Connect with us

Heart

අහස් මාලිගා තරු ආදරය ගැන කියපු රහස්

Published

on

තේජාන්, අහිංසා හොඳම යහළුවෝ. හරියටම කිව්වොත් දෙන්නට දෙන්න නැතිවම බැරි දෙන්නෙක්. හරියටම කිව්වොත් ගහට – පොත්ත වගේ. ඒ බැඳීම මොනවගේ බැඳීමක්ද කියලා තවම අපට කියන්නට බැහැ. තේජාන්, අහිංසා අපට මේ දවස්වල හමුවන්නේ අහස් මාලිගා ටෙලිනාට්‍ය හරහා. ඉතින් මේ බැඳීම මොකද වෙන්නෙ කියලා බලන්න ඒ ටෙලි යුවළට කතා කළා.
දෙව්නක කොහොමද ජීවිතේ?
කලා කටයුතු එක්ක තමයි මේ දවස්වල ජීවිතය ගෙවෙන්නේ.
සිහින ගොඩාක් එක්ක නේද දෙව්නකගේ ජීවිතය ගෙවෙන්නේ?
ඇත්තටම ඔව්. උදාවන හැම තත්පරයක් පාසා අරමුණ එක්ක තමයි මගේ ජීවිතය ගතකරන්නේ.
ඔබ කාලයක් කිව්වා මෙගා ටෙලිනාට්‍යවල රඟපාන්නෙ නැහැ කියලා නේද?
ඔව්. මම එහෙම හිතාගෙන හිටියේ. නමුත් ‘අහස් මාලිගා’ ටෙලිනාට්‍ය නිෂ්පාදනය කරන්නේ මගේ මාමා ප්‍රභාත් රෝෂණ. ඉතින් නැන්දයි මාමයි මට කතා කරද්දි බැහැ කියන්න බැහැ. ඔවුන් තමයි මට මේ ක්‍ෂේත්‍රයට එන්න පාර පෙන්නුවේ.
ඒ කියන්නේ ඔබ ඉදිරියට දීර්ඝ ටෙලිනාට්‍යවල අපට දැකගන්න පුළුවන්?
කොටස් සීයට එහා තිබෙන ටෙලිනාට්‍යවලට මම නැවැත රඟපාන්නෙ නැති වෙයි.
දෙව්නකට මේ දවස්වල පාරේ බැහැලා යන්න බැරි තරමට ගැහැනු ළමයින් බැල්ම දානවා නේද?
ඔවුන් ඒ ආදරය කරන්නේ දෙව්නකට නෙවේ. ‘තේජාන්ට’ කියලා මම දන්නවා.
ඒ නිසාමද ඔබ එළියට බහින විට වෙස්වළාගෙන යන්නේ?
මම එහෙම විශේෂ වෙස්වළා ගැනීමක් කරන්නේ නැහැ. අඳුරගන්න බැරි විදියට විලාසිතාවක් කරනවා.
මේ තරම් ආදරය කරන ප්‍රේක්‍ෂක පිරිසකට ඔබ එහෙම කරන එක අසාධාරණයි නේද?
මම ලේසියෙන් එහෙම ගෙදරින් එළියට බහින්නේ නැහැ. ඒ මගේ හැටි. අනෙක මගේ පෞද්ගලික ජීවිතයට නිදහස අවශ්‍යයි. එයට කරදරයක් වෙනවාට මම කැමැති නැහැ. කලාවයි, මගේ පෞද්ගලික ජීවිතයයි දෙක පටලගෙන කටයුතු කරන්න මම කැමැති නැහැ.
දෙව්නක සහ තේජාත් අතර තිබෙන වෙනස කොයි වගේද?
හැම පැත්තකින්ම සමානයි. කිසිම වෙනසක් නැහැ. හැබැයි තේජාන් ටිකක් දඩබ්බර වලි පැත්තට බර කෙනෙක්. දෙව්නක කියන්නේ සැහැල්ලුවෙන් හිතන සරලව ජීවත් වීමට උත්සාහ කරන කෙනෙක්.
අහස් මාලිගා තුළ මේ දවස්වල අපි දකින්නේ තුන්කොන් ආදර කතාවක්. එවැනි ආදර අත්දැකීමක් දෙව්නකටත් තිබුණලු නේද?
ඔව්. යම්කිසි කාල වකවානුවක එවැනි ආදර කතාවක මමත් අතරමංවෙලා හිටියා. යම්කිසි අවස්ථාවල මම ඒ ආදරය සැක කරපු අවස්ථා තිබුණා. මම එහෙම කරපු එක වැරැදියි කියලා මට පසුකාලීනව තේරුණා. ඇය කවදාවත් මට බොරු කළේ නැහැ කියලා දන්නවා. අවිශ්වාසයත් එක්ක හැම දේම නැතිව ගියා. ආදරය පරාජය වුණේ නැහැ කාලයට පරාද වුණා ආදරය.
ඒ ආදරයත් එක්කද තවමත් ජීවත් වෙන්නේ?
දැන්නම් මම ආදරය කරන්නේ නැහැ. මම තනිකඩ කොල්ලෙක්. ජීවත් වීමට ආදරය අවශ්‍යයි. ඒත් මේ කාල වකවානුව තුළ ආදර කතාවකට බැඳිලා ඉන්න මම කැමැති නැහැ.
කාලෙකට පස්සේ දෙව්නකට නැවැත චිත්‍රපටයකට ආරාධනා ලැබුණා නේද?
මගේ හිතවත් මිතුරෙක්ගේ චිත්‍රපටයකට ආරාධනාවක් ලැබුණා. ආකාශ තාරුක පෙරේරා තමයි තිර රචනය ලියන්නේ. එහි වැඩකටයුතු ළඟදීම පටන් ගන්නවා.

කාවින්iා මේ දවස්වල පාසල් ඇඳුමින් සැරැසිලා නැවැත පාසල් යනවා වගේ?
‘අහස් මාලිගා’ ටෙලිනාට්‍ය වෙනුවෙන් මට නැවැත පාසල් යන්න සිද්ධ වුණා. ඒ වෙනුවෙන් මම ආශාවෙන් පාසල් යනවා. සමකාලීනව මම සමඟ තවත් තරුණ පිරිසක් එකතු වුණු නිසා මේ පාසල් ජීවිතයත් එදා මෙන්ම මට දැනුණා.
අවුරුදු කුමරිය හරහා නේද කාවින්iා තාරකාවියක් වුණේ?
අවුරුදු කුමරියක් ලෙසට මම සම්බන්ධ වුණාට ටෙලිනාට්‍ය ක්‍ෂේත්‍රයට පිවිසෙන්න ලැබෙයි කියලා මම හිතුවේ නැහැ. 2015 ‘අයි.ටී.එන්.’ අවුරුදු කුමරිය තරගයට මම අයැදුම් කළා. එහිදී අවසන් දහ දෙනාට මාව තේරුණා. ඉන්පසුව තමයි මට ටෙලිනාට්‍ය සඳහා දායක වීමට ආරාධනා ලැබුණේ.
මේ ආපු ගමන වැරැදුණේ නැහැ නේද?
එහෙම කිසිම ප්‍රශ්නයක් වුණේ නැහැ. හරිම සුන්දර ගමනක් විදියට තමයි මම හිතන්නේ. මුලදි මුලදී මම කැමරාවට මුහුණ දුන්නේ බයෙන්, නුහුරු ගතිය නිසා. මම මුලින්ම රඟපෑවේ ශාන්ත සොයිසා අධ්‍යක්‍ෂණය කළ මෙගා ටෙලිනාට්‍යයක. බිමල් ජයකොඩි, නෙතලි නානායක්කාර සමඟ තමයි මුල්වරට රඟපෑවේ. එයාලා මට ගොඩාක් ආදරයෙන් උදවු කළා.
අහිංසාට පෙම්වතුන් දෙන්නෙක් ඉන්නවා නේද?
තවම අපි පෙම්වතුන් වෙලා නැහැ. තේජාන් සංදේශ් මගේ හොඳ මිතුරෝ පමණයි. තේජාන්ව තමයි මම ගොඩාක් ළඟින් ආශ්‍රය කරන්නේ. නමුත් ඉදිරියේදී සංදේශ්ට ගොඩාක් ළංවෙයි. කාට ළංවෙයිද කාගේ ආදරය හිමිවෙයිද කියලා දැම්ම කියන්න බැහැ.
අහිංසාගේ ආදර කතාව අහස් මාලිගා තුළ මවන කොට කාවින්iාගේ පාසල් ආදර ප්‍රේම කතාවට මොකද වුණේ?
මම පාසල් යන කාලේ නොතේරෙන කමට ආදරය කළා. ඒ ආදර කතාව දුරදිග ගියේ නැහැ. ඒ වයසට කවුරුත් ආදරය කරනවානේ. ඒ ආදරය පාසල් නිමවීමත් එක්කම අවසන් වුණා.
දිගටම කලා ක්‍ෂේත්‍රයේ රැඳෙන්නද බලාපොරොත්තුව?
උසස් අධ්‍යාපන කටයුතු කරමින් ඉන්නේ. ඔය අතරතුර තමයි නිර්මාණවලට සම්බන්ධ වෙන්නේ. මුදල් උපයන්න හිතාගෙන මම රඟපානවා නෙවේ. විනෝදාංශයක් විදියටයි මම දැනට රඟපාන්නේ.
වසන්ත විතාරණගේ

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive7 months ago

මහේෂ්ට ජනපතිවරණයට ආරාධනාවක්

Exclusive7 months ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive7 months ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive7 months ago

මහින්දගෙන් ‌ගෝඨාට නියෝගයක්

Exclusive3 days ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive5 months ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive2 weeks ago

රනිල්ගේ UNP එකයි සජිත්ගේ UNP එකයි

Exclusive3 months ago

සංගාගේ බිරිය ගැන අමුතු කතාවක් එළියට එයි

Exclusive6 months ago

මහරාජා අතින් ‌මේ මිනිසා ඉවර විය යුතුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Gurudawa7 months ago

යූඑන්පී අපේක්ෂකයා ‌තෝරන්නේ ‌මෙහෙමෙයි… (උපුල් ‌ජෝෂප් ප්‍රනාන්දුගේ ගුරුදා විග්‍රහය)