Connect with us
Advertisement Redmi Note 9

Heart

ඉන්න තැන හොඳින් ඉන්න

Published

on

⬤ මට ශ්‍රීදේවි වගේ වෙන්න හීන හතකින්වත් බැහැ…

මවක මිස, දුවකට අන් කල්‍යාණ මිතුරියක් කොයින්ද?
සෑම අම්මා කෙනකුම තම දූවරුන් හමුවේ දුක, සතුට බෙදා ගන්නා සමීපතම මිතුරියක විය යුතුය.
ඒ හැඟීම්බර යහළුකම හමුවේ යොවුන් කෙල්ලන් රැවටිලිකාර පෙම්වතුන්ගේ දැලට හසුවන අවස්ථාවන් බොහෝ දුරට වියැකී යනු ඇත.
අවවාදය සේම, ආදර්ශයෙන්ද මම එය මගේ පවුල තුළ රඟදක්වමි.., මේ මුළු ලොව තුළ ජාන්වීට සිටින හොඳම මිතුරිය මම වෙමි..,
ජාන්වී… ඔබ මට විශ්වයකි. මගේ පුංචි කෙල්ලට සුබම සුබ උපන් දිනයක් වේවා…!
මේ… සංවේදී සටහන භාරතීය සුපිරි නිළි රැජන ශ්‍රීදේවි විසින් සිය ඉන්ස්ටර්ග්‍රෑමයේ මුදාහැර තිබුණේ 2017 අවුරුද්දේ මාර්තු මස 06 වැනි දින හිමිදිරියේය. ඒ සිය වැඩිමල් දියණිය වූ ජාන්වී කපූර්ගේ විසි වැනි උපන් දිනය වෙනුවෙන්ය.
වචනයේ පරිසමාප්ත අරුතින්ම ජාන්වී සහ ශ්‍රීදේවි කල්‍යාණ මිතුරියන්ම වූහ. ජාන්වී තුරුණු සිතෙහි ශ්‍රීදේවිට නොකියූ රහස් තිබුණේද නැත. තරුණයෙක් තමා ලෙස වෙනස් විදියකට බැලුවත් ජාන්වී එය අම්මාට කීවාය.
මේ ලෝකෙට මම දැකපු හොඳම අම්මා ඔයයි. ඔයා මට විශ්වයක්, ඒ විශ්වය කොණක ඉන්න පුංචිම පුංචි තිත. ජාන්වී කපූර් කියන පිස්සු කෙල්ලය.
ඔයාට සුබ උපන් දිනයක් වේවා! අම්මා…
ශ්‍රීදේවිගේ 50 වැනි උපන් දිනය වෙනුවෙන් ජාන්වී තැබූ ට්විටර් සටහන එය විය.
ශ්‍රීදේවිගේ අකල් මරණය හමුවේ බොහෝ මානසිකව ඇදවැටුණු ජාන්වීට එම පීඩනයෙන් පැහැදිලිව ගොඩ ඒමට තවමත් නොහැකි විය. සමහරදා රාත්‍රියට අම්මා තමා වෙත පැමිණ තම හිස ඇගේ ඇකයේ තබා පිරිමදින ආකාරය ජාන්වීට දැනෙන බව ඈ තම නැඟණිය වූ කුෂී සමඟ කියා තිබුණාය.
‘ලබ්බු… ඔයා නිදිද?’
කියා අම්මා තමාගේ කනට කොඳුරා අසන බව ජාන්වී කිහිපවිටම ශ්‍රීදේවිගේ සමීපතම මිතුරියක හා පැවැසූ අතර, ඒ මොහොතේ විනාඩි ගණනක්ම ඈ ඉකි ගසමින් හැඬූ වගද ශ්‍රීගේ මිතුරිය බොනී සමඟ පවසා තිබිණ.
ශ්‍රීදේවිගේ ශෝචනීය මරණයෙන් පසු ගෙවී යන තුන් අවුරුදු මරණ සැමරුම පසුගිය දිනෙක ජාන්වී විසින් සමරා තිබුණේද හද කම්පා කරවනසුළු ‘පෝස්ටු’ කිහිපයක් තුළිනි.
‘මම ඔයාට ගොඩාක් ආදරෙයි ලබ්බු… ලෝකයේ මට මුණගැහුණු හොඳම දරුවා ඔයයි…’
ජාන්වී, තම උපන් දිනයට ශ්‍රීදේවි විසින් පසුගිය වසරක මුදා හළ ඒ හැඟීම්බර පෝස්ටුව තම ට්විටර් ගිණුමට දමා තිබිණ. ‘ලබ්බු’ යන සුරතල් නාමය ජාන්වීට දැමුවේද ශ්‍රීදේවි විසින්මය.
මේ ලෝකයෙහි මා දුටු හොඳම අම්මාද ඔබය. ඔබ මාව කියවා තිබූ ආකාරයට මටවත් තවම මාව කියැවීමට නොහැකි විය. එතරම් අපූරුවට ඔබ මාව වටහා ගත් සියුම් කලාව මෙලොව තවත් අම්මලාට තම දූවරුන් වෙනුවෙන් පිහිටන්නේ නම් මෙලොව කිසිම ගැහැනු දරුවකු ජීවිතයේ කිසිඳු දිනෙක අතරමං නොවනු ඇත.
මෙලෙස ඔබව අහිමිව යෑමට මා කළ පාපය කුමක්දැයි සෙවීමේ දිවැසක් මට ඇති නම් දැනටමත් මම එය සොයා යමි.
ඔබ දෙවියන් සමඟ කතාබහ කරන්නේ නම්, ඔබ නැති අඩුව මට නොදැනෙන විස්මිත ආශීර්වාදයක් මට දෙන්නැයි ඔවුනට කියන්න..,
හැමදාමත් ඔබට ආදරෙයි. ඉන්නා තැනක සතුටින් වසන්න.
2021 පෙබරවාරි මස 24 වැනිදා පාන්දර ජාන්වී තම ට්විටර් ගිණුමෙහි එම දුක්බර සටහන එක්කර තිබිණි. ජාන්වීට ලැදි සේම ශ්‍රීදේවිට ආදරය කරන ලක්‍ෂ සංඛ්‍යාත අනුගාමිකයන් එම පෝස්ටුව වෙනුවෙන් තම දුක්බර මතකය සනිටුහන් කොට තිබිණ. ඒ අඟහරුවාදාවේ බොනී කපූර්, කුෂී සහ ජාන්වී ශ්‍රීදේවි වෙනුවෙන් පුද පූජා පැවැත්වූයේද ශ්‍රීදේවියට අදටත් ඇලුම් කරන සුවහසක් රසික සිත් ශෝකයෙන් මුසපත් කරවමිනි.
ජාන්වී රංගනය සඳහා අවතීර්න වීමට නියමිතව සිටියේ ශ්‍රීදේවි මියයෑමට ආසන්නයේමය. රංගනය සඳහා ජාන්වීව හුරු කළ හොඳම ගුරුතුමිය වූයේ ශ්‍රීදේවිය.
‘මට කවදාකවත් ශ්‍රීදේවි වීමට නම් හීන හතකින්වත් බැරි වේවි..,’
ජාන්වී දිනෙක ශ්‍රීදේවිට කියා තිබිණි.
ලබ්බු… ඔබ ශ්‍රීදේවි විය යුතු නැහැ… එසේ වීමට උත්සාහ ගන්නටද එපා… ඔබ ජාන්වී කපූර් වන්න, ‘ජාන්වී’ ලෙස රසිකයන් අතර එක් මතකයක් හෝ තබන්න. ශ්‍රීදේවිගේ දියණිය ලෙස ගමනක් යනවාට වඩා එය වටින්නේය.’
ශ්‍රීදේවි ජාන්වීට කියා තිබුණේ ඉමහත් සෙනෙහසින්ය.
දමයන්ති රේණුකා ප්‍රනාන්දු

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive6 months ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Mahawanshaya2 years ago

ගම්දනාව බියවද්දමින් උලමා හොයන දේ

Exclusive2 years ago

මහේෂ්ට ජනපතිවරණයට ආරාධනාවක්

Exclusive2 years ago

මහින්දගෙන් ‌ගෝඨාට නියෝගයක්

Astrology1 year ago

ඔබේ සහකරු ඉන්න තැන මෙන්න

Astrology1 year ago

2020 ලග්න පලාපල ඔබට කොහොමද?

Astrology2 years ago

නිවෙසේ උපකරණ සඳහා සුබම දිශාව

Exclusive2 years ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology2 years ago

විෂ්ණු දෙවියන්ගේ පිහිට ගෙනන පූජාවක්

Exclusive2 years ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive11 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Exclusive11 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive1 year ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)

Exclusive1 year ago

රනිල්ගේ UNP එකයි සජිත්ගේ UNP එකයි