Connect with us
Advertisement

Heart

කොරෝනා බච්චන් පවුලට තිත තියයිද

Published

on

ලෙඩ රෝග පැමිණෙන්නේ කිසිදු දැනුම් දීමකින් තොරවය.
එලෙසම ලෙඩ රෝග කිසියම් ප්‍රාණියකු කරා යොමු වන්නේද එයට උස්, පහත් බේද, තරාතිරම්, ජාති හෝ ආගම් බේද යන විශේෂයන් බලපාන්නේ නැත.
පසුගිය මාසයකදී හිරු නොනගින අධිරාජ්‍යයේ මහ
රැජනට සහ ඇගේ වැඩිමල් පුතු වූ කාල්ස් කුමරුට කොරෝනා වැලඳීම එයට ළඟම තිබෙන හොඳම නිදසුනකි.
එහි උණුසුම යම් තරමකට පහව ගියා පමණය, තවත් අවාසනාවන්ත වූ සිදුවීමක් මේ දිනවල අන්තර්ජාලය පුරා පැතිර යන්නට ගත්තේ එවැනිම සුවිශේෂී පවුලක් කේන්ද්‍ර කොටගෙනය.
උතුරු ඉන්දීය සිනමාවේ ඉසව් කිහිපයක් හරහා තම ප්‍රතිභාව සහ මහේශාක්‍ය බව පතුරුවා සිටින බච්චන් පවුලය.
බච්චන් පවුලේ පරම්පරා තුනක් කොරෝනාව හමුවේ රෝගීව සිටින අතර, එයට ගොදුරුව සිටින අයව නාමිකව දන්වා ඇත්තේ අමිතාබ්, අයිස්චර්යා, අභිෂේක් සහ ආරාධනා ලෙසින්ය.
පළමුවෙන්ම තමාට කොරෝනා වැලඳී ඇති බව දැනගත් විගස අමිතාබ් කුඩා වීඩියෝවක කොටසක් යූ-ටියුබය හරහා මුදා හරිමින් කියා සිටියේ,
‘මඳක් ඈත නොවූ කාලයක් තුළ ඔබ මා අසල ගැවසුණාද, මා ඇසුරු කළාද, යන්න පළමුව තහවුරු කරගන්න.
දෙවනුව වහා වෛiවරයකු හමුවී උපදෙස් ගන්න. කරුණාකර මෙය පැහැර නොහරින්න. මන්දයත් මම කොරෝනා උවදුර නිසා පීඩාවට පත්ව සිටිමි.
පළමුව අමිතාබ් රෝහල් ගතවූ අතර, දෙවනුව අභිෂේක් රෝහල් ගතවිය.
‘වෛiවරුන් හරි තීන්දුවක් දෙනතුරු අප නිසොල්මන්ව බලා සිටිමි.’
යනුවෙන් අභිෂේක් සිය ට්විටර් ගිණුමෙහි සටහනක් තැබුවේය.
අයිශ්චර්යා සහ ආරාධනාට කොරෝනා තත්ත්වය ආසාදනය වී ඇතැයි පළකරණ බැවින් ඔවුන් දෙදෙනාද නිවෙස තුළ නිරෝධායනය වන බවට ආරංචි ලැබී ඇත.
ආරාධනා සහ ඇගේ මව නිවෙසේ හුදකලාව සිටීම තමාට දරාගැනීමට මඳක් අපහසු බව සටහන් කොට තිබූ අභිෂේක් දුක හිතෙන අන්දමේ සංවේදී රූප රාමුවක්ද එයට සම්බන්ධව පළකර තිබුණේය.
ජුනුහී පිහිටා තිබෙන අමිතාබ්ගේ ප්‍රනීක්‍ෂා නම් මහා මන්දිරය ඉදිරිපිට විශාල බැනරයක් එල්ලා තැබීම ගැන බොහෝ දෙනකු කම්පාවට පත්ව ඇති බව කියැවෙයි.
‘කොවිඞ් ආශ්‍රිත අවදානම් කලාපයකි.’
යනුවෙන් එම බැනරයෙහි සටහන්ව ඇත.
මුම්බායි නගරය පුරා බොහෝ දෙනකු ආගමික වතාවත්හී යෙදෙන අතර, තවත් අය බච්චන් මැඳුරෙහි තොරතුරු දැනගැනීමටත්, පැපරාසින් පිරිස ‘නැනවතී’ රෝහලේ සිටින පිය, පුතු දෙපළ ගැන කුමක් හෝ ඕපාදූපයක් පතුරුවා හැරීමට බලා සිටින බැව් දැන ගන්නට ඇත.
සුවහසක් ප්‍රේක්‍ෂකයනට සතුට බෙදාහල ආදරණීය අමිතාබ් ඔබට ඉක්මන් සුවය පතමි.
මිලියන ගණන් දෙනකු ඔබ සුවය ලැබෙන තුරු බලා සිටින බව මම සතුටින් දන්වා සිටිමි.
ඉන්දීය සෞඛ්‍ය අමාත්‍ය හර්ෂ් චර්මන් සුවිශේෂීව ඊළඟ ප්‍රාර්ථනය කළේය.
අමිතාබ් බච්චන් යනු ඉතා ගුණගරුකව පිළිගැනෙන පුද්ගලයෙකි.
තමාට කොවිඞ් 19 ආසාදනය වී ඇති බවක් තමා ආශ්‍රය කළ මිනිසුන් මේ මේ අය යන බව විස්තරයක්ද පැහැදිලිව දෙන්නට ඔහු උත්සුක වූයේ එනිසාමය.
නවැතිල්ලේ සිතා බලන විට කෝවිඞ්-19 ආසාදනය වූ තවත් සුපිරි තරුද සිටින්නට හැකිය.
කිසියම් හීනමානයක් තකා ඔවුන් එය සඟවාගෙන ගොස් සිදුවන විපත සුළුපටු නැත.
එලෙසම බච්චන් පවුල කෙරෙහි පමණට වඩා අවධානය යොමු කරලීම නිසා වෙනත් කෝවිඞ්-19 ආසාදිතයන් ගැන සෙවීමේ මෙහෙවර සහ ඔවුනට ප්‍රතිකාර කිරීමේ මෙහෙවරද යම් තරමකට වඩාත් අතපසු වන්නට ඉඩ නොදිය යුතු යැයි ඉන්දීය ජාතික පුවත්පතක මඳක් සැරට පළවී තිබිණි.
‘ඔබ ගැන සේම අන් කොවිඞ් ආසාදිතයන් ගැනද සැලකිලිමත්ව සිටින ලෙස අදාළ අය වෙතින් ඉල්ලා සිටින්නැයි’
යනුවෙන්ද අමිතාබ්ගේ මිලියන 43ක් පමණ ට්විටර් අනුගාමිකයන් අතර සමහර දෙනකු ඔහුගෙන් ඉල්ලා සිටි බව කියැවෙයි.
කොයික කෙසේ වුවද,
ඊළඟට සිදුවන දෑ අවිනිශ්චිතය.
එකක් නම් නිශ්චිතව පවසන්නට පුළුවන.
සිදුවන්නට යමක්, යම් නියමයක් තිබෙන්නේද එය වළක්වන්නට නොහැකිය.
සුපිරි නිවෙසද, දුගී පැල්පතද, යාචකයන් වසන අම්බලමද වේවා එය ඕනෑම තැනකට අදාළ වෙයි.
දමයන්ති රේණුකා ප්‍රනාන්දු

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive1 year ago

මහින්දගෙන් ‌ගෝඨාට නියෝගයක්

Astrology9 months ago

2020 ලග්න පලාපල ඔබට කොහොමද?

Exclusive4 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ