Connect with us
Redmi 9C
Advertisement

Heart

ගාලු කොටුවේ හිඟාකාලා නළුවෙක් වුණු පුබුදු

Published

on

අපේ රටේ ඉන්න ජනප්‍රිය සිනමා තාරකාවන් කිහිප දෙනා අතර ඉදිරියේම ඉන්න කෙනෙක් තමයි පුබුදු චතුරංග කියන්නේ. පුබුදු රංගනයෙන් දායක වුණු හැම චිත්‍රපටයක්ම වගේ ඉතාම ජනප්‍රිය වුණා. රටේ ඇති වුණු අර්බුදකාරී තත්ත්වයෙන් පස්සේ දැන් හැමදේම කෙමෙන් සාමාන්‍ය අතට හැරෙමිනුයි තියෙන්නේ. ඉතිං මේ දවස්වල කෙරෙන අලුත් කලා කටයුතු ගැන දැන ගන්න වගේම ඉස්සර රසවත් මතක කිහිපයක් අලුත් කර ගන්නත් එක්ක අපි පුබුදුට කතා කළා.
පුබුදු මේ දවස්වල මොකද කරන්නේ?
මේ දවස්වල නම් වැඩිපුර ව්‍යාපාරික කටයුතුවලට තමයි කාලය වැය කරලා තියෙන්නේ. කලා කටයුතු තවම හරියට ආරම්භ වුණේ නැහැනේ.
එතකොට ඉදිරියේදී ඔබව දැක ගන්න ලැබෙන නිර්මාණ මොනවද?
වැඩ ඉවර කෙරුව චිත්‍රපට හතක් තියෙනවා. දේවින්ද කෝංගහගේගෙ “ගිරි වැසි පුර” චිත්‍රපටය එන්න තියෙනවා. ඒක දැවැන්ත නිර්මාණයක්. ලංකාවේ වැඩිම වියදමක් දැරුව චිත්‍රපටය තමයි ගිරි වැසි පුර. රංගන ශිල්පීන් පන්සියයක් පමණ ඒ සඳහා දායක වෙලා තියෙනවා. තව ප්‍රීතිරාජ් වීරරත්න මහත්මයාගේ “එදත් දිනුම් අදත් දිනුම්” චිත්‍රපටය එන්න තියෙනවා. ඒ වගේම සුනිල් ප්‍රේමරත්න මහත්තයාගේ “නිහඬ සෙවනැලි”, අනුරුද්ධ ජයසිංහ මහත්මයාගේ “මා” සහ සී. වී. සිවදාසන් මහත්තයාගේ “දෙවැනි යුද්ධය” කියන චිත්‍රපට ඉදිරියේදී තිරගත වීමට නියමිතයි. ඊට අමතරව උදයකාන්ත වර්ණසූරිය මහත්මයාගේ “ආදර හීනය” චිත්‍රපටයටත් සම්බන්ධ වුණා. හැබැයි ඒකෙ වැඩ තවම ඉවර කෙරුවේ නැහැ.
අපි අතීතයට පොඞ්ඩක් ගිහින් පුබුද කලා ලෝකයට ආව විදිය ගැන මතක් කරමුද?
ධර්මසිර් බණ්ඩාරනායක මහත්මයාගේ “ට්‍රෝජන් කාන්තාවෝ” වේදිකා නාට්‍ය හරහා තමයි මම කලාවට පිවිසුණේ. ඊට පස්සේ ආරියරත්න ඇතුගල මහත්මයාගේ “සමනල කඳවුර” ටෙලි නාට්‍ය සමඟ සම්බන්ධ වෙන්න මට අවස්ථාව ලැබුණා. ටෙලි නාට්‍යයේ හයවැනි තරුණයා විදියට තමයි මාව මුලින් තෝරගෙන තිබුණේ. ඒත් දවස් දෙකක් රූගත කිරීම් කෙරුවට පස්සේ මට ප්‍රධාන චරිතය හිමි වුණා.
නමුත් පුබුදු චතුරංගව රටම හඳුනා ගත්තේ හිරිපොද වැස්ස චිත්‍රපටයෙන්. අපි ඒ ගැන කතා කරමු?
ඒ වෙද්දී මම උදයකාන්ත වර්ණසූරිය මහත්මයාව දැන ගෙන හිටියා. ඒත් හිරිපොද වැස්සෙත් මාව පස්වැනි තරුණයා විදියට තමයි මුලින් තේරුණේ. ඒත් ඒකෙත් දවස් දෙකක් රූගත කිරීම් කරද්දී මට ප්‍රධාන චරිතය හිමි වුණා.
වෙනත් චරිතයකට තේරිලා රූගත කිරීම් අතරතුර ප්‍රධාන චරිතය හිමි වෙන්න ලොකු විශේෂත්වයක් තියෙන්න ඕනෑ. මොනවද පුබුදු සතුව තිබුණු ඒ වගේ විශේෂතා?
මං හිතන්නේ මහ පොළොව එක්ක ගැටිලා චරිත හඳුනා ගැනීම තමයි ඒ විශේෂත්වය. මොකද රඟපාන්න කොළඹ ආවට පස්සේ විවිධ චරිත එක්ක ගැටෙමින් ඒවා හඳුනා ගන්න මම උත්සාහ කළා. උදාහරණයකට කිව්වොත් මම පාරවල්වල ඇවිද ඇවිද හිඟන්නොත් එක්කත් ජීවත් වුණා. මොකද එහෙම වුණාම තමයි ඒ චරිතවල සැබෑ තත්ත්වය හඳුනා ගන්න පුළුවන්. මම හිතන්නේ ඒක මගේ ගමනට ගොඩක් උදව් වෙන්න ඇති.
ඒ කාලෙදි මුහුණ දුන්න අමතක නොවන අත්දැකීම් එහෙමත් ඇති නේද?
අපෝ ඔව්. එක පාරක් මම හිඟන්නොත් එක්ක ඉන්නවා උදයකාන්ත වර්ණසූරිය මහත්මයා දැකලා තිබුණා. අන්න පුබුදු වගේ කෙනෙක් හිඟා කනවා දැක්කා කියලා ඔහු ගිහින් අපේ කට්ටියත් එක්කත් කියලා තිබුණා.
හිරිපොද වැස්ස චිත්‍රපටයේදී ඔබ කුලුනක් උඩට නඟින දර්ශනය බොහෝ දෙනකුගේ අවධානයට ලක් වුණා. දැන් මොකද හිතෙන්නේ ඒ ගැන?
මතක් වෙද්දී දැන් නම් ඇඟත් හිරි වැටෙනවා. නළුකමට තිබුණු ආසාවට ගැම්මට තමයි ඒක කළේ. ඇත්තටම ඒ දර්ශනය හින්දා තමයි හිරිපොද වැස්ස බලපු ගොඩක් අයට මාව මතක හිටියේ.
ආයෙත් ඒ වගේ දර්ශනයකට මුහුණ දෙන්න වුණොත් සූදානම්ද?
අපෝ ඔව්. අවශ්‍ය වුණොත් ඊටත් වඩා අමාරු දර්ශනයක වුණත් රඟපාන්න තවමත් සූදානම්.
පුබුදු මාතර උසස් පෙළ පන්ති යන කාලේ ඔබේ ගුරුවරයෙක් සිදු කළ ප්‍රකාශයක් පසුගිය කාලේ මාධ්‍ය ඔස්සේ ඉතාම ජනප්‍රිය වුණා. අපි ඒ ගැන පොඞ්ඩක් කතා කරමු.
ඔව්. මෙහෙමයි. මම උසස් පෙළ කරන කාලේ ප්‍රසිද්ධ වෙලා තිබුණේ හොඳට ඉගෙන ගන්න කෙනෙක් විදියට. ඒත් ඒ කාලෙත් මට ඕනෑ වුණේ නළුවෙක් වෙන්න. මම ගණිත අංශයෙන් උසස් පෙළ කෙරුවත් මම වැඩිපුර කළේ නාට්‍ය ලියන එක. මොකද කලාව ඇතුළේ, සාහිත්‍ය ඇතුළේ ඉතාම රසවත් ජීවිතයක් තියෙන බව මට තේරුණා. මට ඕනෑ වුණේ ඒ ජීවිතය හොයා ගෙන යන්න. මහා සාගරයක් වගේ කලා ලෝකයේ පීන ගෙන යන්න මට ඕනෑ වුණා. අන්න ඒ කාලෙ ගැන තමයි මගේ ගුරුතුමා කියලා තිබුණේ. ඒත් මම කලාවට බර වුණා කියලා නැහැ ගණිත අංශයෙන් උසස් පෙළත් ගොඩ දා ගත්තා. කලාව කරන ගමන් අධ්‍යාපනයත් හොඳින් කර ගත්ත එක ගැන අද ගොඩක් සතුටුයි. මොකද ඒ වටිනාකම අද හුඟක් දැනෙනවා.
පුබුදු ජනප්‍රිය වෙලා ඉන්නේ සිනමා නළුවෙක් විදියට වුණත් ටෙලි නාට්‍ය කිහිපයකත් ඔබ රඟපාලා තියෙනවා. ටෙලි නාට්‍යවලට වැඩියෙන් සම්බන්ධ වෙන්නේ නැත්තේ හිතාමතාමද?
ඔව්. මම කොහොමත් අවුරුද්දට ටෙලි නාට්‍ය එකකට, දෙකකට වැඩිය සම්බන්ධ වෙන්නේ නැහැ. ඊට අමතරව ලැබෙන ආරාධනා මම ප්‍රතික්ෂේප කරනවා.
නමුත් ඔබ රඟපෑව ටෙලි නාට්‍ය කිහිපයේදීත් ලොකු ඇගයීමකට ලක් වුණා?
ඔව්. මම රඟපෑව “රන් සමනළයෝ” ටෙලි නාට්‍ය වසර දෙකක් ලංකාවෙ ජනප්‍රිය ටෙලි නාට්‍ය බවට පත් වුණා. ඒ වගේම “වන් වේ” ටෙලි නාට්‍ය සඳහා මට හොඳම නළුවා සම්මානයත් හිමි වුණා. ඊට අමතරව සුද්දි, කාසි වත්ත සහ මෝදර වැල්ල වගේ ටෙලි නාට්‍ය ඉතාම ජනප්‍රිය වුණා.
පාසල් කාලයේදී ඔබ නාට්‍ය ලිවීමේ දක්ෂයෙක් බව කලින් කිව්වා. ඒ හැකියාවෙන් ආයෙත් ප්‍රයෝජන ගන්න අදහසක් නැද්ද?
අනිවාර්යයෙන්ම ඒක හිතේ තියෙන දෙයක්. දැනටමත් මම ලියපු චිත්‍රපට තිර පිටපත් දහයක් විතර මා ළඟ තියෙනවා. හොඳ නිෂ්පාදකයෙක් හම්බ වුණොත් ඒවා ලබා දෙන්න මම සූදානම්. ඒ වගේම මායා දෙවැනි කොටසත් ලියලා ඉවරයි. ඒ සඳහා නිෂ්පාදකවරයෙක් හිටියත් පසුගිය කාලේ රටේ ඇති වුණු අර්බුදයත් එක්ක පොඞ්ඩක් ඒක වෙනස් වුණා. මායා දෙවැනි කොටස එනකම් රසික රසිකාවියෝ ගොඩ දෙනෙක් මඟ බලන් ඉන්න බව ඒ අයගේ ප්‍රතිචාරවලින් හොඳට තේරෙනවා. ඒ හින්දා හොඳ නිෂ්පාදකවරයෙක් හම්බ වුණු ගමන්ම “මායා 2” පටන් ගන්න තමයි බලන් ඉන්නේ.
චන්දන පොන්නම්පෙරුම

Continue Reading
Click to comment

Leave a Reply

Your email address will not be published. Required fields are marked *

Advertisement
Advertisement
Exclusive1 year ago

මහේෂ්ට ජනපතිවරණයට ආරාධනාවක්

Exclusive1 year ago

සිකුරාදා රෑ කරන්න ගිය ‌මෛත්‍රිගේ අගමැති කුමන්ත්‍රණය කඩා වැටේ

Exclusive1 year ago

මහින්දගෙන් ‌ගෝඨාට නියෝගයක්

Exclusive1 year ago

එජාප ඇමැතිලා 5ක් ඉවතට -අලුත් නම් 5ක් සූදානම්

Exclusive6 months ago

හිටපු ජනපති පුතා ඇඳිරි නීතිය මැද මහ රෑ දාපු පාටිය ගැන මාධ්‍යවේදිනිය ‌පොලිසියෙන් ප්‍රශ්න කරයි

Astrology9 months ago

2020 ලග්න පලාපල ඔබට කොහොමද?

Exclusive5 months ago

අමෙරිකා-බ්‍රිතාන්‍යය-ජර්මන්-යුරෝපා සංගම් තානාපතිවරු පෝලිමේ සජිත් හමුවන්න එති (VIDEO)

Astrology10 months ago

ඔබේ සහකරු ඉන්න තැන මෙන්න

Exclusive5 months ago

කෝටිපති දිලිත් කෝටි 2ක් දීලා විශේෂ යානයක් හදිසියේම ඩුබායි යැව්වේ ඇයි? (PHOTOS)

Mahawanshaya1 year ago

ගම්දනාව බියවද්දමින් උලමා හොයන දේ