Connect with us
Advertisement

Heart

කැරැලි කොණ්ඩකාරී ගහන ඩබල් ගේම

Published

on

කැරැලි කොණ්ඩයකින් කලා ක්‍ෂේත්‍රයට අලුත් ගමනක් පැමිණි නව පරපුරේ රංගන ශිල්පිනියක් ගැන අද කතාකරන්න හිතුවා. ඇය චමීෂා දිසානායක. මුලින්ම ඇය අපේ නෙත ළඟ ගැටුණේ ‘රැස්’ ටෙලි නාට්‍යය හරහා. මේ දවස්වල චමීසා නැවත අපි අපේ ටෙලිනාට්‍යයේ සුවිශේෂී රංගනයක නියැළෙනවා. ඉතින් ඇයගේ මේ අලුත් කලා ගමන ගැන ඔබට කියන්නට අප හිතුවා.
චමීෂා ඔබේ කලා දිවියේ පටන්ගැන්ම ගැන මුලින් කතා කළොත්?
මම මේ ක්‍ෂේත්‍රයට සම්බන්ධ වන්නේ වෙළෙඳ දැන්වීම් හරහා තමයි මුලින්. එතකොට මට වයස අවුරුදු දොළහක් විතර ඇති. ඔය වැඩකරගෙන යන අතරතුර තමයි මට ‘රැස්’ ටෙලිනාට්‍යයට සම්බන්ධ වීමට ලැබුණේ. සංගීත් ප්‍රභූ අයියා මම එක්ක වෙළෙඳ දැන්වීම් කරලා තිබුණා. ඔහු තමයි ‘රැස්’ ටෙලිනාට්‍යයේ අධ්‍යක්‍ෂ අකිල අබේරත්න අයියාට කියලා තියෙන්නේ. ඉතින් ඔය විදියට තමයි ඇවිත් මෙතැන ඉන්නේ.
මේ ක්‍ෂේත්‍රයට සම්බන්ධ වීමට ගොඩදෙනෙක්ට පෙනුම බලපානවා. හැබැයි ඔබට වාසනාව ගෙනාවේ ඔබේ කොණ්ඩය නේද?
ඇත්තටම ඔව්. මගේ කොණ්ඩය මට මේ ක්‍ෂේත්‍රයට එන්න අඩිතාලමක් වුණා.
‘රැස්’ ටෙලිනාට්‍යයට කැරැලි කොණ්ඩයක් තියෙන ගැහැනු ළමයෙක් හොයපු නිසා ඒ කොණ්ඩය මට තිබුණු නිසා ඔවුන් මාව තෝරාගත්තා.
සමහර අවස්ථාවල ඔබේ කැරැලි කොණ්ඩය නිසා ගොඩාක් ප්‍රශ්නවලටත් මුහුණ දුන් බව ආරංචියි?
ඔය ප්‍රශ්නය බලපෑවේ ‘රැස්’ ටෙලිනාට්‍යය කරන කාලය තුළ තමයි. අකිල අයියා මාව බලන්න එද්දි තිබුණේ කළු, කැරැලි කොණ්ඩයක්. පස්සෙ මම ඒ කොණ්ඩය කලර් කළා. මම අකිල අයියාට කිව්වා. පස්සේ මම කොණ්ඩය කලර් කළා කියලා. මට ලැබුණු වෙස්ටන් චරිතයත් එක්ක කලර් කොණ්ඩය ගැළපුණා. ‘රැස්’ ටෙලිනාට්‍යයේ කොටස් කිහිපයක් යන අතරතුර මම කොණ්ඩය නැවැත කළු කළා. මම ෂූටින් ගියේ ඒ විදියට. එදා ඉතින් ප්‍රශ්න ගොඩයි. එදා කොණ්ඬේ වහලා තමයි රූපගත කිරීම් කළේ. ඔය විදියට ඉතින් කොණ්ඩෙ විලාසිතා නිසා ප්‍රශ්න ගැටලු මතුවුණා.
රඟපෑමක අවබෝධයක් නැති ඔබට මුලදී චරිතයන් වටහාගත්තේ කොහොමද?
ඒකනේ මම කලින් කිව්ව අකරතැබ්බය වුණේ ඔය ප්‍රශ්න නිසා. මම දැනන් හිටියේ නැහැ චරිතයක් ලැබුණාම එයට බැහැලම වැඩකරන්න ඕනෑ බව. ඒ නිසානේ මගේ කොණ්ඩයට මම විලාසිතා දැම්මේ. දැන්නම් එය ගැන යමක්කමක් තේරෙනවා. අකිල අයියා මට ගොඩාක් උදවු කළා මගේ චරිතය ගොඩනඟා ගැනීමට. වැරැදුණු වාර අනන්තයි.
‘රැස්’ ටෙලිනාට්‍යයට ලැබුණු ජනප්‍රියතාවත් එක්ක චමීෂාව නැවැත ඩබල් ගේමකින් අපට හමුවෙනවා?
“අපි අපේ” ටෙලිනාට්‍ය මට ලොකු අභියෝගයක් වුණා. මම එහි චරිත දෙකක් රඟපාන නිසා කරගන්න ගොඩාක් අමාරු වුණා. ඒත් මම ඒ චැලේන්ජ් එක භාරගත්තා. මේ දවස්වල ලැබෙන ප්‍රතිචාරත් එක්ක මට හිතෙනවා මම චරිතයට සාධාරණය කරලා තියෙනවා කියලා.
මේ වන විට ඔබ ටෙලිනාට්‍ය අධ්‍යක්‍ෂවරුන් දෙදෙනකුගේ නිර්මාණ දෙකක වැඩකරලා තිබෙනවා. ඔබට දැනුණු වෙනස කොයිවගේද?
‘රැස්’ ටෙලිනාට්‍යයේ මාව වෙස්ටන් චරිතයකට තමයි තෝරාගත්තේ. “අපි අපේ” ටෙලිනාට්‍යයේ අහිංසක චරිතයක්. මේ චරිත දෙක එකිනෙකට වෙනස්. රවීන්ද්‍ර විජේරත්න අයියාගෙන් වගේම, අකිල අබේරත්න අයියාගෙන් ලොකු සහායක් ලැබුණා. අපි අලුත් කියලා අපිව මරාගෙන වැඩගත්තේ නැහැ. ඉතාම සැහැල්ලුවෙන් නිදහස් රංගනයක නියැළෙන්න හොඳ වාතාවරණයක් මට සලසා දුන්නා කියලා පැවැසුවොත් හරි.
පිරිමි ගොඩක් එක්ක එකට වැඩක් කරන කොට බයක් දැනුණේ නැද්ද?
මුලදී මේ ක්‍ෂේත්‍රයට සම්බන්ධ වීමත් එක්ක එහෙම බයක් නැහැ කිව්වොත් බොරුවක්. මොකද මේ ක්‍ෂේත්‍රයේ ගොඩදෙනෙක් වැඩ කරන්නේ පිරිමි. ඔවුන් සමඟ තමයි අපිට ගනුදෙනු කරන්න වෙන්නේ. හැබැයි ඉතින් මගේ ළඟින්ම අම්මා හිටිය නිසා හිතට පොඩි සැහැල්ලුවක් දැනුණා. පස්සේ ඉතින් හැමෝම හොඳ යහළුවන් විදියට කතාබහ කරලා උදවු කරපු නිසා බයක් දැනුණේ නැහැ. හැබැයි ඉතින් ගැහැනු ළමයෙක්ට තනියම යන්න අමාරු ගමනක් තමයි මේ ක්‍ෂේත්‍රය. තමන් හොඳට හිටියොත් කිසි ප්‍රශ්නයක් නැහැ.
වසන්ත විතාරණගේ

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ