Connect with us
Redmi 9C
Advertisement

Heart

ඉස්පාසුවක් නැතිව ආදරය කරන සංජය – මනයාටා පෙම්පලහිලව්ව

Published

on

නළුකම ඉලක්කම්වලට උකස් තිබ්බේ නැති සුපිරි නළුවා…

සංජේ දත් ඉන්දියානු සුපිරි තරු අතර නොම්මර එකේ තවත් එක් තරුවකි.තවත් විදියකට කියනවා නම්, තරුවකට වඩා සංජේ දත් අති දක්‍ෂ චරිතාංග නළුවෙකි. යෞවනයකු ලෙස ඔහු හින්දි සිනමා සාගරයට එක්වූයේ ‘රොකී’ චිත්‍රපටයෙනි. වාණීජ මෙන්ම සම්භාව්‍ය ගණයේ චිත්‍රපටවලද සම සමව රඟපෑ සංජේට ප්‍රතිවාදීව වෙට්ටු දමන වෙනත් සුපිරි තරු සිටියේ නැත. සරලවම කියනවා නම් සංජේ වෙනත් නළුවන් සමඟ ගේමක් ඉල්ලුවේ නැත. කිසිවකු සමඟ ඔහුට ගේමක් තිබුණේද නැත. නිසොල්මනේ, පාඩුවේ ඔහු තම ‘සුපිරි තරු’ නළුකම ලොකු ලොකු ඉල්ලම්වලට උගස් තබා හරි හම්බුකර ගත්තේය.
නමුත්..,
නිසොල්මනේ එලෙස ඇදී ගිය සංජේගේ සුපිරි ජීවිත රටාවට එපිටින් විශාල කළු පැල්ලමක් ඔහුව වට කොට ඉදිවෙමින් තිබුණේ ඔහු නළුවකු ලෙස සුපිරි තත්ත්වයට පය තබන විටමය.
ඒ බියකරු කළු පැල්ලමෙහි පළමු පියවර වූයේ සංජේ කුඩුවලට ඇබ්බැහි වීමය. හේතු පිණිස ඒ වෙනුවෙන් ඔහු පවසා තිබුණේ තම මව පිළිකාවෙන් පෙළෙන වේදනාව දරාගත නොහැකි නිසා කුඩුවලට ඇබ්බැහි වූ බවය. නර්ගීස් මිය ගියාට පසු සංජේ තවත් තදින්ම කුඩට ඇබ්බැහි වූයේ අම්මාගේ පපුකුහරෙහි උණුසුම නැතිව ගිය සොවිනි. ‘ටීනා මුනිට්’ නම් සුපිරි නිළි කැකුළ සංජේ දත් සමඟ වූ පෙම් පලහිලව්වෙන් සමුගත්තේද ඔහුට කුඩුවලින් තොර වෙනත් යමක් නොතිබූ නිසාය. භාවිතයට ගත් කුඩු ප්‍රමාණය සංජේ තවත් වැඩි කළේ ‘ටීනා’ තමා හැර ගිය ශෝකය වාවාගනු බැරිවය.
බොහෝ හැලහැප්පීම් අවසානයේ සංජේ පුනරුත්ථාපනය මැද මතින් මිදුණේ සුනිල් දත්ගේ තදබල රෝගී තත්ත්වය මැදය. යහපත් භාරත කතක සමඟ විවාහ වී ‘ත්‍රිෂාලා’ නම් අපූරු දියණියක තුටු පඬුරු ලෙස ජීවිතයට ලැබුණු පසු සංජේ දත් සිය පරිණත පිරිමියකු ලෙස නැවැත තැන්පත් විය.
එහෙත්..,
එය ඉතාම කෙටි කලකට සීමාවිය.
ඒ පාර සංජය මැදිව සිටියේ රහස් අවි ගනුදෙනුවක ගේමක් සඳහාය. සංජේ අත්අඩංගුවට පත්වී අනතුරුව රක්ෂිත බන්ධනාගාරගතවී අවසානයේ වසර කිහිපයකට සිරගත වූයේ ඉතාම කෙටි කලක් තුළදීය. තරුණ බිරිය දියණිය ත්‍රිෂාලා සමඟ ඔහු තනිකොට ගියේ දික්කසාදයෙහි ලියකියවිලිවල සියලුම කොපි සංජේට ලැබෙන්නට සලස්වමිනි.
නැවැත සංජේ මතට ඇබ්බැහි විය. දියණිය ත්‍රිෂාලා තමා වෙතින් දුරස්ව යෑම, වඩාත්ම සංජේව මානසිකව පහතට ඇද දැමීමට හේතු විය. ඒ අතරම සංජේගේ පියා වූ සුනිල් දත්ද ජීවිතයෙන් සමුගත්තේය.
‘ඉතින්… සංජේට කාගේ නම් පිහිටක්ද?’
නිදහස ලබමින්, නැවැත සිරගත වෙමින් යළි නිදහස සොයා ගොස් නොසිතූ ලෙස කුමක් හෝ අඩව්වකට මැදිව යළිත් ලොක්අප් වන සංජේ ගෙවූ ජීවිතය සාතන්ටම බිලි විය.
සමහර අවස්ථාවන්වල සාතන් විසින් කළුවර කුටි තුළට කොටු කරන ජීවිතවලට, දෙවියන් විසින් ‘සුර දූතයන්’ එවා වදාරණ අහඹු අවස්ථාවන්ද වේ..,
සංජේ දත්ටද එවැනි අවස්ථාවක් උදාවිය. දෙවියන් විසින් සංජේ වෙත එවූ සුරදූතිය වූයේ ලස්සන තරුණියක වූ ‘මනායාටා’ය. මනායාටා සංජේගේ ආදරණීය රසිකාවියක විය. සුහද මිතුරු ගනුදෙනුවක්ව තිබූ සම්බන්ධතාවයට මනායාටා විසින් ආදරය එකතු කළේ සංජය අළුගෝසුවකුසේ සිරගතව සිටින සමයේදීමය.
අලංකාර ඇඳුමෙන් සැරැසී රසමසවුළු පිසගෙන සංජය බලන්නට එන මනායාටා දෙස ජේලර්ලා බලා සිටියේ පුදුමයෙනි. නාහෙට නාහන අළුගෝසු මිනිසකු වෙනුවෙන් මෙතරම් සුන්දර ලලනාවක් දෙවියන් කුමකට මැව්වාදැයි ඔවුන් නිතර සිතන්නට ඇත.
සංජේගේ ජීවිතය සම්පූර්ණ වෙනස් විය. හෙතෙම සිර දඬුවමින් නිදහස්ව ගොස් මනායාටා සමඟ විවාහ විය.
මෙවර දීපවාලිය සමඟ ඒ අපූරු බැඳීමට වසර ගණනක් සම්පූර්ණ විය. මනායාටා සංජේ සමඟ සතුටුදායක ජීවිතයකට මැදිව සිටින්නේ හුරුබුහුටි දරු දෙපළක්ද සමඟය. පසුගිය කාලයේ මාරාන්තික පිළිකා තත්ත්වයකට මැදිව සිටි සංජේ දත්ට ඇප උපස්ථාන කළ සොඳුරු හෙදිය වූයේ මනායාටාය.
මෙවර දීපවාලිය සමඟ තම විවාහ සංවත්සරය ඩුබායි හී පැවැත්වීමට සියල්ල සූදානම් කොට තිබූ සංජේ එදිනට මනායාටා හමුවේ තම හද කොණක තිබූ ආදරණීය හැඟීම අලුත්කර ගැනීමට අවැසි සියල්ල ලකලැහැස්ති කොට තිබුණේය. ඇයට අලුත් නමකින් අමතන්නටද ඒ තම අමුත්තන් හමුවේ ප්‍රසිද්ධියේ සඳහන් කරන්නටද සංජේ නිර්මාණශීලී, බොළඳ මෙහෙවරක් සූදානම් කොට තිබිණි. පසුගිය මාර්තු මස තම අලුත්ම චිත්‍රපටවල වැඩ නිම කිරීම සඳහා සංජේ මුම්බායි ආවේ දීපවාලියට එන පොරොන්දුව මනායාටා හමුවේ තබමිණි.
කොරෝනාව ඒ සොඳුරු හීන සුනුවිසුණුකර දැමීය.
එනමුදු සංජේගේ හිතේ මනායාටා වෙනුවෙන් මෝදු වන අලුත් ආදරයට එය බාධාවක් නොවීය. සංජේ ඉතාම හැඟීම්බර අලංකාර හසුන් පතක් අන්තර්ජාලය හරහා මනායාට තිළිණ කළේ ඇගේ උපන් දින සැමරුමද ඊට හේතුවක් කර ගනිමිනි.
‘ආදරණීය අම්මා..,
දුකේදීත්, සැපේදීත්, කටුක වූ හැම මොහොතකමත් ඔබ මා අසලම ගැවසුණාය..,
තනිව සිටින මොහොතක මට හඬන්නට උකුල දුන්නේ ඔබයි..,
ඒ උකුල මත හිස හොවා සිටින විට ඔබ මහිස පිරිමදින විට,’
‘මගේ අම්මා’ නැවැත ජීවය ගෙන පැමිණ ඇතැයි මට සිතුණු වාර අනන්තය…
‘මම ඔයාට අම්මා කියන්න දැයි’ ඔබෙන් අසන්නට මට බොහෝ විට සිතුණු තැන් මම නිහඬකර හැරියෙමි. තව ටිකක් ඉවසන්නට මට ඕනෑ විය. ඒ ඉවසීමද මට හුරු කළේ ඔබමය…’
‘දැන් නම් ඒ ඉවසීමට ඉස්පාසුවක් නැත..,’
‘ඉතින් මම මගේ අලුත් ආදරය සහ ඔබට අමතන ස්වරය ලෝකය හමුවේ තබමි.’
‘අම්මා… මා සතු සියල්ල ඔබයි… ඔබ මට තිළිණ දුන්, කිසිදා වෙනස් නොවන ආදරය සේම, ඉක්රා සහ සහරාන් යන මා දූපතුන්ද පණසේ රකින්නට පොරොන්දු වෙමි..,
කිසිවක් නොතිබූ මට, සියල්ල අහිමිව දඟගෙයකට කොටුව සිටි මට ආදරය සමඟ ඔබ තනා දුන් ලෝකය හරිම අලංකාරය.
ඉතින් ඒ ලස්සන ලොව තුළ ඔබට රිසිසේ හුස්ම ගනිමි. ආදරණීය අම්මා හැමදාමත් ඔබ වගේම අම්මාය. නැවැත ඔබව මගේ ලයට තුරුළුකර ගන්නට වේලාව එනතුරු මම බලා සිටිමි.., ‘හැමදේටම ඔබට ස්තුතියි, මගෙ අම්මා… සුබ උපන් දිනයක්.’
ඒ අපූරු සටහන දැක බොහෝ දෙනකු සංජේට තම ආදරය දැක්වූහ.
සංජේගේ පළමු විවාහයේ දියණිය වූ ත්‍රිෂාලා..,
සුබ උපන් දිනයක් අම්මා, මගේ තාත්තට ඉතා හොඳින් රැකබලා ගැනීම ගැන ඔයාට ස්තුති කරනවා. ඉක්රා සහ සහරාන් දයාවෙන් සිහිකරමි. දෙවි පිහිටයි,’ යනුවෙන් ප්‍රතිචාර දක්වා තිබිණි.
සංජේගේ සටහනට පාමුලින් මුදාහැර තිබූ සේයා රූ පෙළෙහි සංජේගේ පෙනුම ඉතා ප්‍රියමනාපව තිබිණි. 61 හැවිරිදි සුපිරි තරුව ප්ලැටිනම් දුඹුරු කෙස් සමඟ කොණ්ඩය මුඩුකර තිබිණි. සංජේගේ සමීප මිතුරු මෝස්තර නිරූපණ ශිල්පී හසීම් අලිම් සංජේගේ නව පෙනුම සකසා තිබිණි.
එය සිත්කළුය..,
‘පරෙස්සමට මගේ ආදරය සමඟ දවස ගෙවන්න දරුවන් ඔබ එනතුරු සෙනෙහසින් කල්ගෙවන බව පවසමි. දෙවි පිහිටයි.’
පවුලේ අලංකාර සේයාරුවක් සමඟ එය සටහන් කොට තිබුණේ මනායාටාය.
දමයන්ති රේණුකා ප්‍රනාන්දු

Continue Reading
Click to comment

Leave a Reply

Your email address will not be published. Required fields are marked *

Advertisement
Exclusive1 month ago

මැරෙන්න කලින් මධූෂ් හෙළි කරපු මහකුඩ්ඩන් හතර දෙනාගේ නම් මෙන්න (VIDEO)

Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Astrology11 months ago

2020 ලග්න පලාපල ඔබට කොහොමද?

Exclusive8 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Mahawanshaya1 year ago

ගම්දනාව බියවද්දමින් උලමා හොයන දේ

Astrology12 months ago

ඔබේ සහකරු ඉන්න තැන මෙන්න

Astrology1 year ago

නිවෙසේ උපකරණ සඳහා සුබම දිශාව

Exclusive7 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Exclusive7 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Astrology1 year ago

විෂ්ණු දෙවියන්ගේ පිහිට ගෙනන පූජාවක්

Exclusive8 months ago

රනිල්ගේ UNP එකයි සජිත්ගේ UNP එකයි

Exclusive1 year ago

පොතේ හැටියට දිනන්නේ කවුද? (උපුල් ‌ජෝශප් ප්‍රනාන්දුගේ ගුරුදා විග්‍රහය)