔහුගේ එකම පුතු ‘බරන් සුබ්‍රමනියම්’ විසින් පවසා තිබිණි.

ඇත්තෙන්ම බාලසුබ්‍රමනියම් තමාව හඳුන්වා දුන් ආකාරයටම ඔහු දෙවියන් විසින් ලොවට දායාද කළ සුවිශේෂී දීමනාවක්ම විය. සුබ්‍රමනියම් ගී ගැයීම ආරම්භ කළේ ඔහුට වයස 24 පසුවන විටමය. එයට පසුව 50 වසරක් තුළ සිය වෘත්තීමය ජීවිතයෙහි සංගීතය යන ඉසව්ව තුළ සුබ්‍රමනියම් ඔටුනු පැලඳ සිටියේය. 50 වසරක් සපිරුණු සුබ්‍රමනියම්ගේ සංගීත ජීවිතය තුළ සම්මාන රාශියක් දිනාගත් අතර, පද්ම භූෂාන් සහ පද්ම ශ්‍රී සම්මානද මෑතදී එයට එකතු විය.
භාෂා 16කින් ඉතා සුමධුර සිය ගී හඬ විස්මයට පත් කළ ඔහු සුවිශේෂීව දමිළ, තෙළිඟු සහ හින්දි බසින් වැඩි හරියක් ගී ගැයුවේය. මියෙන්නට පෙරාතුව ගැයූ ඒ ගීත ගණනට ඉලක්කමක අගයක් තබන්නේ නම් එය 40,000කට වඩා වැඩිය. ගිනස් පොතට ඔහුගේ නම වැටුණේද ඒ නිසාය.
උතුරු ඉන්දීය සිනමාවේ හින්දි බසින් ගී ගයන ගායකයන් සිටියද බොහෝ සංගීත අධ්‍යක්‍ෂවරුන් අජේ දේව්ගන්, අක්ෂය කුමාර්, සංජේ දත් සහ සුනිල් ෂෙට්ටිගේ ප්‍රතිරූප සඳහා ගීත ගායනයට එක්කළේ බාලසුබ්‍රමනියම්ය. එය ඔහු තමාට ලැබුණු කදිම අවස්ථාවක් ලෙස සැලකුවේය.
බොහෝ කෙටියෙන් සාරාංශමය වශයෙන් දැක්වූ ඔය කෙටි තොරතුරු තුළින් බාලසුබ්‍රමනියම්ගේ වටිනාකම කොතෙක් දැයි ඔබට වැටහුණා නිසැකය.

නමුත්..,
පසුගිය දවසක ඉන්දීය මාධ්‍ය ජාලා ඔස්සේ පැපරාසින් විසින් මුදාහැර තිබූ ප්‍රවෘත්තිවල සඳහන්ව තිබුණේ, බාලසුබ්‍රමනියම්ව අකාලයේ මරාගත් බවකි.

ජීවත් කරවීම සඳහා උපරිම වූ ආධාරක මාර්ග තිබියදීත්, බාලසුබ්‍රමනියම්ගේ තත්ත්වය නරක අතට හැරෙන්නට ඉඩදී හැමෝම වාගේ බලාසිටියේ ඇයිදැයි යන්න වටහාගත නොහැකි බව එම පැපරාසින් තවදුරටත් නිවේදනය කොට තිබිණි.

‘කොරෝනා’ ආසාදිතය ශරීර ගතවීමෙන් බාලසුබ්‍රමනියම් චෙන්නායි හී එම්.ජී.එම්. හෙල්ත් කෙයාර් රෝහලට ඇතුළත් වූයේ සැප්තැම්බර් 4 වැනිදාය.

එයට පසුව මදින් මද උණ ගතිය වැඩි වීම සහ එම උණ රෝගය දරුණු නියුමෝනියාවකට අවතීරණය වීමෙන් පසුව ඔහු මරණාසන්න තත්ත්වයකට මැදිව සිටියේය. සිහියක් හෝ නිනව්වක් නොමැතිව අධි සත්කාර ඒකකයෙහි දින කිහිපයක්ම කල් ගෙවූ හෙතෙම පසුගිය 21 වැනි සඳුදා දින ජීවිතය හැරගියේය.

සියල්ල එසේ සිදුවූ බව මාධ්‍ය අනාවරණය කරන විට චෙන්නායිහී එම්. ජී. එම්. හෙල්ත් කෙයා රෝහල නිකුත් කළ නිවේදනයක දැක්වූයේ හෘදයාබාධමය තත්ත්වයක් උත්සන්න වීමෙන් බාල සුබ්‍රමනියම් මරණයට පත්වූ බවය.

කෙසේ වුවද,
සියල්ල සිදුවී හමාරය.
බාලසුබ්‍රමනියම් වෙනුවෙන් ඉන්දියාව පුරාම ගෞරව උපහාර පිදෙන අතර, ඔහුගේ අහිමි වීම දරාගත නොහැකි පාඩුවකැයි පවසමින් ඉන්දියාවේ ඉතා කීර්තිමත් පුද්ගලයන් සහ බොහෝ පිරිස් සමාජ ජාලා වෙබ් අඩවි ඔස්සේ තම ශෝකය පළකොට තිබිණි.

ඒ අතර,
ඉන්දීය ක්‍රිකට් ක්‍රීඩක සුරේෂ් රයිනා..,
වියපත් නොවන ඔබේ සුමධුර හඬ අහිමිව යෑම කනගාටුයි. ඉදිරි පරම්පරාව ඔබේ ස්වරය අනුගමනය කරන්නේ නම් එය ආශිර්වාදයකි, යනුවෙන්ද,
අන්ද්‍රා ප්‍රදේශයේ මහ ඇමැති ජගන් මොහාන් රෙඞ්ඩි,
අහඹුවක් වූ ඔබේ දක්‍ෂතාවය අසාමාන්‍යයි.
යනුවෙන්ද,
උතුරු ඉන්දීය නළු අක්ෂය කුමාර,
‘ඔබ වැන්නකු නැවැතත් ඉන්දියාවටම තිළිණ කරන්නැයි’ මම දෙවියන්ට යාඥා කරන්නෙමි.
යනුවෙන්ද, තම ප්‍රාර්ථනාවන් ඉතාම සංවේදීව සටහන් කොට තිබිණි.
දමයන්ති රේණුකා ප්‍රනාන්දු

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive6 days ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive7 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology10 months ago

2020 ලග්න පලාපල ඔබට කොහොමද?

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology11 months ago

ඔබේ සහකරු ඉන්න තැන මෙන්න

Mahawanshaya1 year ago

ගම්දනාව බියවද්දමින් උලමා හොයන දේ

Exclusive6 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive6 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Astrology1 year ago

නිවෙසේ උපකරණ සඳහා සුබම දිශාව

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive7 months ago

රනිල්ගේ UNP එකයි සජිත්ගේ UNP එකයි

Exclusive12 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)