Connect with us
Redmi 9C
Advertisement

Heart

අපේ සමහරු සුද්දගෙ නැට්ට අතේ තියන් ඉන්නෙ

Published

on

නාකිපාට වුණාට මං තාම තරුණයි…

දෙයියනේ මේ නාකි ගෑනි මුණුපුරාව කසාද බැඳලද කියල සමහරු අහනවා…

විශිෂ්ට ගණයෙහිලා ගත හැකි අති දක්ෂ කලාකරුවන් ගැන අටුවා ටීකා වශයෙන් ලියන්නට උත්සාහ කිරීම, බොහෝ විට අවැඩකි. අන්න ඒ නිසා දුලීකා මාරපන ගැන වැඩකට නැති තෝම්බුවක් දිගහැරීම අප පසෙක ලෑවෙමු. එහෙත්, අමාවකට පෑයූ අහිංසක සඳක ලෙස ටෙලි තිරයට පැමිණ ‘හිම කැටයම’ තුළින් කලා ලොවේ සැකසහිත කැටයමක වූ ඈ ගැන ඔබ නොදත් තව පුංචි පුංචි කතා ලියන්නට ‘හාට්’ දුලීකාට කළ ආරාධනය මත ගෙවී ගිය සොඳුරු මතක සටහන් නම් කෙසේවත් සඟවන්නට නොහැකි තරම් විය. ඉතින්, ඒ ගැන අසන්නට දැන කියාගන්නට ඔබටද ඉතසිතින් මෙසේ ආරාධනා කරන්නෙමු. එන්න රසවිඳින්න. මේ දිගහැරෙන්නේ දුලීකා මාරපන මීට පළමුව ඔබට නොකී තොරතුරු වන්නටද පුළුවන.
ඉන්ටර්නැෂනල් සමඟ ඔබ මේ දවස්වල බොහෝ කාර්යබහුල බවයි ආරංචිය?
ආරංචිය නම් හරියටම හරි. හැබැයි ටෙලි නාට්‍යයෙහි නම ඔබ උච්චාරණය කළ ආකාරය නම් වැරැදියි. මොකද එය ‘ඉන්ටර්නැසනල්’ මිසක ‘ඉන්ටර්නැෂනල්’ නෙමෙයි.
‘ෂ’ යන්න වෙනුවට ‘ස’ යන්න යෙදුවෙ උපහාසයටද දුලීකා?
සත්තකින්ම උපහාසයට තමයි. සුද්දා යන්න ගිහින් දශක ගණනක් ගෙවුණත් තවමත් අපේ සමහර දෙනා සුද්දගේ නැට්ට අතේ තියාගෙන ඉන්නවා. ඒ නැට්ට තවමත් අත්හැර දමන්න එයාලා සූදානමක් නැති පාට තමයි පෙනෙන්නේ.
ඉන්ටර්නැසනල් නිර්මාණය වුණේ සුද්දගේ නැට්ටෙ ආදීනව කියන්නද?
නොකියා කොහොමද? යම් කාරණයකවැදගත්කම ලෝකයාට බෙදාහරින හොඳම මාධ්‍යය වන්නේ කලාවයි. අනික මමත් සුජීවත් හිතුවා මේක බොහෝ කාලෝචිතයි කියලා. හිතලා බලන්න හැම අම්මා තාත්තා කෙනෙක්ම අද පිටරට අධ්‍යාපන ක්‍රමය හරහා තමන්ගේ දරුවව සුද්දකු කරලීමේ මෙහෙවරක යෙදෙනවා. ඉංග්‍රීසි අධ්‍යාපනය දෙන්න, දරුවව පිටරට යවන්න, ඇත්තටම පුදුම උමතුවක් ඔවුනට තියෙන්නේ. හොඳයි එතැන වරදක් නැතිය කියමු. ප්‍රශ්නේ තියෙන්නේ අහස අල්ලන්න හැදුවට මාපියන්ට ඒ සඳහා අවශ්‍ය ආර්ථික තත්ත්වය නෑ. ඉන්ටර්නැෂනල් අධ්‍යාපනය ලබන දරුවන්ගේ හෝම්වර්ක් ටික කරන්න මාපියන්ට අවැසි ඉංග්‍රීසි දැනුම නෑ. ඒ අතර තමාට යන්න බැරිවුණු ඉන්ටර්නැෂනල් තලයට දරුවා ඔසවා තැබුව පසුව දරුවා සහ දරුවා නියෝජනය කරන සමාජය තුළ මාපියන් මැදිවන හෑල්ලුව කොයි තරම් අසරණයිද? ඒ සියල්ල හමුවේ පීඩාවට පත්වන පවුල් ගැන තමයි ‘ඉන්ටර්නැසනල්’ තුළින් පොදුවේ කතාබහ කරන්නේ.
වේලාව සඳහා සවස 6.00 තෝරාගත්තේ ඇයි කියල ඇහුවොත්?
මෙහෙමයි. ස්වාධීන රූපවාහිනී සේවය සඳහා නාට්‍යයක් ඉදිරිපත් කරන විට එය කරන්නන් වාලේ කරන්නට බැහැ. යම් මණ්ඩලයක් විසින් එය නැරැඹූ පසුවයි ඒ සඳහා අවසරය ලබා දෙන්නේ. ‘ඉන්ටර්නැසනල්’ නැරැඹූ පසුව එම කොටස් කිහිපය ගැන ඔවුන් පැහැදුණා. එයට ඉහළ ලකුණු ලැබුණා. ඉන්පසු ඔවුන් අපෙන් ඉල්ලා සිටියා ‘අලුත් බෙල්ට්’ එකක් ටෙලි කලාවට තිළිණ කරන්න ‘ඉන්ටර්නැසනල්’ නාට්‍ය දෙන්න කියලා. ඇත්තෙන්ම වෙනත් වෙලාවක් ගැනීමේ අවස්ථා නොතිබුණු නිසා අපද එම අභියෝගය බාරගත්තා. සවස 6.00 කියන්නේ වෙනස් ටයිම් එකක්. නිවසේ බොහෝ විට කවුරුත් වාගේ අඩුයි. හිටියත් එක එක ගෙදර වැඩ. තවත් අය පාරේ. ඒ වාගේ පසුබිමක තමයි අපි ‘ඉන්ටර්නැසනල්’ පෙන්නන්න 6.00ට අලුත් බෙල්ට් එකක් බාරගත්තේ.
හිතුවාට වඩා අලුත් බෙල්ට් එක ජයග්‍රාහී වුණා?
මොනවද මේ කතා. ඉතාම අසීමිත ප්‍රතිචාර ලැබුණා. හැබැයි හිතුවට වඩා කියා ඔබ යෙදූ වචනය මම මෙතැනදි අනුමත කරන්න කැමැති නැහැ. ‘දුලීකා මාරපන’ කියන්නේ බොහොම ධනාත්මකව සිතන කෙනෙක්. ‘ඉන්ටර්නැසනල්’ රූගත කිරීම් පළමුව ආරම්භ කරන විටම මගේ විශ්වාසයක් තිබුණා එය ප්‍රේක්ෂකයන් අතරට යනවා කියලා. ඒ වගේම මම අදහන තවත් යමක් තියෙනවා. ඒ අපි හොඳ නිර්මාණයක් කරනව නම් ප්‍රේක්ෂකයන් අනිවාර්යයෙන්ම ඒ වටා ඉන්නවාය කියන එකයි. මට තවම මතකයි අපි ‘ලෝරන්ස්ගේ මනමාලි’ නිර්මාණය කළේ වේදිකාව බොහෝ හිස්ව ගොස් තිබූ කාල වකවානුවකයි. හැමෝම අපට නාට්‍යය කරන්න එපා කිව්වා. සත්තකින්ම මට සහ අප දෙදෙනාටම ඕනෑ වුණේ වේදිකාවට නැවැත රසිකයන්ව ගෙන එන්නයි. ඒ අභියෝගය අප ජයගත්තා. ‘ඉන්ටර්නැසනල්’ ටෙලිනාට්‍යයට සිදුවූයේද එයයි. අනික නිර්මාණයක සාර්ථකත්වය කියන්නේ මුදල්ම නෙමෙයි. ප්‍රේක්ෂක පිරිස ආලින්දය වටා පුටු තබා අසුන්ගන්නේද? අන්න එයයි නිර්මාණයක සාර්ථකත්වය. කොහොමත් මට ආඩම්බරයි. හේතුව ‘ඉන්ටර්නැසනල්’ කියන්නේ මගේ කුලුඳුල් ටෙලි නිර්මාණයයි.
වයසට වඩා මුහුකුරා ගිය චරිත නිතරම ලැබෙන එක ගැන හිතට අමාරු නැද්ද දුලීකා ඔබට?
චරිතයක් ලැබෙන විට මම පළමුව බලන්නේ ප්‍රේක්ෂකයාට මතක හිටින යමක් මට එහි කරන්නට තිබෙනවාද කියලා පමණයි. ඉන්පසුව එම චරිතය තුළ වෙනත් අඩුපාඩු නැතිනම් මම එයට හැකි උපරිමය කරනවා. ටෙලි කලාවට පැමිණි මුල් අවදියේ දීග සෝමපාලගේ දේදුණු පාලමෙහි මම ඩග්ලස් රණසිංහ මහත්තයගේ අම්මට රඟපෑවා. එවකට ඔහු මගේ වයසට වඩා දෙගුණයකට වැඩි වයසකයි හිටියේ. හැබැයි එය මට ගැටලුවක් වූයේ නැහැ. හැබැයි අම්මලාට රඟපාන්නට සුදුසු වයසක සිටින ප්‍රවීණ රංගවේදිනියන්ට නම් එය අසාධාරණයක් වුණා. මට වැඩිහිටි චරිත ලැබෙන විට මම අධ්‍යක්ෂවරුන්ට ඒ ගැන කියනවා. ඒත් ඔවුන් කියන්නේ එයට සුදුසු නිසා මාව තෝරාගත් බවයි.
ආත්තම්මා ටෙලිනාට්‍යයෙහි රඟපාන විට කවුරුත් සිතුවේ ඔබ වියපත් කාන්තාවක් කියලයි?
ඔව් අප්පා. කවුරුත් හිතුවෙ එහෙම තමයි. සුජිත්ව බඳින්න යනවා කියලා දැනගත්තාම කීදෙනෙක් මට අපහාස කළාද? මූණටම ඇනුම්පද කිව්වා. ‘දෙයියනේ බලන්නකෝ අර නාකි ගෑනි තමන්ගේ මුණුබුරාට රඟපෑව පොඩි කොල්ලව බඳින්න යනවනේ’ කියලා.
ඔබට තරහක් දැනුණේ නැතිද එතකොට?
අයියෝ නැහැ. මට ඒක හරි අපූරු විහිළුවක් වුණා. අනික රසිකයෝ මට නාකි ගැහැනි කියන්නේ මම වියපත් චරිත තුළ හොඳින් රංගනය කළ නිසානේ. අන්න එතැන තමයි මගේ ආශ්වාදය තිබුණේ. ‘අනේ දුලී නාකි චරිත රඟපෑවට ඔයා හරි තරුණයි’ කියනවට වඩා ‘පෙනෙයිද අර නාකි ගෑනි තරුණ කොල්ලෙක්ව බඳින්න යන අපූරුව’ කියන වචන ටික මගේ හිතට හොඳ උද්දාමයක්.
සුජිත් ගැන ටිකක් කතා කරමු. ඔහු හොඳ සැමියෙක්ද කියා ඇහුවොත් එහෙම?
සුජිත් ප්‍රේමණීයයි. සැමියකු ලෙස පවුල තුළ හොඳ විනෝදකාමී මනුස්සයෙක්. සෙට් එකේදි නම් ඔහු හරිම සියුම් අණදෙන්නෙක්. ඒ වාගේම සූක්ෂ්මයි. ඔහුගේ අධ්‍යක්ෂණය තුළ මා රඟන විට සමහර අවස්ථාවල මට යම් තරහක් ආවත් ඔහු එය හරි අපූරුවට පාලනය කරනවා.
උපාධිධාරිනියක වූ ඔබ රංගනය පමණක් වෘත්තීය ලෙස කරන්නේ ඇයි?
රංගනය පමණක් මම වෘත්තීමය ලෙස කරන බව හිතන ඔබ ඇතුළු හැම කෙනෙකුටම මෙහිදී මම යම් පණිවුඩයක් දෙන්නම්. කලාකරුවකු කියන්නේ හරිම සුවිශේෂී චරිතයක්. රඟන්නට බැරිව ගිය කළ ඔවුන් රජයට අතපෑම කළ යුතු නැහැ. ඔවුන් වැනි විශිෂ්ටයන් එසේ කළයුතුය යන මතය තුළ මම නොසිටින අතර අන් කලාකරුවන්ද එම මතයෙන් බැහැර වන්නේ නම් එය ඉතාම ගෞරවනීයයි. ඒ උතුම් ගෞරවය රැකගනුවස් මම රංගනයට අමතරව බොහෝ ඉසව් කෙරෙහි යොමුව සිටිනවා. මීට පළමුව මම ‘ෆිෂ් ඔයිල්’ මෙරටට ගෙන්වීමේ ව්‍යාපාරයක නියැළී සිටියා. ඩ්‍රග්ස් මාෆියාව ලංකාව ගිලගන්නා පසුබිම තුළ එය නවතා දැමීමට කටයුතු සැලැසුණා. පරිසරවේදිනියක ලෙස ‘සොබා ට්‍රස්ට්’ යන තේමාව යටතේ මම ‘මහරාජා’ සංවිධානය සමඟ කළ වැඩසටහන් මාලාවක වෘත්තීමය වශයෙන් සේවය කළා. කිහිපවිටක්ම සම්මානනීය මෙහෙවරක් වූ එයින් මට සමුගැනීමට සිදුවුණේ රංගන කලාව සඳහා කාලය වෙන්කර ගැනීමට අපහසු නිසයි. දැන් මම ඇඟලුම් ආයතන කිහිපයකම ‘මෝර්ටිවේටර්’ කෙනකු ලෙස ෆ්‍රීලාන්ස් සේවය කරනවා. ඒ අතර ‘ජූඩි’ නම් ඉතාලි කේක් ශිල්පිනියක යටතේ කේක් කලාවේ ප්‍රධානම අංගයක් වූ ‘විල්ටන් මල්’ කලාව ඔන්ලයින් හදාරනවා. ආඩම්බරයි කියන්න ජූඩි මට කියනවා නිතරම මම ඈට හමුවූ හරි අපූරු ගෝලයෙක්ය කියලා. විස්තරය දිග වැඩි වුණාද මන්දා. හැබැයි මම එය කීවේ කලාකරුවන් වන අප රංගනය සඳහා යොමුවන්නට බැරිවූ කල ජීවත් වීමට යමක් ඉතිරිකර ගැනීමට උපායශීලී විය යුතුය කියන නැඟීම මෙතැනදි පහදා දෙන්නටයි. අවම වශයෙන් පවුලේ එකම දුව වශයෙන් මගේ අම්මාව බලාකියා ගන්නට අවැසි පසුබිමක් සකසාගත යුතුය කියන මතය තුළ මම ඉන්න බව මෙහිදී කියනවා.
ඇත්තටම දුලීකා ඔබ ගැන ආඩම්බරයි. පිළිසඳර අවසන් කිරීමට යමක් කියනව නම්?
ජීවිතය සාර්ථක කර ගැනීමට අවැසි බොහෝ දෑ අපට ලැබෙන්නේ අප ජීවත් වන වටපිටාවෙන් සහ අත්දැකීම් තුළිනුයි. ලෝකය දෙස පියවි ඇසින් බලනවා නම් හැදෑරිය යුතු දෑ බොහෝමයි. රංගනය වැනි වෘත්තියක් මුවහත් කරගැනීම සඳහාද අපට අවැසි වන්නේ වටපිටාව සහ අප ගැටෙන යම් සිදුවීම් තුළ වන අත්දැකීම් සම්භාරයයි. ඇකඩමියකින් ලබන ඉගෙනුමට වඩා එය ඉතාම ප්‍රයෝජනවත් බව මගේ හැඟීමයි.
දමයන්ති රේණුකා ප්‍රනාන්දු

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive1 month ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Astrology11 months ago

2020 ලග්න පලාපල ඔබට කොහොමද?

Exclusive8 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Mahawanshaya1 year ago

ගම්දනාව බියවද්දමින් උලමා හොයන දේ

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Astrology1 year ago

ඔබේ සහකරු ඉන්න තැන මෙන්න

Astrology1 year ago

නිවෙසේ උපකරණ සඳහා සුබම දිශාව

Exclusive7 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive7 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive9 months ago

රනිල්ගේ UNP එකයි සජිත්ගේ UNP එකයි

Exclusive1 year ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)